નવી દિલ્હી21 મિનિટ પેહલા
- કૉપી લિંક
વડાપ્રધાન નરેન્દ્ર મોદી આજે એટલે કે 17મી ડિસેમ્બરે ગુજરાતમાં બનેલ સુરત ડાયમંડ બુર્સ (SDB) બિલ્ડિંગનું ઉદ્ઘાટન કરશે. આ સૌથી મોટી ઈન્ટરકનેક્ટેડ બિલ્ડીંગ છે અને યુએસ ડિફેન્સ હેડક્વાર્ટર પેન્ટાગોન કરતા પણ મોટી છે. તેમાં 4700થી વધુ ઓફિસો છે. આ કાર્યક્રમ માટે દેશ અને દુનિયામાંથી 70,000 થી વધુ લોકોને આમંત્રણ આપવામાં આવ્યું છે.
તેનો ખર્ચ 3,500 કરોડ રૂપિયા છે. બિલ્ડિંગનું બાંધકામ ફેબ્રુઆરી 2015માં શરૂ થયું હતું. તેનું કામ એપ્રિલ 2022માં પૂર્ણ થયું હતું. SDB ની સ્થાપના સુરતના હીરા ઉદ્યોગ દ્વારા ઉત્પાદન અને વેપાર બંને માટે વન-સ્ટોપ હબ તરીકે કરવામાં આવી છે. સુરત વિશ્વના 92% નેચરલ ડાયમંડનું ઉત્પાદન કરે છે.
ગિનીસ વર્લ્ડ રેકોર્ડમાં આ ઈમારતનું નામ
આ ઈમારતનું નામ આ વર્ષે ઓગસ્ટમાં ગિનિસ વર્લ્ડ રેકોર્ડમાં નોંધાયું હતું. આ ઇમારત 35.54 એકરમાં ફેલાયેલી છે. તેનો બિલ્ટ અપ એરિયા 67 લાખ ચોરસ ફૂટ છે. આ પહેલા વિશ્વના સૌથી મોટા ઓફિસ કોમ્પ્લેક્સનો રેકોર્ડ અમેરિકાના પેન્ટાગોનના નામે હતો. પેન્ટાગોનનો બિલ્ટઅપ એરિયા 65 લાખ ચોરસ ફૂટ છે.
સુરતમાં બનેલા આ મેગાસ્ટ્રક્ચરમાં 9 ગ્રાઉન્ડ ટાવર અને 15 માળ છે. નવ લંબચોરસ ટાવર્સ યેન્ટ્રલ સ્પાઈન સાથે જોડાયેલા છે. તેની પાસે 300 ચોરસ ફૂટથી 1 લાખ ચોરસ ફૂટ સુધીની 4,500 ઓફિસ સ્પેસ છે. ઈમારતને ઈન્ડિયન ગ્રીન બિલ્ડીંગ કાઉન્સિલ (IGBC) તરફથી પ્લેટિનમ રેન્કિંગ મળ્યું છે.
ઓફિસો ઉપરાંત, ડાયમંડ બુર્સ કેમ્પસમાં સેફ ડિપોઝીટ વોલ્ટ, કોન્ફરન્સ હોલ, મલ્ટીપર્પઝ હોલ, રેસ્ટોરાં, બેંકો, કસ્ટમ ક્લિયરન્સ હાઉસ, કન્વેન્શન સેન્ટર, એક્ઝીબિશન સેન્ટર, તાલીમ કેન્દ્રો, મનોરંજન એરિયા અને ક્લબ જેવી સુવિધાઓ છે. છેલ્લા કેટલાક અઠવાડિયામાં, ઘણી ડાયમંડ ટ્રેડિંગ કંપનીઓએ અહીં તેમની ઓફિસ શરૂ કરી દીધી છે.
સુરત ડાયમંડ બુર્સ બનાવવા માટે 4 મુખ્ય કારણો છે:
- ભારતમાંથી હીરા, જેમ્સ અને જ્વેલરીની આયાત, નિકાસ અને વેપારને પ્રોત્સાહન આપવું.
- હીરાના ઉત્પાદન અને વેપાર સાથે સંકળાયેલા લોકોને અદ્યતન ઈન્ફ્રાસ્ટ્રક્ચર પૂરું પાડવું.
- કટિંગ, પોલિશિંગ અને પ્રોસેસિંગ સહિત ડાયમંડ, જેમ્સ અને જ્વેલરી સંબંધિત વ્યવસાયને વિસ્તારવા.
- ભારતને વિશ્વમાં આધુનિક હીરા, જેમ્સ અને જ્વેલરી માર્કેટ તરીકે વિકસાવવું.
- 65,000થી વધુ હીરા નિષ્ણાતો માટે આ ઇમારતને અનુકૂળ હબ બનાવવાનો લક્ષ્ય છે.
દિલ્હી સ્થિત આર્કિટેક્ટે બિલ્ડિંગની ડિઝાઈન તૈયાર કરી છે
આ બિલ્ડિંગની ડિઝાઈન દિલ્હી સ્થિત આર્કિટેક્ટ સોનાલી અને મનિત રસ્તોગી અને તેમની ફર્મ મોર્ફોજેનેસિસ દ્વારા બનાવવામાં આવી છે. મનિત રસ્તોગીએ બિલ્ડીંગના સ્ટ્રક્ચર અને તેને બનાવવાના પડકાર પર કહ્યું – બિલ્ડિંગ બનાવવાનો સૌથી મોટો પડકાર એ હતો કે બિલ્ડિંગ કેવી રીતે ડિઝાઇન કરવી જેમાં લગભગ 65,000 લોકો અવર-જવર કરી શકે.
65,000 લોકો એક ફૂટબોલ સ્ટેડિયમ જેવું છે. આ એક ઉચ્ચ સુરક્ષા ઝોન પણ છે. તેના તમામ ઓક્યુપેંટ એક જ સમયે બિલ્ડિંગની અંદર અને બહાર આવશે. તેથી જ વર્ટેબ્રા જેવા આકારની ઇમારત બનાવવામાં આવી છે. કરોડરજ્જુ નાના હાડકાંની એક સિરિઝથી બનેલી હોય છે જેને વર્ટેબ્રે કહેવાય છે. તેવી જ રીતે આ ઈમારત પણ એકબીજા સાથે જોડાયેલ છે.
હવે આ ઇમારતની તસવીરો…
સુરત ડાયમંડ બુર્સ એ કંપની એક્ટ 2013ની કલમ 8 હેઠળ રચાયેલી નોન-પ્રોફિટ ઓર્ગેનાઈઝેશન છે.
તેને ડાયમંડ ટ્રેડિંગ સેન્ટર તરીકે વિકસાવવામાં આવ્યું છે, જેનો વીડિયો પીએમ મોદીએ સોશિયલ મીડિયા પ્લેટફોર્મ પર પણ શેર કર્યો છે.
ડાયમંડ બુર્સ, 9 ટાવર અને 15 માળ સાથે, પેન્ટાગોન કરતાં મોટી, વિશ્વની સૌથી મોટી ઇન્ટરકનેક્ટેડ ઇમારત છે.
અમેરિકાનું પેન્ટાગોન 65 લાખ ચોરસ ફૂટમાં બનેલું છે, જ્યારે ડાયમંડ બુર્સ 67 લાખ ચોરસ ફૂટમાં બનેલું છે.
ડાયમંડ બુર્સમાં દેશનો સૌથી મોટો રેડિયન્ટ કૂલિંગ પ્લાન્ટ સ્થાપિત કરવામાં આવ્યો છે. જેના કારણે બિલ્ડિંગની અંદરનું તાપમાન બહારના તાપમાન કરતાં 5 ડિગ્રી સેલ્સિયસ ઓછું રહેશે.
અહીં પોલિશ્ડ ડાયમંડ, સ્ટડેડ જ્વેલરી, હીરા, સોનું, ચાંદી, પ્લેટિનમ જ્વેલરી સહિતની ઊંચી કિંમતની ચીજવસ્તુઓ મોટી માત્રામાં ખરીદી અને વેચી શકાય છે.
સુરતનો હીરા ઉદ્યોગ હાલમાં વાર્ષિક રૂ. 2 લાખ કરોડનો બિઝનેસ કરે છે. ડાયમંડ બુર્સ દ્વારા આ બિઝનેસ રૂ. 4 લાખ કરોડનો થવાની શક્યતા છે.
