બજેટ સત્રનો ચોથો દિવસ: અખિલેશે કહ્યું- ડિજિટલ કુંભનું આયોજન કરનારા લોકો મૃતકોના આંકડા નથી આપી રહ્યા, સેનાને વ્યવસ્થા સોંપો

આજે સંસદના બજેટ સત્રનો ચોથો દિવસ છે. લોકસભામાં રાષ્ટ્રપતિના અભિભાષણ પર ધન્યવાદ પ્રસ્તાવની ચર્ચા દરમિયાન સપા સાંસદ અખિલેશ યાદવે સંબોધન કર્યુ હતું.

અખિલેશે મહાકુંભની ઘટના પર 2 મિનિટનું મૌન પાળવાની માંગ કરી હતી. સ્પીકરે આનો ઇનકાર કર્યો હતો. જો શાસક પક્ષના મનમાં ગુનાની ભાવના જ નથી તો પછી આંકડાઓ કેમ છુપાવવામાં આવી રહ્યા છે. ડિજિટલ કુંભનું આયોજન કરનારા લોકો મૃત્યુના આંકડા આપી શકતા નથી.

સપા અધ્યક્ષે કહ્યું કે ત્યાં (મહાકુંભમાં) લોકોના ચંપલ અને કપડાં વેરવિખેર પડ્યા હતા. યુપીના સીએમએ દુખ વ્યક્ત કર્યુ નહીં, જ્યારે લોકોના મૃત્યુની વાત આવે છે, ત્યારે તેમણે 17 કલાક પછી દુખ વ્યક્ત કર્યુ. પહેલા અખાડાઓમાં સ્નાન રદ કરવામાં આવ્યું અને જ્યારે સમગ્ર દેશમાં આ મુદ્દો ઉઠાવવામાં આવ્યો, ત્યારે ફરીથી સ્નાન કરાવવામાં આવ્યું.

અખિલેશ યાદવે પણ કહ્યું…

ડબલ એન્જીન સરકાર મહાકુંભમાં ફેલ થઈ. તેથી તેની જવાબદારી સેનાને સોંપવી જોઈએ.

આજે સાંજે 5 વાગ્યે રાષ્ટ્રપતિના અભિભાષણ પર પ્રધાનમંત્રી નરેન્દ્ર મોદી પણ પોતાનું ભાષણ આપશે. સંસદનું બજેટ સત્ર શુક્રવાર (31 જાન્યુઆરી)થી શરૂ થયું.

પહેલું સત્ર 31 જાન્યુઆરીથી 13 ફેબ્રુઆરી સુધી અને બીજું સત્ર 10 માર્ચથી 14 એપ્રિલ સુધી ચાલશે. આ સત્રમાં 16 બિલ રજૂ થઈ શકે છે. જેમાંથી 12 બિલ 2024ના ચોમાસા અને શિયાળુ સત્રમાં રજૂ કરવામાં આવ્યા હતા.

લાઈવ અપડેટ્સ

અત્યારે

• કૉપી લિંક

સરકારે જણાવવું જોઈએ કે મૃતદેહો ક્યાં ફેંકવામાં આવ્યા- અખિલેશ યાદવ

અખિલેશ યાદવે કહ્યું કે જે લોકો ડિજિટલ કુંભનું આયોજન કરે છે તેઓ મૃતકોના આંકડા પણ આપી શકતા નથી. મૃતદેહ ક્યાં ફેંકાયા તે જણાવવું જોઈએ. મુખ્યમંત્રીએ મૃતકોને શ્રદ્ધાંજલિ પણ આપી ન હતી. તેઓઆ ઘટનાને છુપાવવામાં લાગ્યા હતા. તેમણે મહાકુંભની વ્યવસ્થા સેનાને સોંપવાની માંગ કરી અને કહ્યું કે પુણ્ય મેળવવા આવેલા લોકો પોતાના પ્રિયજનોના મૃતદેહો લઈ ગયા. રાષ્ટ્રપતિની ભાષણમાં એ જ જૂની વાતો હતી. 80 કરોડ લોકોને મફત રાશન આપવામાં આવ્યું, 25 કરોડ લોકોને ગરીબી રેખામાંથી બહાર લાવવામાં આવ્યા, 10 કરોડ ગેસ કનેક્શન આપવામાં આવ્યા.

23 મિનિટ પેહલા

• કૉપી લિંક

અખિલેશે કહ્યું- મહાકુંભની વ્યવસ્થા સેનાને સોંપો

અખિલેશ યાદવ કહેશે કે પ્રયાગરાજમાં લાશો પડી હતી અને ફૂલોની વર્ષા થઈ રહી હતી, આ શરમજનક વાત છે. જેસીબીથી મૃતદેહોને બહાર કાઢવામાં આવ્યા હતા. સરકારે જણાવવું જોઈએ કે લાશો ક્યાં ફેંકવામાં આવી છે. કુંભ દુર્ઘટના માટે જવાબદારો સામે પગલાં લેવા જોઈએ. મહાકુંભની વ્યવસ્થા સેનાને સોંપવી જોઈએ.

24 મિનિટ પેહલા

• કૉપી લિંક

અરુણ ગોવિલ- વિપક્ષ માત્ર રાજનીતિ કરે છે, તેને સનાતન ધર્મ સાથે કોઈ લેવાદેવા નથી

મહાકુંભ પર સપા સાંસદ જયા બચ્ચનની ટિપ્પણી પર બીજેપી સાંસદ અરુણ ગોવિલે કહ્યું, “શું તેમણે કોઈ પુરાવો આપ્યો છે? તેમણે કંઈ આપ્યું નથી, તેથી તેમને આ બધું કહેવાનો કોઈ અધિકાર નથી. વિપક્ષને આપણી સંસ્કૃતિ, ધર્મ, સનાતન સાથે કોઈ લેવાદેવા નથી, તેઓ માત્ર રાજનીતિ કરવા માંગે છે.

25 મિનિટ પેહલા

• કૉપી લિંક

મહાકુંભ નાસભાગ પર ચર્ચા માટે લોકસભામાં સ્થગિત નોટિસ

કોંગ્રેસ સાંસદ ગૌરવ ગોગોઈએ મહાકુંભ નાસભાગના મુદ્દે લોકસભામાં સ્થગિત નોટિસ આપી હતી. ગોગોઈએ નોટિસમાં લખ્યું- અપૂરતી સુરક્ષા, ભીડ અને વ્યવસ્થામાં ખામીને કારણે, મહાકુંભ એક દુર્ઘટનામાં ફેરવાઈ ગયો જેણે સમગ્ર દેશને હચમચાવી નાખ્યો.

29 મિનિટ પેહલા

• કૉપી લિંક

મહાકુંભ પર જયા બચ્ચનના નિવેદન પર વિવાદ, સાંસદ દિનેશે કહ્યું- પુરાવા આપો

સમાજવાદી પાર્ટીના સાંસદ જયા બચ્ચનના નિવેદન પર રાજ્યસભાના સાંસદ દિનેશ શર્માએ કહ્યું કે, તમારે સાબિત કરવું જોઈએ, જો તમે સાબિત નહીં કરો તો લોકો તમને સવાલ કરશે. ભારતીય બંધારણ ખોટી રજૂઆતને મંજૂરી આપતું નથી. જો તમે અફવા ફેલાવો છો, તો તમારે પુરાવા આપવા પડશે.

36 મિનિટ પેહલા

• કૉપી લિંક

બજેટ સત્રની 3 દિવસની કાર્યવાહી

3 ફેબ્રુઆરી: રાહુલે મેક ઇન ઇન્ડિયા વિચારને નિષ્ફળ ગણાવ્યો; ખડગેએ કહ્યું- મહાકુંભમાં નાસભાગમાં હજારો લોકોના મોત થયા

લોકસભામાં રાષ્ટ્રપતિના અભિભાષણ પર ચર્ચા શરૂ કરતા વિપક્ષના નેતા રાહુલ ગાંધીએ કહ્યું- બેરોજગારીની સમસ્યાનો ઉકેલ ન તો કોંગ્રેસની આગેવાની હેઠળની યુપીએ સરકાર લાવી શકી અને ન તો નરેન્દ્ર મોદીના નેતૃત્વવાળી NDAની સરકાર. સરકારનો મેક ઈન ઈન્ડિયા આઈડિયા નિષ્ફળ સાબિત થયો છે.

39 મિનિટ પેહલા

• કૉપી લિંક

1 ફેબ્રુઆરી: બજેટ રજૂ કર્યુ હતું, 12 લાખ સુધીની આવક પર કોઈ ટેક્સ નહીં

નાણામંત્રી સીતારમણે 50.65 લાખ કરોડનું બજેટ રજૂ કર્યું હતું. બજેટમાં નોકરીયાત લોકો માટે રૂ. 12.75 લાખ અને અન્ય કરદાતાઓ માટે રૂ. 12 લાખ સુધીની આવક ટેક્સ મુક્ત કરવાની જાહેરાત કરી હતી. સીતારમણે ઈલેક્ટ્રિક કાર, મોબાઈલ અને એલઈડી સસ્તી થવાનો માર્ગ ખોલ્યો. કેન્સર અને કેટલીક આવશ્યક દવાઓના ભાવમાં પણ ઘટાડો કરવાની જાહેરાત કરી હતી.

42 મિનિટ પેહલા

• કૉપી લિંક

31 જાન્યુઆરી: રાષ્ટ્રપતિ દ્રૌપદી મુર્મુએ બંને ગૃહોને સંયુક્ત અભિભાણ આપ્યું હતું

રાષ્ટ્રપતિ દ્રૌપદી મુર્મુએ સંસદ, લોકસભા અને રાજ્યસભાના બંને ગૃહોના સંયુક્ત સત્રમાં 59 મિનિટનું અભિભાણ આપ્યું હતું. તેમણે કહ્યું હતું કે મારી સરકારનો મંત્ર સૌનો સાથ-સૌનો વિકાસ-સૌનો વિશ્વાસ અને સૌનો પ્રયાસ. આ તે છે જેના પર અમે કામ કરી રહ્યા છીએ. ગરીબોને ગૌરવપૂર્ણ જીવન મળે આ માટે અમે પ્રયાસ કરી રહ્યા છીએ. દેશના 25 કરોડ લોકો ગરીબીને હરાવીને આજે પોતાના જીવનમાં આગળ વધી રહ્યા છે.