- Gujarati News
- Business
- Gold Fell By Rs 541 To Rs 85,979, Silver Became Cheaper By Rs 945; See Price By Carat
નવી દિલ્હી33 મિનિટ પેહલા
- કૉપી લિંક
આજે એટલે કે શુક્રવારે (21 ફેબ્રુઆરી) સોના અને ચાંદીના ભાવમાં ઘટાડો જોવા મળી રહ્યો છે. ઈન્ડિયા બુલિયન એન્ડ જ્વેલર્સ એસોસિએશન (IBJA) મુજબ, 24 કેરેટ સોનાના 10 ગ્રામનો ભાવ 541 રૂપિયા ઘટીને 85,979 રૂપિયા થયો છે. ગઈકાલે સોનાનો ભાવ 86,520 રૂપિયા હતો. બુધવારે સોનાનો ભાવ 86,733૩ રૂપિયા ઓલ ટાઈમ હાઈ હતો.
તેમજ, આજે એક કિલો ચાંદીનો ભાવ 945 રૂપિયા ઘટીને 96,844 રૂપિયા પ્રતિ કિલો થયો છે. ગઈકાલે ચાંદીનો ભાવ 97,789 રૂપિયા પ્રતિ કિલો હતો. 23 ઓક્ટોબર 2024ના રોજ ચાંદી ઓલ ટાઈમ હાઈ હતી, ત્યારે તે પ્રતિ કિલો રૂ. 99,151 પર પહોંચી હતી.
કેરેટ મુજબ સોનાનો ભાવ (10 ગ્રામ)
- 24 કેરેટ- 85, 979
- 22 કેરેટ- 78,757
- 18 કેરેટ- 64,484
4 મેટ્રો શહેર અને ભોપાલમાં કેરેટ મુજબ સોનાનો ભાવ (10 ગ્રામ)
- દિલ્હી: 22 કેરેટ સોનાના 10 ગ્રામનો ભાવ 80,300 રૂપિયા અને 24 કેરેટ સોનાના 10 ગ્રામનો ભાવ 87,550 રૂપિયા છે.
- મુંબઈ: 22 કેરેટ સોનાના 10 ગ્રામનો ભાવ 80,250 રૂપિયા અને 24 કેરેટ સોનાના 10 ગ્રામનો ભાવ 87,750 રૂપિયા છે.
- કોલકાતા: 22 કેરેટ સોનાના 10 ગ્રામનો ભાવ 80,250 રૂપિયા અને 24 કેરેટ સોનાના 10 ગ્રામનો ભાવ 87,550 રૂપિયા છે.
- ચેન્નાઈ: 22 કેરેટ સોનાના 10 ગ્રામનો ભાવ 80,250 રૂપિયા અને 24 કેરેટ સોનાના 10 ગ્રામનો ભાવ 87,550 રૂપિયા છે.
- ભોપાલ: 22 કેરેટ સોનાના 10 ગ્રામનો ભાવ 80,300 રૂપિયા અને 24 કેરેટ સોનાના 10 ગ્રામનો ભાવ 87,600 રૂપિયા છે.
1 જાન્યુઆરીથી અત્યાર સુધીમાં સોનું 9,817 રૂપિયા મોંઘુ થયું છે
આ વર્ષે, 1 જાન્યુઆરીથી અત્યાર સુધીમાં, 24 કેરેટ સોનાના 10 ગ્રામનો ભાવ 76,162 રૂપિયાથી 9,817 રૂપિયા વધીને 85,979 રૂપિયા થયો છે. તેમજ, ચાંદીનો ભાવ પણ 86,017 રૂપિયા પ્રતિ કિલોથી 10,827 રૂપિયા વધીને 96,844 રૂપિયા થયો છે.
આ વર્ષે સોનાનો ભાવ 90 હજાર રૂપિયા સુધી પહોંચી શકે છે
કેડિયા એડવાઇઝરીના ડિરેક્ટર અજય કેડિયા કહે છે કે મોટી તેજી પછી, સોનામાં ઘટાડો થવાની અપેક્ષા હતી અને તે પહેલાથી જ થઈ ગયો છે. અમેરિકા પછી યુકે દ્વારા વ્યાજ દરોમાં ઘટાડો અને વધતા જીયો પોલિટિકલ તણાવને કારણે સોનાને ટેકો મળી રહ્યો છે. તેમજ, ગોલ્ડ ETFમાં રોકાણ પણ વધી રહ્યું છે. આ કારણે પણ સોનાની માંગ વધી રહી છે. આવી સ્થિતિમાં, આ વર્ષે સોનું 90 હજાર રૂપિયા પ્રતિ 10 ગ્રામ સુધી પહોંચી શકે છે.
સોનું ખરીદતી વખતે આ 3 બાબતોનું ધ્યાન રાખો
1. સર્ટિફાઈડ સોનું જ ખરીદો
હંમેશા બ્યુરો ઓફ ઇન્ડિયન સ્ટાન્ડર્ડ્સ (BIS) દ્વારા સર્ટિફાઈડ હોલમાર્કવાળું સોનું ખરીદો. સોના પર 6 અંકનો હોલમાર્ક કોડ હોય છે. આને હોલમાર્ક યુનિક આઇડેન્ટિફિકેશન નંબર એટલે કે HUID કહેવામાં આવે છે. આ સંખ્યા આલ્ફાન્યૂમેરિક છે, એટલે કે કંઈક આના જેવી – AZ4524. હોલમાર્કિંગ દ્વારા એ જાણી શકાય છે કે સોનું કેટલા કેરેટનું છે.
2. કિંમત ક્રોસ ચેક કરો
ખરીદીના દિવસે સોનાનું ચોક્કસ વજન અને તેની કિંમત અનેક સ્ત્રોતો (જેમ કે ઇન્ડિયા બુલિયન એન્ડ જ્વેલર્સ એસોસિએશનની વેબસાઇટ) પરથી તપાસો. સોનાની કિંમત 24 કેરેટ, 22 કેરેટ અને 18 કેરેટ પ્રમાણે બદલાય છે. 24 કેરેટ સોનાને સૌથી શુદ્ધ સોનું માનવામાં આવે છે, પરંતુ તેમાંથી ઘરેણાં બનાવવામાં આવતા નથી કારણ કે તે ખૂબ જ નરમ હોય છે.
3. રોકડ ચુકવણી ન કરો, બિલ લો
સોનું ખરીદતી વખતે, રોકડ ચુકવણીને બદલે UPI (જેમ કે BHIM એપ) અને ડિજિટલ બેંકિંગ દ્વારા ચુકવણી કરવી વધુ સારું છે. જો તમે ઈચ્છો તો, તમે ડેબિટ અથવા ક્રેડિટ કાર્ડ દ્વારા પણ ચુકવણી કરી શકો છો. આ પછી બિલ લેવાનું ભૂલશો નહીં. જો તમે ઓનલાઈન ઓર્ડર કર્યો હોય તો પેકેજિંગ ચોક્કસ તપાસો.
