ગોધરા શહેરના સાતપુલ વિસ્તારમાં આજે બપોરના સમયે એક ગંભીર ઘટના સામે આવી, જ્યાં ગુલશન સર્વિસ સ્ટેશન પાસે કચરાના ઢગમાં અચાનક આગ લાગી હતી. આ વિસ્તારમાં મોટી સંખ્યામાં રહેણાંક મકાનો અને વ્યાવસાયિક એકમો હોવાથી સ્થાનિક રહીશોમાં ભયનો માહોલ સર્જાયો હતો.
.
સ્થાનિક જાગૃત નાગરિકોની સતર્કતાથી તુરંત જ ફાયર બ્રિગેડને જાણ કરવામાં આવી. ફાયર બ્રિગેડની ટીમે ઘટનાસ્થળે પહોંચી તાત્કાલિક કાર્યવાહી શરૂ કરી. ફાયર ફાઇટર્સે પાણીનો મારો ચલાવીને આગ પર નિયંત્રણ મેળવ્યું, જેના કારણે મોટી દુર્ઘટના ટળી હતી.
આગની ઘટના બાદ આસપાસના વિસ્તારમાં રહેતા લોકોએ રાહતનો શ્વાસ લીધો હતો. આ ઘટનામાં કોઈ જાનહાની કે મોટું નુકસાન થયું ન હતું, જે ફાયર બ્રિગેડની ત્વરિત કાર્યવાહીને આભારી છે. સ્થાનિક તંત્ર દ્વારા ભવિષ્યમાં આવી ઘટનાઓ ન બને તે માટે કચરા વ્યવસ્થાપન અંગે યોગ્ય પગલાં લેવાની જરૂરિયાત વ્યક્ત કરવામાં આવી છે.
