ભાસ્કર ખાસ: ટ્રમ્પના અમેરિકા આગમનને કારણે ક્રિપ્ટોકરન્સીમાં આક્રમક તેજી, બિટકોઈન ₹~65 લાખને ક્રોસ થયો

અમેરિકામાં રાષ્ટ્રપતિની ચૂંટણીના પરિણામો આવી ચૂક્યા છે. પ્રારંભિક વલણોથી જ ભૂતપૂર્વ રાષ્ટ્રપતિ ડોનાલ્ડ ટ્રમ્પ તેમના હરીફ કમલા હેરિસથી આગળ રહ્યાં હતા અને ટ્રમ્પના આગમનને ધ્યાનમાં રાખીને ક્રિપ્ટોકરન્સીમાં પણ વધારો જોવા મળી રહ્યો છે. ક્રિપ્ટો કરન્સીમાં આક્રમક તેજી સાથે બિટકોઈન સહિત અનેક કરન્સીના ભાવમાં વધારો થયો છે. જ્યારે બિટકોઈન તેની અત્યાર સુધીની સૌથી વધુ કિંમતે પહોંચી ગયો છે જ્યારે ડોજકોઈનમાં 20 ટકાથી વધુનો વધારો જોવા મળ્યો હતો.

બુધવારે બિટકોઈનની કિંમત 10 ટકાથી વધુ વધી ગઈ હતી. આ સ્થિતિમાં તે 75 હજાર ડોલરને ક્રોસ કરી ચૂક્યો હતો અને આ તેની અત્યાર સુધીની સૌથી વધુ કિંમત છે. રૂપિયાની દ્રષ્ટિએ તે 65 લાખ રૂપિયાથી વધુ છે. તે જ સમયે ડોજકોઈન, અમેરિકન ઉદ્યોગપતિ અને વિશ્વના સૌથી ધનિક વ્યક્તિ એલોન મસ્કની પ્રિય ક્રિપ્ટોકરન્સી 20% થી વધુ વધીને $0.20 (રૂ. 17.19) પર પહોંચી ગઈ છે. ક્રિપ્ટો કરન્સીમાં ફરી મોટા પાયે તેજીના સંકેતો બની રહ્યાં છે.

આગામી સમયમાં બિટકોઇન ઝડપી એકલાખ ડોલરની સપાટીને સ્પર્શે તેવો અંદાજ કેટલાક એનાલિસ્ટો દર્શાવી રહ્યાં છે. હાલ ક્રિપ્ટોમાં હજુ એકાદ તેજી બાદ કરેક્શન આવે તેવું અનુમાન છે. આગામી સમયમાં ટ્રમ્પની ઇમિગ્રેશન સહિતની અનેક નવી પોલિસીને પગલે બિટકોઇનમાં વધુ મૂવમેન્ટ પણ જોવા મળશે.

ક્રિપ્ટોને ટ્રમ્પ સાથે શું સંબંધ છે? અમેરિકામાં આ ચૂંટણી સિઝનમાં ક્રિપ્ટોકરન્સી પર ફોકસ કરવામાં આવ્યું છે. બંને પક્ષોના ઉમેદવારો ક્રિપ્ટો સેક્ટરના ગ્રોથને ટેકો આપી રહ્યા છે. ક્રિપ્ટો રોકાણકારો માટે એક મુખ્ય એસેટ ક્લાસ બનવા માટે તૈયાર છે કારણ કે UAE અને EU જેવા વધુ દેશો સ્પષ્ટ નિયમો બનાવે છે. જોકે, ટ્રમ્પ હેરિસ કરતાં ક્રિપ્ટોકરન્સીને વધુ સમર્થક માનવામાં આવે છે. ટ્રમ્પે તેમના ચૂંટણી પ્રવચનમાં પ્રો-ક્રિપ્ટો એજન્ડાનું વચન આપ્યું હતું. આમાં નેશનલ બિટકોઈન રિઝર્વ બનાવવા, યુએસ સિક્યોરિટીઝ એન્ડ એક્સચેન્જ કમિશન (SEC)ના ચેરમેન ગેરી ગેન્સલરને બરતરફ કરવા અને બિટકોઈન વ્યવહારો પરના કરને દૂર કરવાનો સમાવેશ થાય છે. કદાચ આ જ કારણ હોઈ શકે છે કે ટ્રમ્પને કારણે ક્રિપ્ટોકરન્સીની કિંમતો વધવા લાગી છે.

ક્રિપ્ટોમાં ઇલોન મસ્કની પ્રિય ક્રિપ્ટોકરન્સી ડોજકોઈન કેમ વધ્યા? ડોજકોઈનને ઇલોન મસ્કની પ્રિય ક્રિપ્ટોકરન્સી માનવામાં આવે છે. ભૂતકાળમાં પણ તે સમયાંતરે ડોજકોઈનમાં પોતાની રુચિ બતાવી રહ્યા હતા. એક સમયે તેણે આ ચલણમાં ઘણું રોકાણ પણ કર્યું હતું, જેના કારણે તેની કિંમતો નવી ઉંચાઇએ સ્પર્શવા લાગી હતી. જ્યારથી મસ્કે અમેરિકી ચૂંટણીમાં ટ્રમ્પને સમર્થન આપ્યું છે અને ટ્રમ્પની ચૂંટણી સમિતિને મોટી રકમ દાનમાં આપી છે. આવી સ્થિતિમાં એવું માનવામાં આવે છે કે જો ટ્રમ્પની સરકાર બનશે તો મસ્કની આ ફેવરિટ કરન્સી રોકેટ બની શકે છે.