અખિલેન્દ્ર મિશ્રાના કાવ્ય સંગ્રહ ‘આત્મોત્થાનમ’નું વિમોચન: એક્ટરે ત્રણ પુસ્તકો લખ્યા છે, સમાજ અને સાહિત્યને નવી દિશા આપતી સાહિત્યિક યાત્રા

વિશ્વ પુસ્તક મેળામાં પ્રખ્યાત બોલિવૂડ એક્ટર અખિલેન્દ્ર મિશ્રાના ત્રીજા પુસ્તક અને બીજા કાવ્યસંગ્રહ ‘આત્મોત્થાનમ’નું વિમોચન આચાર્ય બાલકૃષ્ણ, ડૉ. ચંદ્રપ્રકાશ દ્વિવેદી, લેખક ઓમ નિશ્ચલ, ડૉ. લક્ષ્મી શંકર બાજપાઈ, સર્વ ભાષા ટ્રસ્ટના ડિરેક્ટર કેશવ મોહન પાંડે, પ્રોફેસર સંગીત રાગ્ગી અને શ્રીમતી દીપાલી મલિક દ્વારા કરવામાં આવ્યું હતું.

અખિલેન્દ્ર મિશ્રાનો કાવ્યસંગ્રહ ‘આત્મોત્થાનમ’ વિશ્વ પુસ્તક મેળામાં પ્રકાશિત થયો.

વિમોચન પ્રસંગે, અખિલેન્દ્ર મિશ્રાએ તેમના કાવ્યસંગ્રહ ‘આત્મોત્થાનમ’ માંથી એક હિન્દી કવિતાનું પઠન કર્યું. શ્રોતાઓની ખાસ વિનંતી પર, અખિલેન્દ્ર મિશ્રાએ તેમની કવિતાઓ ‘સરસ્વતી’ અને ‘લોકતંત્ર’ પણ સંભળાવી. તેમણે પોતાની કવિતા લોકતંત્રમાં લોકશાહીને આધ્યાત્મિક દૃષ્ટિએ સમજાવી છે.

નોંધનીય છે કે, ‘સરસ્વતી’ કવિતા સરસ્વતી નદી પર આધારિત છે. આ કવિતામાં સરસ્વતી સૂક્ષ્મ હોવાનું કહેવાય છે. છુપાયેલું, પણ ખોવાયેલું નહીં. આ કવિતા તે જ વાત કરે છે. ‘આત્મોત્થાનમ’ એ અખિલેન્દ્ર મિશ્રાનું ત્રીજું પુસ્તક છે. તેમનો પહેલો કાવ્યસંગ્રહ ‘અખિલામૃતમ્’ હતો. બીજું પુસ્તક ‘અભિનય, અભિનેતા અને અધ્યાત્મ પર આધારિત છે. જે 1 વર્ષથી એમેઝોન પર બેસ્ટ સેલર રહ્યું છે. ત્રણેય પુસ્તકો એમેઝોન અને ફ્લિપકાર્ટ પર ઉપલબ્ધ છે.

અખિલેન્દ્ર મિશ્રા, એક સિદ્ધ અભિનેતા અને થિયેટર આર્ટિસ્ટ હોવા ઉપરાંત, હવે સાહિત્ય તરફ આગળ વધ્યા છે. તેમને બાળપણથી જ સાહિત્ય સાથે લગાવ હતો, પણ હવે તેમણે લખવાનું શરૂ કર્યું છે. અખિલેન્દ્ર મિશ્રાએ પોતાના અભિનયથી દર્શકોનું ખૂબ મનોરંજન કર્યું છે. હવે તેમની સાહિત્યિક યાત્રા સમાજ અને સાહિત્યને એક નવી દિશા આપશે.