નવી દિલ્હી3 કલાક પેહલા
- કૉપી લિંક
આજે એટલે કે 4 જુલાઈના રોજ સોના અને ચાંદીના ભાવમાં તેજી જોવા મળી રહી છે. ઈન્ડિયા બુલિયન એન્ડ જ્વેલર્સ એસોસિએશન (IBJA)ની વેબસાઈટ અનુસાર, 24 કેરેટ સોનાનો 10 ગ્રામનો ભાવ 209 રૂપિયા વધીને 72,435 રૂપિયા થયો છે. ગઈ કાલે તેની કિંમત 72,226 રૂપિયા પ્રતિ દસ ગ્રામ હતી.
આ તરફ એક કિલો ચાંદી 145 રૂપિયા વધીને 89,843 રૂપિયા પર વેચાઈ રહી છે. અગાઉ ચાંદીનો ભાવ 89,698 રૂપિયા પ્રતિ કિલો હતો. આ વર્ષે 29મી મેના રોજ ચાંદી રૂ. 94,280ની ઓલ ટાઈમ હાઈ પર પહોંચી ગઈ હતી.
4 મેટ્રો અને ભોપાલમાં સોનાનો ભાવ
- દિલ્હી: 10 ગ્રામ 22 કેરેટ સોનાની કિંમત 67,150 રૂપિયા અને 10 ગ્રામ 24 કેરેટ સોનાની કિંમત 73,240 રૂપિયા છે.
- મુંબઈ: 10 ગ્રામ 22 કેરેટ સોનાની કિંમત 67,000 રૂપિયા અને 10 ગ્રામ 24 કેરેટ સોનાની કિંમત 73,090 રૂપિયા છે.
- કોલકાતા: 10 ગ્રામ 22 કેરેટ સોનાની કિંમત 67,000 રૂપિયા અને 24 કેરેટ સોનાના 10 ગ્રામની કિંમત 73,090 રૂપિયા છે.
- ચેન્નાઈ: 10 ગ્રામ 22 કેરેટ સોનાની કિંમત 67,600 રૂપિયા અને 10 ગ્રામ 24 કેરેટ સોનાની કિંમત 73,750 રૂપિયા છે.
- ભોપાલ: 10 ગ્રામ 22 કેરેટ સોનાની કિંમત 67,050 રૂપિયા અને 10 ગ્રામ 24 કેરેટ સોનાની કિંમત 73,140 રૂપિયા છે.
આ વર્ષે સોનાના ભાવમાં અત્યાર સુધીમાં રૂ. 9 હજારથી વધુનો વધારો થયો છે
આ વર્ષે અત્યાર સુધીમાં સોનાની કિંમત 9,083 રૂપિયા પ્રતિ 10 ગ્રામ વધી છે. વર્ષની શરૂઆતમાં તે રૂ. 63,870 પર હતો. જે હવે 71,983 રૂપિયા પ્રતિ 10 ગ્રામ છે. વર્ષની શરૂઆતમાં ચાંદીનો ભાવ 73,395 રૂપિયા પ્રતિ કિલો હતો. જે હવે 89,843 રૂપિયા પ્રતિ કિલોએ પહોંચી ગયો છે. એટલે કે આ વર્ષે ચાંદીમાં 16,448 રૂપિયાનો વધારો થયો છે.
વર્ષના અંત સુધીમાં સોનું 78 હજાર રૂપિયા સુધી જઈ શકે છે
HDFC સિક્યોરિટીઝના કોમોડિટી અને કરન્સી હેડ અનુજ ગુપ્તાના જણાવ્યા અનુસાર આના કારણે આગામી દિવસોમાં સોના અને ચાંદીમાં વધુ વધારો થઈ શકે છે. આગામી એક વર્ષમાં સોનાની કિંમત 78 હજાર રૂપિયા પ્રતિ 10 ગ્રામ સુધી જઈ શકે છે. જ્યારે ચાંદી પણ 1 લાખ રૂપિયા પ્રતિ કિલો સુધી પહોંચી શકે છે.
હંમેશા સર્ટિફાઈડ સોનું જ ખરીદો
બ્યુરો ઓફ ઇન્ડિયન સ્ટાન્ડર્ડ્સ (BIS) ના હોલમાર્ક ધરાવતું સર્ટિફાઈડ સોનું જ હંમેશા ખરીદો. સોના પર 6 અંકનો હોલમાર્ક કોડ હોય છે. તેને હોલમાર્ક યુનિક આઇડેન્ટિફિકેશન નંબર એટલે કે HUID કહેવામાં આવે છે. આ નંબર આલ્ફાન્યૂમેરિક છે એટલે કે કંઈક આના જેવું હોય છે- AZ4524. હોલમાર્કિંગ દ્વારા જાણી શકાય છે કે સોનું કેટલા કેરેટનું છે.
