- Gujarati News
- Business
- 80 Points Rise In Nifty Too, Increase In All Sectoral Indices Including Banking, Auto
મુંબઈ17 મિનિટ પેહલા
- કૉપી લિંક
આજે એટલે કે 26મી નવેમ્બરે સેન્સેક્સ 270 પોઈન્ટની તેજી સાથે 80,380ની સપાટીએ ટ્રેડ કરી રહ્યો છે. નિફ્ટી પણ 80 પોઈન્ટ વધીને 24,300ના સ્તરે ટ્રેડ કરી રહ્યો છે.
સેન્સેક્સના 30 શેરોમાંથી 15માં તેજી છે અને 15 ઘટી રહ્યા છે. નિફ્ટીના 50 શેરોમાંથી 28માં તેજી છે અને 22 ઘટી રહ્યા છે. NSEના તમામ સેક્ટોરલ ઈન્ડેક્સ તેજી સાથે કારોબાર કરી રહ્યા છે.
વિદેશી રોકાણકારોએ ₹9,947.55 કરોડના શેર ખરીદ્યા હતા
- એશિયન માર્કેટમાં જાપાનનો નિક્કેઈ 1.34% અને કોરિયાનો કોસ્પીમાં 0.56%નો ઘટાડો છે. જ્યારે ચીનનો શાંઘાઈ કમ્પોઝિટ ઈન્ડેક્સ 0.25%ના તેજી સાથે કારોબાર કરી રહ્યો છે.
- 25 નવેમ્બરના રોજ, યુએસ ડાઓ જોન્સ ઇન્ડસ્ટ્રીયલ એવરેજ 0.99% વધીને 44,736 પર અને S&P 500 0.30% વધીને 5,987 પર બંધ થયો. નેસ્ડેક પણ 0.27% વધીને 19,054 પર બંધ થયો.
- NSEના ડેટા અનુસાર, વિદેશી રોકાણકારો (FII)એ 25 નવેમ્બરે ₹9,947.55 કરોડના શેર ખરીદ્યા હતા. આ દરમિયાન, સ્થાનિક રોકાણકારો (DII) એ ₹6,907.97 કરોડના શેરનું વેચાણ કર્યું હતું.
Enviro Infra Engineers IPO માટે બિડ કરવાનો આજે છેલ્લો દિવસ છે
Enviro Infra Engineers Limitedના IPO માટે બિડિંગનો આજે છેલ્લો દિવસ છે. આ કુલ બે ટ્રેડિંગ દિવસોમાં 12.58 ગણો સબસ્ક્રાઇબ થયો હતો. આ IPO રિટેલ કેટેગરીમાં 8.82 ગણો, ક્વોલિફાઈડ ઈન્સ્ટિટ્યુશનલ બાયર્સ (QIB) કેટેગરીમાં 2.58 ગણો અને નોન-ઈન્સ્ટિટ્યુશનલ ઈન્વેસ્ટર્સ (NII) કેટેગરીમાં 34.66 ગણો સબસ્ક્રાઈબ થયો છે.
કંપનીના શેર 29 નવેમ્બરે બોમ્બે સ્ટોક એક્સચેન્જ (BSE) અને નેશનલ સ્ટોક એક્સચેન્જ (NSE) પર લિસ્ટ થશે. આ IPOનું ઇશ્યૂ કદ ₹650.43 કરોડ છે. કંપની કુલ 4,39,48,000 શેર ઇશ્યૂ કરવાની યોજના ધરાવે છે. તેમાં 3,86,80,000 નવા શેરના તાજા ઈશ્યુનો સમાવેશ થાય છે, જ્યારે પ્રમોટર્સ 52,68,000 શેર વેચશે. દરેક શેરની ફેસ વેલ્યુ ₹10 નક્કી કરવામાં આવી છે.
ગઈકાલે બજારમાં તેજી જોવા મળી હતી
અગાઉ ગઈકાલે એટલે કે 25મી નવેમ્બરે સેન્સેક્સ 992 પોઈન્ટની તેજી સાથે 80,109ના સ્તરે બંધ થયો હતો. નિફ્ટીમાં પણ 314 પોઈન્ટનો વધારો થયો હતો, તે 24,221ના સ્તરે બંધ રહ્યો હતો. તેમજ, BSE સ્મોલકેપ 976 પોઈન્ટ વધીને 53,589ના સ્તરે બંધ થયો હતો.
સેન્સેક્સના 30 શેરોમાંથી 24માં તેજી અને 6માં ઘટાડો થયો હતા. નિફ્ટીના 50 શેરોમાંથી 43 માં તેજી અને 7માં ઘટાડો થયો હતા. એનએસઈના તમામ સેક્ટોરલ ઈન્ડાયસિસ વધારા સાથે બંધ થયા છે. નિફ્ટી પીએસયુ બેંકમાં સૌથી વધુ 4.16%નો વધારો થયો હતો.
