11 મિનિટ પેહલા
- કૉપી લિંક
આ વખતે સરકારે બજેટમાં 10 મોટી જાહેરાતો કરી છે. અહીં પોઇન્ટ્સમાં વાંચો આખું બજેટ…
1. આવકવેરો
- નવી કર વ્યવસ્થા હેઠળ હવે નોકરી કરતા લોકોને 12.75 લાખ રૂપિયા સુધીની આવક પર કોઈ કર ચૂકવવો પડશે નહીં.
- વરિષ્ઠ નાગરિકો માટે TDS મર્યાદા ₹50 હજારથી વધારીને ₹1 લાખ કરવામાં આવી છે.
- સરકાર આવતા અઠવાડિયે એક નવું આવકવેરા બિલ રજૂ કરશે.
2. સસ્તું-મોંઘું
- EV બેટરી મેન્યુફેક્ચરિંગ માટે 35 એડિશનલ ગુડ્સ એક્ઝમ્પશન કેપિટલ ગુડ્સના લિસ્ટમાં સમાવેશ કરવામાં આવ્યો છે. આનાથી EV સસ્તા થઈ શકે છે.
- મોબાઇલ ફોન બેટરી મેન્યુફેક્ચરિંગ માટે 28 એડિશનલ ગુડ્સ એક્ઝમ્પશન કેપિટલ ગુડ્સના લિસ્ટમાં સમાવેશ કરવામાં આવ્યો છે. આનાથી મોબાઈલ સસ્તા થઈ શકે છે.
- સરકારે 36 જીવનરક્ષક દવાઓ પરની કસ્ટમ ડ્યુટી નાબૂદ કરી છે. આનાથી આ દવાઓ સસ્તી થશે.
- ઇન્ટરેક્ટિવ ફ્લેટ પેનલ ડિસ્પ્લે મોંઘા હશે. સરકારે કસ્ટમ ડ્યુટી 10%થી વધારીને 20% કરી છે.
3. ખેડૂત
- ધન ધન્ય યોજના 100 જિલ્લાઓમાં શરૂ કરવામાં આવશે. આ હેઠળ 100 જિલ્લાઓને આવરી લેવામાં આવશે, જ્યાં ઉત્પાદન ઓછું છે.
- કિસાન ક્રેડિટ કાર્ડની મર્યાદા વધારીને 5 લાખ રૂપિયા કરવાની જાહેરાત. હાલમાં, કાર્ડની મહત્તમ મર્યાદા 3 લાખ રૂપિયા છે.
- કઠોળ ઉત્પાદનમાં આત્મનિર્ભરતા માટે 6 વર્ષનું મિશન શરૂ કરવામાં આવશે.
4. વ્યવસાય
- નાના અને મધ્યમ ઉદ્યોગો માટે ક્રેડિટ ગેરંટી કવર 5 કરોડ રૂપિયાથી વધારીને 10 કરોડ રૂપિયા કરવામાં આવશે.
- નોંધાયેલા માઇક્રો એન્ટરપ્રાઇઝ માટે 5 લાખ રૂપિયાની મર્યાદા સાથે નવું ક્રેડિટ કાર્ડ રજૂ કરવાની જાહેરાત.
- રમકડાંના મેન્યુફેક્ચરિંગ માટે મેક ઇન ઇન્ડિયા હેઠળ એક યોજના શરૂ કરવામાં આવશે.
- સ્ટ્રીટ વેંડર્સ માટે ચાલી રહેલી પીએમ સ્વાનિધિ યોજનાની લોન મર્યાદા વધીને 30 હજાર રૂપિયા થશે.
5. શિક્ષણ
- બધી સરકારી માધ્યમિક શાળાઓને બ્રોડબેન્ડ કનેક્ટિવિટી સાથે જોડવામાં આવશે.
- 500 કરોડના ખર્ચે AI શિક્ષણ સંબંધિત એક્સિલન્સ સેન્ટર સ્થાપિત કરવામાં આવશે.
- આગામી 5 વર્ષમાં મેડિકલ કોલેજોમાં 75 હજાર બેઠકો ઉમેરવામાં આવશે. આવતા વર્ષે 10 હજાર બેઠકો ઉમેરવામાં આવશે.
6. પ્રવાસન અને કનેક્ટિવિટી
- ઉડાન યોજના દ્વારા આગામી 10 વર્ષમાં 120 નવા શહેરોને જોડવાની યોજના.
- બિહારમાં ગ્રીનફિલ્ડ એરપોર્ટ પ્રોજેક્ટ શરૂ કરવાની યોજનાની જાહેરાત.
- રાજ્યો સાથે ભાગીદારીમાં 50 ટોચના પર્યટન સ્થળોનો વિકાસ કરવામાં આવશે.
- ‘હીલ ઇન ઇન્ડિયા’ યોજના દ્વારા મેડિકલ ટુરિઝમને પ્રોત્સાહન આપવામાં આવશે.
7. હેલ્થ
- આગામી 3 વર્ષમાં તમામ જિલ્લા હોસ્પિટલોમાં ડે-કેર કેન્સર સેન્ટર બનાવવાની યોજના. 2025-26માં 200 ડે-કેર કેન્સર સેન્ટર બનાવાશે.
- તમામ પ્રાથમિક આરોગ્ય કેન્દ્રોમાં બ્રોડબેન્ડ કનેક્ટિવિટી પૂરી પાડવામાં આવશે.
- ગિગ વર્કર્સ (જેમની નોકરીઓ કામચલાઉ છે) ને જન આરોગ્ય યોજના સાથે જોડવામાં આવશે.
8. ઈન્ફ્રાસ્ટ્રક્ચર
- રાજ્ય સરકારોને માળખાગત વિકાસ માટે ₹1.5 લાખ કરોડ મળશે. આ 50 વર્ષ માટે વ્યાજમુક્ત લોન હશે.
- AIમાં સેન્ટર ઓફ એક્સિલન્સ સ્થાપવા માટે 500 કરોડ રૂપિયા ફાળવવામાં આવશે.
- 2025-30 માટે નવી એસેટ મોનેટાઇઝેશન સ્કીમ. આનાથી માળખાગત પ્રોજેક્ટ્સને ભંડોળ પૂરું પાડવા માટે 10 લાખ કરોડ રૂપિયાનું ભંડોળ ઊભું થશે.
9. મહિલા
- 5 લાખ મહિલાઓ અને SC/ST ઉદ્યોગસાહસિકો માટે એક નવી યોજના શરૂ કરવાની જાહેરાત કરી છે. આ અંતર્ગત સસ્તી બિઝનેસ લોન ઉપલબ્ધ થશે.
- પહેલીવાર ઉદ્યોગસાહસિક એટલે પહેલીવારના ઉદ્યોગસાહસિક માટે 5 વર્ષમાં 2 કરોડ રૂપિયાની ટર્મ લોન મળશે.
- સક્ષમ આંગણવાડી અને પોષણ 2.0 યોજના હેઠળ 8 કરોડ સગર્ભા અને સ્તનપાન કરાવતી મહિલાઓ અને છોકરીઓને ન્યૂટ્રિશનલ સપોર્ટ મળશે.
10. ન્યૂક્લિયર મિશન
- 2047 સુધીમાં 100GW ન્યૂક્લિયર એનર્જી ડેવલપ કરવા માટે મિશન શરૂ કરવાની જાહેરાત.
- આ મિશનને પૂર્ણ કરવા માટે ખાનગી ક્ષેત્ર સાથે સક્રિય ભાગીદારી કરવામાં આવશે.
- નાના મોડ્યુલર રિએક્ટરના રિસર્ચ અને ડેવલપમેન્ટ માટે ન્યૂક્લિયર એનર્જી મિશનની જાહેરાત.
- 2033 સુધીમાં ઓછામાં ઓછા 5 સ્વદેશી રીતે વિકસિત નાના મોડ્યુલર રિએક્ટર કાર્યરત કરવામાં આવશે.
