57 મિનિટ પેહલા
- કૉપી લિંક
શુક્રવારે રાત્રે ડોનાલ્ડ ટ્રમ્પે અચાનક દેશના ટોચના લશ્કરી અધિકારીને હટાવી દીધા. ન્યૂયોર્ક ટાઈમ્સના અહેવાલ મુજબ, યુએસ આર્મીના જોઈન્ટ ચીફ ઓફ સ્ટાફના ચેરમેન સીક્યુ બ્રાઉન જુનિયર સહિત રક્ષા વિભાગના છ અધિકારીને બરતરફ કરવામાં આવ્યા છે.
જોઈન્ટ ચીફ ઓફ સ્ટાફ અમેરિકામાં સૌથી વરિષ્ઠ અધિકારી છે. કાયદા મુજબ, તેઓ રાષ્ટ્રપતિના મુખ્ય લશ્કરી સલાહકાર છે. સામાન્ય રીતે ચેરમેનનો કાર્યકાળ ચાર વર્ષનો હોય છે, પરંતુ CQ ફક્ત 16 મહિના માટે જ પદ પર રહી શક્યા છે.
ટ્રમ્પે સોશિયલ મીડિયા પ્લેટફોર્મ ટ્રુથ સોશિયલ પર એક પોસ્ટમાં બ્રાઉનના સ્થાને નિવૃત્ત લેફ્ટનન્ટ જનરલ ડેન રાઇઝિન કેનના નામાંકનની જાહેરાત કરી. કેન ભૂતપૂર્વ F-16 ફાઇટર પાઇલટ છે અને તાજેતરમાં સેન્ટ્રલ ઇન્ટેલિજન્સ એજન્સી (CIA) ખાતે લશ્કરી બાબતોના સહ-નિર્દેશક તરીકે સેવા આપી છે.
સીક્યુએ 2020માં એક અશ્વેત વ્યક્તિ જોર્જ ફ્લોયડની હત્યા બાદ શરૂ થયેલા બ્લેક લાઇવ્સ મેટર આંદોલનનું સાર્વજનિક રીતે સમર્થન કર્યું હતું. ત્યારે ટ્રમ્પ રાષ્ટ્રપતિના પદ પર હતા. ટ્રમ્પ 2020ની ચૂંટણી હારી ગયા હતા, જેની પાછળ આ આંદોલનની મોટી ભૂમિકા હોવાનું માનવામાં આવે છે.
CQ ઉપરાંત પેન્ટાગોનના 5 વધુ અધિકારીઓને બરતરફ કરવામાં આવ્યા છે. આમાં નૌકાદળનો હવાલો સંભાળનારાં પ્રથમ મહિલા અધિકારી એડમિરલ લિસા ફ્રેન્ચેટ્ટી, વાયુસેનાના ડેપ્યુટી ચીફ જેમ્સ સ્લાઇફ ઉપરાંત આર્મી, વાયુસેના અને નૌકાદળના ત્રણ ટોચના અધિકારીઓનો સમાવેશ થાય છે. હાલમાં તેમનાં નામ જાહેર કરવામાં આવ્યાં નથી.
જનરલ સીક્યુ બ્રાઉનને 6 ઓગસ્ટ, 2023ના રોજ વાયુસેનાના 22મા ચીફ ઓફ સ્ટાફ બનાવાયાં હતાં.
4 સ્ટાર અધિકારીને બદલે નિવૃત્ત 3 સ્ટાર અધિકારીને જવાબદારી સોંપવામાં આવી સીક્યુ અમેરિકન લશ્કરી ઇતિહાસમાં આ પદ પર પહોંચનારાં બીજાં અશ્વેત અધિકારી હતાં. તેઓ 4 સ્ટાર ફાઇટર છે. તેમના સ્થાને નિવૃત્ત 3-સ્ટાર વાયુસેના જનરલ ડેન કેનને આ જવાબદારી સોંપવામાં આવી છે.
ટ્રમ્પ અને ડેન કેન 2018માં ઇરાકમાં મળ્યા હતા. ત્યારે કેને કહ્યું હતું કે તે ટ્રમ્પ માટે પોતાનો જીવ પણ આપી શકે છે. ટ્રમ્પ આનાથી ખૂબ ખુશ હતા. ટ્રમ્પે બાદમાં આરોપ લગાવ્યો હતો કે બાઇડને તેમના કારણે ડેન કેનને પ્રમોટ કર્યા ન હતા. તેઓ 4 સ્ટાર અધિકારી બનવા માટે સક્ષમ હતા.
