પ્રખ્યાત શાસ્ત્રીય ગાયક પંડિત પ્રભાકર કારેકરનું નિધન: 80 વર્ષની ઉંમરે અંતિમ શ્વાસ લીધા; ‘વક્રતુંડ મહાકાય’ જેવી રચનાઓ માટે જાણીતાં હતાં

પ્રખ્યાત શાસ્ત્રીય સંગીતકાર પંડિત પ્રભાકર કારેકરનું બુધવારે રાત્રે નિધન થયું. તેઓ 80 વર્ષના હતા. પરિવારના સભ્યોએ જણાવ્યું કે પંડિત કારેકરે મુંબઈના શિવાજી પાર્ક સ્થિત તેમના નિવાસસ્થાને અંતિમ શ્વાસ લીધા. તેઓ થોડા સમયથી બીમાર હતા. પંડિત પ્રભાકર કારેકરના પાર્થિવ દેહને દાદર સ્થિત તેમના નિવાસસ્થાને જાહેર દર્શન માટે રાખવામાં આવ્યો છે. આજે સાંજે 5 વાગ્યે દાદર સ્મશાનગૃહમાં તેમના અંતિમ સંસ્કાર કરવામાં આવશે.

પંડિત પ્રભાકર કારેકરનો જન્મ ગોવામાં થયો હતો પંડિત પ્રભાકર કારેકરનો જન્મ 1944માં ગોવામાં થયો હતો. પરંતુ તેમણે પંડિત સુરેશ હલદણકર, પંડિત જીતેન્દ્ર અભિષેકી અને પંડિત સીઆર વ્યાસ પાસેથી શાસ્ત્રીય સંગીતની તાલીમ મેળવી. પંડિત પ્રભાકર ‘બોલવ વિઠ્ઠલ પાહવ વિઠ્ઠલ’ અને ‘વક્રતુંડ મહાકાય’ જેવી રચનાઓ માટે જાણીતા હતા. તે એક અદ્ભુત ગાયક અને સારા શિક્ષક હતા.

આ પુરસ્કારોથી સન્માનિત થયા છે તેમને તાનસેન સન્માન, સંગીત નાટક અકાદમી પુરસ્કાર અને ગોમંત વિભૂષણ પુરસ્કાર સહિત અનેક પુરસ્કારો પણ મળ્યા હતા. કારેકરે ઓર્નેટ કોલમેન અને સુલતાન ખાન સાથે ફ્યુઝન સંગીતમાં પણ પોતાનો હાથ અજમાવ્યો.

તેઓ આકાશવાણીના એક જાણીતા કલાકાર હતા. તેઓ દિલ્હીથી પ્રસારિત થતા રાષ્ટ્રીય કાર્યક્રમો અને સંગીત પરિષદોમાં ગાતા હતા. તેમને આકાશવાણીના વિવિધ કેન્દ્રોમાંથી ગાવાની તક પણ મળી. તેમણે અમેરિકા, બ્રિટન, ઓસ્ટ્રેલિયા, ઇટાલી અને બીજા ઘણા દેશોમાં પણ પોતાના સંગીતનો જાદુ ફેલાવ્યો.