દિલ્હી ચૂંટણી અપડેટ્સ: મતદાન દરમિયાન એક્ઝિટ પોલ પર પ્રતિબંધ, ચૂંટણી પંચે નોટિફિકેશન જાહેર કર્યુ

કેજરીવાલે ચૂંટણી પંચની સરખામણી કુંભકરણ સાથે કરી 

દિલ્હીના પૂર્વ સીએમ અરવિંદ કેજરીવાલે ચૂંટણી પંચની સરખામણી કુંભકરણ સાથે કરી છે. તેમણે X પોસ્ટમાં લખ્યું, ‘રામાયણમાં લખ્યું છે કે કુંભકરણ 6 મહિના સુધી સૂતો હતો અને પછી 6 મહિના સુધી જાગતો હતો. કદાચ ચૂંટણી પંચ તો જાગતું જ નથી. તેમની આ ટિપ્પણી AAPની પ્રચાર વેન પર થયેલા હુમલા પર આવી છે.

ખરેખરમાં, રવિવારે બપોરે નવી દિલ્હી વિધાનસભા ક્ષેત્રમાં AAPની પ્રચાર વેન પર કેટલાક લોકોએ હુમલો કર્યો હતો. આ પછી AAPએ ભાજપ પર હુમલાનો આરોપ લગાવ્યો. AAPએ હુમલાનો વીડિયો પણ જાહેર કર્યો છે.

AAP પ્રવક્તા પ્રિયંકા કક્કરે દાવો કર્યો હતો કે આ વીડિયોમાં રોહિત ત્યાગી અને શાંકી નામના બે હુમલાખોરો એ જ છે જેમણે 18 જાન્યુઆરીએ અરવિંદ કેજરીવાલની ગાડી પર પથ્થરમારે કરીને હુમલો કર્યો હતો.

AAP નેતા જસ્મીન શાહે કહ્યું- વીડિયોમાં સ્પષ્ટ જોઈ શકાય છે કે ભાજપના ગુંડાઓએ પોલીસની હાજરીમાં હુમલો કર્યો. જ્યારે તોડફોડ કરી દેવામાં આવે છે, ત્યારે પોલીસકર્મી ગુંડાઓને કહે છે- હવે જાઓ, તમારું કામ થઈ ગયું.

AAP દ્વારા જાહેર કરવામાં આવેલા વીડિયોમાં પ્રથમ હુમલાખોરને રોહિત ત્યાગી તરીકે દર્શાવવામાં આવ્યો હતો.