મુંબઈ9 મિનિટ પેહલા
- કૉપી લિંક
અદાણી ગ્રુપની કંપની ‘અદાણી ગ્રીન એનર્જી’એ નાણાકીય વર્ષ 2024-25 ના બીજા ક્વાર્ટરમાં રૂ. 180 કરોડનો નેટ પ્રોફિટ કર્યો છે. વાર્ષિક ધોરણે 71.42% નો વધારો થયો છે. એક વર્ષ અગાઉના સમાન ક્વાર્ટરમાં કંપનીએ રૂ. 105 કરોડનો નેટ પ્રોફિટ નોંધાવ્યો હતો.
કંપનીએ જુલાઈ-સપ્ટેમ્બર ક્વાર્ટરમાં રૂ. 468 કરોડની આવક મેળવી છે. એક વર્ષ પહેલા, એટલે કે નાણાકીય વર્ષ 2023-24 ના પ્રથમ ત્રિમાસિક ગાળામાં, કંપનીની આવક 202 કરોડ રૂપિયા હતી. વાર્ષિક ધોરણે 131.68%નો વધારો થયો છે.
અદાણી ગ્રીનના શેર એક વર્ષમાં 91%નો વધારો
પરિણામો પછી, અદાણી ગ્રીનનો શેર 1.57% ઘટીને રૂ. 1,684 પર બંધ થયો હતો. આ સાથે કંપનીનું માર્કેટ કેપ પણ વધીને 2.67 લાખ કરોડ રૂપિયા થઈ ગયું છે. અદાણી ગ્રીનના શેરે એક વર્ષમાં 91.19% રિટર્ન આપ્યું છે.
‘અદાણી ગ્રીન એનર્જી’એ નાણાકીય વર્ષ 2024-25 ના બીજા ક્વાર્ટરમાં રૂ. 180 કરોડનો નેટ પ્રોફિટ કર્યો છે.
કંપની 2015માં બનાવી હતી, 20,434 મેગાવોટનો પ્રોજેક્ટ પોર્ટફોલિયો
અદાણી ગ્રીન એનર્જીને 23 જાન્યુઆરી 2015ના રોજ અદાણી એન્ટરપ્રાઇઝ લિમિટેડ (AEL)ની પેટાકંપની તરીકે શરુ કરવામાં આવી હતી. અદાણી ગ્રીન એ 20,434 મેગાવોટના વર્તમાન પ્રોજેક્ટ પોર્ટફોલિયો સાથે ભારતની સૌથી મોટી રિન્યુએબલ એનર્જી કંપનીઓમાંની એક છે.
કંપની ગુજરાતના ખાવરામાં સ્થિત વિશ્વના સૌથી મોટા રિન્યુએબલ એનર્જી પ્લાન્ટનું નિર્માણ કરી રહી છે. તેની ક્ષમતા 30 ગીગાવોટ હશે. અદાણી ગ્રુપ ગુજરાતના ખાવડામાં વિશ્વનો સૌથી મોટો રિન્યુએબલ પાર્ક બનાવી રહ્યું છે, જે 530 ચોરસ કિલોમીટરમાં ફેલાયેલો છે. આ વિસ્તાર પેરિસ શહેર કરતા 5 ગણો છે. અદાણી ગ્રીન 12 રાજ્યોમાં હાજરી ધરાવે છે. કંપનીના સીઈઓ અમિત સિંહ છે.
