પ્રતીક બબ્બર બીજી વખત વરરાજા બનશે: વેલેન્ટાઈન ડે પર એક્ટ્રેસ પ્રિયા બેનર્જી સાથે સાત ફેરા ફરશે, બે વર્ષ પહેલાં છૂટાછેડા લીધા હતા

અભિનેતા પ્રતીક બબ્બર બીજી વાર લગ્ન કરવા જઈ રહ્યો છે. આ મહિને, વેલેન્ટાઇન ડેના અવસર પર, અભિનેતા તેની ગર્લફ્રેન્ડ પ્રિયા બેનર્જી સાથે લગ્ન કરશે. મીડિયા રિપોર્ટ્સ અનુસાર, આ એક ખાનગી સમારોહ હશે, જેમાં ફક્ત નજીકના મિત્રો અને પરિવારના સભ્યો જ હાજરી આપશે.

‘ETimes’ના અહેવાલ મુજબ, આ લગ્ન સમારોહ મુંબઈના બાંદ્રામાં પ્રતીક બબ્બરના ઘરે થશે. જો કે હજુ સુધી આ અંગે કોઈ સત્તાવાર માહિતી સામે આવી નથી.

કોણ છે પ્રિયા બેનર્જી?

પ્રિયા બેનર્જી દક્ષિણ ભારતીય એક્ટ્રેસ છે. સાઉથ સિનેમામાં તેણે ‘કિસ’ ફિલ્મથી કારકિર્દી શરૂ કરી હતી. આ સિવાય તે ઐશ્વર્યા રાય બચ્ચનની ફિલ્મ ‘જઝબા’માં જોવા મળ્યો હતો. તેણે ‘બેકાબૂ’, ‘રાણા નાયડુ’ અને ‘હેલો મીની’ જેવી શ્રેણીઓમાં પણ કામ કર્યું છે.

પ્રતીક રાજ બબ્બર અને સ્મિતા પાટિલનો પુત્ર છે

પ્રતિક બબ્બર પીઢ અભિનેતા રાજ બબ્બર અને દિવંગત અભિનેત્રી સ્મિતા પાટિલનો પુત્ર છે.

પહેલા લગ્ન સાન્યા સાગર સાથે થયા હતા

પ્રતીક બબ્બરે ઘણા વર્ષો સુધી ડેટ કર્યા પછી 2019 માં ફિલ્મ નિર્માતા સાન્યા સાગર સાથે લગ્ન કર્યા. પરંતુ 2020 માં માત્ર એક વર્ષ પછી, બંને વચ્ચે મતભેદો થયા અને તેઓ અલગ થઈ ગયા. ત્યારબાદ, કપલે જાન્યુઆરી 2023 માં સત્તાવાર રીતે છૂટાછેડા લીધા. આ પછી, નવેમ્બર 2023 માં, પ્રતીકે પ્રિયા બેનર્જી સાથે સગાઈ કરી.

સલમાન ખાનની ફિલ્મ ‘સિકંદર’માં જોવા મળશે

નોંધનીય છે કે, તાજેતરમાં પ્રતીક બબ્બર ફિલ્મ ‘ખ્વાબોં કા ઝમેલા’માં જોવા મળ્યો હતો. આ ફિલ્મ દાનિશ અસલમે ડિરેક્ટ કરી છે. આ સિવાય પ્રતીક સલમાન ખાનની ફિલ્મ સિકંદરમાં પણ જોવા મળશે.