રણબીર, આયુષ્માન નહીં રાજકુમાર ભજવશે ‘દાદા’ની ભૂમિકા: સૌરવ ગાંગુલીના જીવન પર ફિલ્મ બનશે, ફિલ્મની રિલીઝ ડેટને લઈ મૂંઝવણ

ક્રિકેટર સચિન તેંડુલકર, મહેન્દ્ર સિંહ ધોની તથા મોહમ્મદ અઝહરુદ્દીન પછી હવે સૌરવ ગાંગુલી પર બાયોપિક બનાવવાની છે. આ ફિલ્મ અંગે લાંબા સમયથી વાત ચાલી રહી છે, પહેલાં લીડ એક્ટરમાં રણબીર કપૂરનું નામ રેસમાં હતું ત્યારબાદ આયુષ્માન ખુરાનાનું નામ સામે આવ્યું હતું. પરંતુ હવે ક્રિકેટરે પોતે જાહેરાત કરી છે કે રાજકુમાર રાવ મોટા પડદા પર તેમની ભૂમિકા ભજવશે.

રાજકુમાર રાવ બનશે સૌરવ ગાંગુલી ગુરુવારે પશ્ચિમ બંગાળના બર્ધમાનમાં મીડિયા સાથે વાત કરતા સૌરવ ગાંગુલીએ કહ્યું, ‘મેં જે સાંભળ્યું છે તે મુજબ રાજકુમાર રાવ મુખ્ય ભૂમિકા ભજવશે, પરંતુ રિલીઝ ડેટને લઈ મૂંઝવણ છે. તેથી, આ બાયોપિકને થિયેટરોમાં રિલીઝ થવામાં એક વર્ષથી વધુ સમય લાગશે.

ફિલ્મમાં સૌરવ ગાંગુલીની જર્ની અંગે વાત કરવામાં આવશે, જેમાં યુવા ક્રિકેટરથી લઈ ઇન્ડિયન નેશનલ ટીમના કેપ્ટન સુધીની સફર સામેલ છે. ફિલ્મમાં એ પણ બતાવવામાં આવશે કે સૌરવ કેવી રીતે BCCIનો પ્રેસિડન્ટ બન્યો. સૌરવના અંગત જીવનમાં આવેલા ચઢાવ-ઉતારની વાત પણ ફિલ્મમાં હશે.

રાજકુમાર રાવ ભારતીય ક્રિકેટ ટીમના ‘દાદા’ની ભૂમિકામાં જોવા મળશે.

સૌરવ ‘દાદા’ તરીકે ઓળખાય છે સૌરવ ગાંગુલીને ક્રિકેટનો રાજા કહેવામાં આવે છે. ભારતીય ટીમમાં ‘દાદા’ તરીકે પ્રખ્યાત સૌરવ ગાંગુલીએ ભારત માટે 311 વનડે અને 113 ટેસ્ટ મેચ રમી છે. તેઓ BCCI ના પ્રમુખ અને અત્યાર સુધીના સૌથી સફળ કેપ્ટન રહ્યા છે.

સૌરવ ગાંગુલીએ 13 વર્ષની ઉંમરે ક્રિકેટ રમવાનું શરૂ કર્યું હતું

બાયોપિકનું શૂટિંગ ચાલી રહ્યું છે આ બાયોપિક ફિલ્મ હાલમાં શૂટિંગના શરૂઆતના તબક્કામાં છે. પરંતુ તેની જાહેરાત પછી, એક્ટરના ચાહકો ખૂબ જ ઉત્સાહિત છે. જોકે, પ્રોડ્યુસરે ફિલ્મ વિશે વધુ માહિતી આપી નથી. ફિલ્મનું નામ અને અન્ય કલાકારોના નામ હજુ સુધી જાહેર કરવામાં આવ્યા નથી.

લવ રંજન ડિરેક્ટ કરે તેવી શક્યતા માનવામાં આવે છે કે લવ રંજન આ ફિલ્મને ડિરેક્ટ કરશે. આ પહેલાં મોહમ્મદ અઝહરુદ્દીન, મહેન્દ્ર સિંહ ધોની પર બાયોપિક બની ચૂકી છે. સચિન તેંડુલકરની કરિયર પર ડોક્યૂમેન્ટ્રી બનાવવામાં આવી છે.

રાજકુમારની આગામી ફિલ્મ ‘ભૂલ ચૂક માફ’નું ટીઝર રિલીઝ થયું

રાજકુમાર રાવની આગામી ફિલ્મો રાજકુમાર રાવ વિશે વાત કરીએ તો, આ વર્ષે એક્ટર પાસે ઘણી ફિલ્મો છે. સૌરવ ગાંગુલીની બાયોપિકમાં મુખ્ય ભૂમિકા ભજવવા ઉપરાંત, તે કેટલીક ફિલ્મોમાં કોમેડી કરતો જોવા મળશે. તાજેતરમાં રાજકુમારની આગામી ફિલ્મ ‘ભૂલ ચૂક માફ’નું ટીઝર રિલીઝ થયું છે. આ ફિલ્મ 10 એપ્રિલના રોજ સિનેમાઘરોમાં રિલીઝ થશે. આ ફિલ્મમાં તેમની સાથે વામિકા ગબ્બી પણ મુખ્ય ભૂમિકામાં જોવા મળશે. આ ઉપરાંત, એક્ટર પાસે ફિલ્મના રાઈટ છે, જેમાં તે એક્શન કરતો જોવા મળશે. આ ફિલ્મ 20 જૂન, 2025ના રોજ સિનેમાઘરોમાં રિલીઝ થશે.