મુંબઈ58 મિનિટ પેહલા
- કૉપી લિંક
શુક્રવારે (3 જાન્યુઆરી) સોના અને ચાંદીના ભાવમાં વધારો જોવા મળી રહ્યો છે. ઈન્ડિયા બુલિયન એન્ડ જ્વેલર્સ એસોસિએશન (IBJA) અનુસાર, 24 કેરેટ સોનાના 10 ગ્રામની કિંમત 390 રૂપિયા વધીને 77,469 રૂપિયા થઈ ગઈ છે. ગઈકાલે એટલે કે ગુરુવારે સોનાનો ભાવ 77,079 રૂપિયા પ્રતિ દસ ગ્રામ હતો.
તે જ સમયે ચાંદીનો ભાવ આજે 500 રૂપિયા વધીને 87,667 રૂપિયા પર પહોંચી ગયો છે. ગઈ કાલે ચાંદી રૂ.87,167 પ્રતિ કિલો હતી. ગયા વર્ષે 23 ઓક્ટોબરે ચાંદીએ રૂ. 99,151ની સર્વોચ્ચ સપાટી બનાવી હતી અને 30 ઓક્ટોબરે સોનાએ રૂ. 79,681ની સર્વકાલીન ઊંચી સપાટી બનાવી હતી.
2024માં સોનાએ 20% અને ચાંદીએ 17% વળતર આપ્યું
ગયા વર્ષે એટલે કે 1 જાન્યુઆરી, 2024થી 31 ડિસેમ્બર, 2024 વચ્ચે સોનાની કિંમતમાં 20.22%નો વધારો થયો હતો. 1 જાન્યુઆરી, 2024ના રોજ 24 કેરેટ 10 ગ્રામ સોનાની કિંમત 63,352 રૂપિયા હતી, જે એક વર્ષમાં 12,810 રૂપિયા વધીને 76,162 રૂપિયા થઈ ગઈ છે.
તે જ સમયે 1 જાન્યુઆરીએ એક કિલો ચાંદી 73,395 રૂપિયામાં વેચાઈ રહી હતી, જેની કિંમત 12,622 રૂપિયા વધીને વર્ષના અંતિમ દિવસે 86,017 રૂપિયા પર પહોંચી ગઈ છે. એક વર્ષમાં ચાંદીના ભાવમાં 17.19%નો વધારો થયો છે.
4 મહાનગર અને ભોપાલમાં સોનાનો ભાવ
- દિલ્હી: 10 ગ્રામ 22 કેરેટ સોનાની કિંમત 72,750 રૂપિયા અને 10 ગ્રામ 24 કેરેટ સોનાની કિંમત 79,350 રૂપિયા છે.
- મુંબઈ: 10 ગ્રામ 22 કેરેટ સોનાની કિંમત 72,600 રૂપિયા અને 10 ગ્રામ 24 કેરેટ સોનાની કિંમત 79,200 રૂપિયા છે.
- કોલકાતા: 22 કેરેટ સોનાના 10 ગ્રામની કિંમત 72,600 રૂપિયા અને 24 કેરેટ સોનાના 10 ગ્રામની કિંમત 79,200 રૂપિયા છે.
- ચેન્નાઈ: 10 ગ્રામ 22 કેરેટ સોનાની કિંમત 72,600 રૂપિયા અને 10 ગ્રામ 24 કેરેટ સોનાની કિંમત 79,200 રૂપિયા છે.
- ભોપાલ: 10 ગ્રામ 22 કેરેટ સોનાની કિંમત 72,650 રૂપિયા અને 10 ગ્રામ 24 કેરેટ સોનાની કિંમત 79,250 રૂપિયા છે.
વ્યાજદરમાં ઘટાડાથી સોના પર દબાણ
કરન્સી હેડ અનુજ ગુપ્તાના જણાવ્યા અનુસાર, તાજેતરમાં યુએસ સેન્ટ્રલ બેંક ફેડરલ રિઝર્વે વ્યાજ દરોમાં 25 બેસિસ પોઈન્ટ્સ (0.25%)નો ઘટાડો કર્યો છે. આ કાપને કારણે છેલ્લા કેટલાક દિવસોથી સોના અને ચાંદી પર દબાણ જોવા મળી રહ્યું છે.
જોકે, આગામી દિવસોમાં સોના અને ચાંદીમાં ફરી વધારો જોવા મળી શકે છે. આગામી એક વર્ષમાં એટલે કે 2025માં સોનું 82 હજાર રૂપિયા પ્રતિ 10 ગ્રામ સુધી જઈ શકે છે. સાથે જ ચાંદી પણ 95 હજાર રૂપિયા પ્રતિ કિલો સુધી પહોંચી શકે છે.
