દુબઈમાં ભારત-પાક મેચનો ક્રેઝ: લોકો ચાર ગણા ભાવે ટિકિટ ખરીદવા તૈયાર; 2017માં ચેમ્પિયન્સ ટ્રોફીમાં ભારત પાકિસ્તાન સામે હાર્યું હતું

ભારત-પાકિસ્તાન મેચ પહેલા, અમદાવાદમાં બે ચાહકોએ બંને દેશોના ધ્વજ પોતાના શરીર પર ચિતરાવ્યા.

ભારત અને પાકિસ્તાન વચ્ચે ચેમ્પિયન્સ ટ્રોફીનો પાંચમો મુકાબલો આજે દુબઈના ઈન્ટરનેશનલ સ્ટેડિયમમાં રમાશે.

ભારત-પાકિસ્તાન મેચનો ક્રેઝ એટલો બધો છે કે મેચના એક દિવસ પહેલા શનિવારે લોકો ચાર ગણા ભાવે પણ ટિકિટ ખરીદવા તૈયાર હતા. જોકે, લોકોને આમાં સફળતા મળી નહીં.

પાકિસ્તાન સામે ભારતની જીત માટે બિહારમાં હવન પૂજા કરવામાં આવી રહી છે.

મેચ પહેલા ચાહકો દુબઈ સ્ટેડિયમ પહોંચવાનું શરૂ કરી દીધું છે.

ભારત-પાકિસ્તાન મેચની ટિકિટો ગણતરીની મિનિટોમાં જ વેચાઈ ગઈ ભારત-પાકિસ્તાન મેચની ટિકિટો ICC દ્વારા 4 ફેબ્રુઆરીના રોજ સાંજે 5:30 વાગ્યે વેચાણ માટે મૂકવામાં આવી હતી. આ મેચની ટિકિટો થોડીવારમાં જ વેચાઈ ગઈ. ઘણા લોકોએ ટિકિટ ન મળવાની ફરિયાદ પણ કરી હતી. ટિકિટની સૌથી ઓછી કિંમત 125 દિરહામ હતી, જે ભારતીય ચલણમાં 2,964 રૂપિયાની સમકક્ષ છે. પ્રીમિયમ લાઉન્જની કિંમત 5000 દિરહામ હતી, જે ભારતીય ચલણમાં 1 લાખ 18 હજાર રૂપિયાની સમકક્ષ છે.

પાકિસ્તાન ટુર્નામેન્ટની ડિફેન્ડિંગ ચેમ્પિયન છે પાકિસ્તાનની ટીમ આ ટુર્નામેન્ટની ડિફેન્ડિંગ ચેમ્પિયન છે. 2017 ચેમ્પિયન્સ ટ્રોફીમાં, પાકિસ્તાને ફાઈનલમાં ભારતને હરાવીને ટાઇટલ જીત્યું હતું. આ ટુર્નામેન્ટના ગ્રૂપ-A માં ભારત, પાકિસ્તાન, બાંગ્લાદેશ અને ન્યૂઝીલેન્ડની ટીમનો સમાવેશ થાય છે. જ્યારે ગ્રૂપ-Bમાં ઓસ્ટ્રેલિયા, સાઉથ આફ્રિકા, ઇંગ્લેન્ડ અને અફઘાનિસ્તાનની ટીમનો સમાવેશ થાય છે.

બધી ટીમો ગ્રૂપમાં 3-3 લીગ મેચ રમશે અને ટોચની 4 ટીમ સેમિફાઈનલમાં પહોંચશે.

ગિલે કહ્યું- પાકિસ્તાન સાથેની મેચ મોટી, પણ સૌથી મોટી મેચ નથી ગિલે મેચ પહેલા પ્રેસ કોન્ફરન્સમાં કહ્યું હતું કે જે ટીમ દબાણને વધુ સારી રીતે સંભાળશે તે જીતશે. તેમણે ભારપૂર્વક કહ્યું, ‘સૌ પ્રથમ, મને લાગે છે કે તે એક મોટી મેચ છે, પરંતુ મને લાગે છે કે સૌથી મોટી મેચ ચોક્કસપણે ફાઈનલ હશે જેમાં ટીમ રમશે. આપણે ODIમાં સારું પ્રદર્શન કરી રહ્યા છીએ, પાકિસ્તાને તાજેતરની કેટલીક મેચ હારી છે પણ મને નથી લાગતું કે આપણે તેમને ઓછી આંકવી જોઈએ. મને લાગે છે કે તેમની પાસે સારી ટીમ છે અને રવિવારે અમારું શ્રેષ્ઠ પ્રદર્શન કરવું અમારા માટે મહત્વપૂર્ણ છે.’

પ્રેક્ટિસ દરમિયાન વિરાટ કોહલી, શુભમન ગિલ અને રોહિત શર્મા.

પાકિસ્તાનના કોચે કહ્યું- દબાણમાં પણ અમારી ટીમ વધુ સારું પ્રદર્શન કરશે પાકિસ્તાનના કોચ આકિબ જાવેદે કહ્યું કે અમારા ખેલાડીઓ દબાણમાં પણ વધુ સારું પ્રદર્શન કરશે. અત્યારે, આપણે બધા આ મેચમાં શું થશે તેની અટકળો કરી રહ્યા છીએ. એ જ તો તેની સુંદરતા છે, જો હોય તો. કોઈને કંઈ ખબર નથી. તો, એ જ રીતે, ખેલાડીઓનું કામ દબાણ લેવાનું છે. જો તમે આ દબાણ દૂર કરો છો, તો પાકિસ્તાન-ભારત રમતમાં શું બચે છે? ખેલાડીને સારું પ્રદર્શન કરવા માટે જુસ્સો અને દબાણની જરૂર હોય છે.

ભારત પહેલી મેચ જીત્યું, પાકિસ્તાન હારી ગયું ચેમ્પિયન્સ ટ્રોફી 19 ફેબ્રુઆરીથી શરૂ થઈ હતી. યજમાન પાકિસ્તાનને પ્રથમ મેચમાં ન્યૂઝીલેન્ડ સામે 60 રનથી હારનો સામનો કરવો પડ્યો હતો. બીજી તરફ, ભારતે પહેલી મેચમાં બાંગ્લાદેશને 6 વિકેટે હરાવ્યું હતું. બંને ટીમ હવે રવિવારે પોતાનો બીજો મુકાબલો રમશે.