લોક વિજ્ઞાન કેન્દ્ર, ગોધરા દ્વારા એક અનોખા સ્કાય ગેઝીંગ પ્રોગ્રામનું આયોજન કરવામાં આવ્યું. આ કાર્યક્રમ નાલંદા સ્કૂલ, ભુરાવાવ યુનિટ ખાતે યોજાયો હતો. કાર્યક્રમમાં શાળાના 400 વિદ્યાર્થી અને 25 શિક્ષકએ ભાગ લીધો હતો.
.
લોક વિજ્ઞાન કેન્દ્ર દ્વારા મૂકવામાં આવેલા 4 ટેલિસ્કોપની મદદથી વિદ્યાર્થીઓએ અવકાશી પિંડોનું નિરીક્ષણ કર્યું. કાર્યક્રમ સાંજે 7 વાગ્યાથી રાત્રે 10:30 વાગ્યા સુધી ચાલ્યો. વિદ્યાર્થીઓએ શુક્ર, મંગળ, શનિ અને ગુરુ ગ્રહનું નિરીક્ષણ કર્યું. તેમણે ગુરુ ગ્રહના 4 ચંદ્રો પણ જોયા.
વિદ્યાર્થીઓએ પહેલી વાર આવો અવકાશી નજારો માણ્યો હતો. તેઓ ટેલિસ્કોપથી ગ્રહો જોઈને મંત્રમુગ્ધ થઈ ગયા હતા. આ અનુભવ તેમના માટે અવિસ્મરણીય રહ્યો.
કાર્યક્રમનું આયોજન લોક વિજ્ઞાન કેન્દ્રના સાયન્સ કોમ્યુનિકેટર્સ પ્રિતેશ દેવડા, કૃણાલ કનોજીયા અને ચાંદા સમીનાએ કર્યું હતું. લોક વિજ્ઞાન કેન્દ્ર વિજ્ઞાનના પ્રસાર અને પ્રચાર માટે કાર્યરત સંસ્થા છે.
