Related posts
પ્રયાગરાજ43 મિનિટ પેહલા
- કૉપી લિંક
24 જાન્યુઆરીએ પ્રયાગરાજ મહાકુંભમાં મમતા કુલકર્ણીને મહામંડલેશ્વરનું બિરુદ અપાયું હતું. સંગમમાં સ્નાન કર્યા પછી તેનું પિંડદાન કરાયું હતું.
કિન્નર અખાડામાં ચાલી રહેલા વિવાદ વચ્ચે મમતા કુલકર્ણીએ મહામંડલેશ્વર પદ પરથી રાજીનામું આપી દીધું છે. તેણે ઇન્સ્ટાગ્રામ પર એક વીડિયો પોસ્ટ કરીને આ વાતની જાહેરાત કરી.
મમતાએ કહ્યું, ‘આજે કિન્નર અખાડામાં મારા વિશે વિવાદ ચાલી રહ્યો છે. એના કારણે હું રાજીનામું આપી રહી છું. હું 25 વર્ષથી સાધ્વી છું અને ભવિષ્યમાં પણ સાધ્વી રહીશ.’
અભિનેત્રીમાંથી મહામંડલેશ્વર બનેલી મમતા પર આ ઉપાધિ મેળવવા માટે 10 કરોડ રૂપિયા ચૂકવવાનો આરોપ હતો. 24 જાન્યુઆરીના રોજ પ્રયાગરાજ મહાકુંભમાં તેને મહામંડલેશ્વરનું બિરુદ આપવામાં આવ્યું હતું. અખાડાના આચાર્ય મહામંડલેશ્વર ડોક્ટર લક્ષ્મી નારાયણ ત્રિપાઠીએ તેના માટે પિંડદાન અને પટ્ટાભિષેક કર્યો હતો. મમતાને નવું નામ શ્રીયમાઈ મમતા નંદગિરિ મળ્યું. તે લગભગ 7 દિવસ મહાકુંભમાં રહી.
મમતા કુલકર્ણીએ 24 જાન્યુઆરીના રોજ પ્રયાગરાજ મહાકુંભમાં સંન્યાસ લીધો હતો.
મમતાએ કહ્યું- હું બે અખાડાની વચ્ચે ફસાઈ ગઈ છું મમતા કુલકર્ણીએ વીડિયોમાં કહ્યું, ‘હું, મહામંડલેશ્વર યમાઈ મમતા નંદગિરિ, મારા પદ પરથી રાજીનામું આપી રહી છું. આજે કિન્નર અખાડામાં મને લઈને સમસ્યાઓ છે. હું 25 વર્ષ સુધી સાધ્વી હતી અને હંમેશાં સાધ્વી રહીશ. મને મહામંડલેશ્વરનું સન્માન આપવામાં આવ્યું, પરંતુ કેટલાક લોકો માટે આ વાંધાજનક બન્યું. પછી ભલે તેઓ શંકરાચાર્ય હોય કે બીજું, મેં 25 વર્ષ પહેલાં બોલિવૂડ છોડી દીધું હતું.’
મેકઅપ અને બોલિવૂડથી આટલું દૂર કોણ રહે છે? પણ મેં 25 વર્ષ સુધી તપસ્યા કરી. હું પોતે ગુમનામ રહી. લોકો મારા પર પ્રતિક્રિયા આપે છે કે હું આ કેમ કરું છું અથવા હું એ કેમ કરી રહી છું. નારાયણ, બધા સમૃદ્ધ છે. બધા પ્રકારના આભૂષણો પહેરીને તેઓ એક મહાન યોગી છે, તેઓ ભગવાન છે. તમે જોશો કે કોઈપણ દેવી કે દેવતા કોઈ ને કોઈ પ્રકારના શ્રૃંગારથી શણગારેલાં હોય છે અને મારી પહેલાં બધાં જ આવ્યાં હતાં, બધાં જ આ જ શ્રૃંગારમાં આવ્યાં હતાં.’
24 જાન્યુઆરીએ જ્યારે મમતાનો પટ્ટાભિષેક થઈ રહ્યો હતો ત્યારે તેની આંખોમાંથી આંસુ વહી રહ્યાં હતાં.
મારા ગુરુ સમાન કોઈ નથી – મમતા મમતા કહે છે, ‘એક શંકરાચાર્યએ કહ્યું હતું કે મમતા કુલકર્ણી બે અખાડા વચ્ચે ફસાઈ ગઈ હતી, પણ મારા ગુરુ સ્વામી ચૈતન્ય ગગનગિરિ મહારાજ છે, જેમના માર્ગદર્શન હેઠળ મેં 25 વર્ષ સુધી તપસ્યા કરી છે. મને તેમના સમકક્ષ બીજો કોઈ દેખાતા નથી. મારા ગુરુ ખૂબ જ ઊંચા છે. દરેક વ્યક્તિને અહંકાર હોય છે. તેઓ અંદરોઅંદર લડી રહ્યા છે. મારે કોઈ કૈલાસ કે હિમાલય જવાની જરૂર નથી. આખું બ્રહ્માંડ મારી સામે છે.’
મહામંડલેશ્વર જય અંબાગિરિએ મારા વતી બે લાખ આપ્યા હતા મમતા કુલકર્ણીએ કહ્યું, ‘જેમણે આજે મારા મહામંડલેશ્વર બનવા સામે વાંધો ઉઠાવ્યો છે, પછી ભલે તેઓ હિમાંગી હોય કે બીજું કોઈ, હું તેમના વિશે કંઈ કહીશ નહીં. આ લોકો બ્રહ્મવિદ્યા વિશે કંઈ જાણતા નથી. હું ફક્ત એટલું જ કહેવા માગું છું કે હું લક્ષ્મીનારાયણ ત્રિપાઠીનો આદર કરું છું.’
‘હું હિમાંગી ઉમાંગીને ઓળખતી નથી. આ બધા કોણ છે? જ્યાં સુધી પૈસાના વ્યવહારની વાત છે, મારી પાસે 2 લાખ રૂપિયા માગવામાં આવ્યા હતા, પરંતુ મેં મહામંડલેશ્વર અને જગદગુરુઓની સામેના રૂમમાં કહ્યું કે મારી પાસે 2 લાખ રૂપિયા નથી. પછી ત્યાં બેઠેલા મહામંડલેશ્વર જય અંબાગિરિએ પોતાના ખિસ્સામાંથી બે લાખ રૂપિયા લક્ષ્મીનારાયણ ત્રિપાઠીને આપ્યા. આ સિવાય ચાર કરોડ અને ત્રણ કરોડ આપવાની વાત છે, પણ મેં કંઈ કર્યું નહીં. મેં 25 વર્ષથી ચંડીની પૂજા કરી છે. એનાથી જ મને સંકેત મળ્યો કે મારે આ બધામાંથી બહાર નીકળવું જોઈએ.’
મમતા કુલકર્ણીના પટ્ટાભિષેકના ફોટા…
મમતા કુલકર્ણીએ સંગમ કિનારે ગંગામાં ડૂબકી લગાવી.
આચાર્ય મહામંડલેશ્વર ડૉ. લક્ષ્મીનારાયણ ત્રિપાઠી સાથે મમતા કુલકર્ણી.
મહામંડલેશ્વર બનવાની પ્રક્રિયા દરમિયાન મમતા કુલકર્ણીના વાળ પ્રતીકાત્મક રીતે કાપવામાં આવ્યા હતા.
મમતાએ કિન્નર અખાડામાં પ્રતિજ્ઞા લીધી અને પોતાનું પિંડદાન કર્યું. તેમણે પોતાના હાથેથી પિંડ બનાવ્યાં.
કિન્નર જગદગુરુ હિમાંગી સખી અને ઋષિ અજય દાસે વિરોધ કર્યો હતો મમતા કુલકર્ણીને મહામંડલેશ્વર બનાવ્યા પછી, કિન્નર જગદગુરુ હિમાંગી સખી અને કિન્નર અખાડાના સ્થાપક હોવાનો દાવો કરનારા ઋષિ અજય દાસે વિરોધ કર્યો હતો. અજય દાસે દાવો કર્યો હતો- મેં લક્ષ્મીનારાયણ ત્રિપાઠી અને અભિનેત્રી મમતા કુલકર્ણીને મહામંડલેશ્વરના પદ પરથી હટાવી દીધા છે. મમતાને મહામંડલેશ્વર બનાવવામાં પ્રક્રિયાનું પાલન કરવામાં આવ્યું ન હતું, જેમના પર (મમતા) રાજદ્રોહનો આરોપ છે. તેમને મહામંડલેશ્વર કેવી રીતે બનાવી શકાય?
દાસે એમ પણ કહ્યું કે ‘આ કોઈ બિગ બોસ શો નથી જે કુંભ દરમિયાન એક મહિના સુધી ચલાવી શકાય. મેં કિન્નર સમુદાયના ઉત્થાન અને ધર્મના પ્રચાર માટે લક્ષ્મીનારાયણ ત્રિપાઠીને આચાર્ય મહામંડલેશ્વર બનાવ્યા હતા, પરંતુ તેઓ ભટકી ગયા. આવી સ્થિતિમાં મારે પગલાં લેવા પડ્યાં.’
