નવી દિલ્હી6 મિનિટ પેહલા
- કૉપી લિંક
આજે એટલે કે 16 એપ્રિલના રોજ સોનાના ભાવ ઓલ ટાઈમ હાઈ પહોંચ્યો હતો. ઈન્ડિયા બુલિયન એન્ડ જ્વેલર્સ એસોસિએશન (IBJA) અનુસાર, 24 કેરેટ સોનાના 10 ગ્રામનો ભાવ ₹1,387 વધીને ₹94,489 થયો છે. અગાઉ 10 ગ્રામ સોનાનો ભાવ ₹93,102 હતો.
આજે એક કિલો ચાંદીનો ભાવ ₹373 વધીને ₹95,403 પ્રતિ કિલો થયો છે. અગાઉ ચાંદીનો ભાવ ₹95030 પ્રતિ કિલો હતો. જ્યારે 28 માર્ચે ચાંદી ₹1,00,934 ઓલ ટાઈમ હાઈ પર પહોંચી હતી અને 11 એપ્રિલે સોનાનો ભાવ ₹93,353 હતો.
કેરેટ મુજબ સોનાનો ભાવ
| કેરેટ | કિંમત (રૂ./10 ગ્રામ) |
| 24 | 94,489 |
| 22 | 86,552 |
| 18 | 70,867 |
સોનામાં વધારા માટે 3 કારણો
- અમેરિકાની ટેરિફ નીતિને કારણે ટ્રેડવોરનો ભય વધી ગયો છે. આનાથી અર્થતંત્રનો વિકાસદર ધીમો પડી શકે છે. વૈશ્વિક મંદીની આશંકા પણ વધી ગઈ છે. આવી સ્થિતિમાં લોકો સોનામાં રોકાણ વધારી રહ્યા છે. મંદીના સમયમાં સોનાને સલામત રોકાણ માનવામાં આવે છે.
- ડોલર સામે રૂપિયાના નબળા પડવાના કારણે સોનાના ભાવમાં વધારો થયો છે. આનું કારણ એ છે કે જ્યારે રૂપિયો નબળો પડે છે ત્યારે ેને આયાત કરવા માટે વધુ પૈસા ખર્ચ થાય છે. આ વર્ષે રૂપિયાનું મૂલ્ય લગભગ 4% ઘટ્યું છે, જેના કારણે સોનાના ભાવ પર દબાણ આવ્યું છે.
- લગ્નની મોસમ નજીક આવી રહી છે, તેથી સોનાના દાગીનાની માગ વધી રહી છે. મુંબઈ, દિલ્હી અને ચેન્નઈ જેવાં શહેરોના ઝવેરીઓએ જણાવ્યું હતું કે ઊંચા ભાવ હોવા છતાં વેચાણ તેજીથી થયું હતું, કારણ કે લોકો સોનાને રોકાણ અને સમૃદ્ધિનું પ્રતીક માને છે.
4 મેટ્રો શહેરો અને ભોપાલમાં સોનાનો ભાવ
- દિલ્હી: 22 કેરેટ સોનાના 10 ગ્રામનો ભાવ 88,300 રૂપિયા અને 24 કેરેટ સોનાના 10 ગ્રામનો ભાવ 96,320 રૂપિયા છે.
- મુંબઈ: 22 કેરેટ સોનાના 10 ગ્રામનો ભાવ 88,150 રૂપિયા અને 24 કેરેટ સોનાના 10 ગ્રામનો ભાવ 95,180 રૂપિયા છે.
- કોલકાતા: 22 કેરેટ સોનાના 10 ગ્રામનો ભાવ 88,150 રૂપિયા અને 24 કેરેટ સોનાના 10 ગ્રામનો ભાવ 96,170 રૂપિયા છે.
- ચેન્નાઈ: 22 કેરેટ સોનાના 10 ગ્રામનો ભાવ 88,150 રૂપિયા અને 24 કેરેટ સોનાના 10 ગ્રામનો ભાવ 96,170 રૂપિયા છે.
- ભોપાલ: 22 કેરેટ સોનાના 10 ગ્રામનો ભાવ 88,200 રૂપિયા અને 24 કેરેટ સોનાના 10 ગ્રામનો ભાવ 96,220 રૂપિયા છે.
આ વર્ષે અત્યાર સુધીમાં સોનું 18,327 રૂપિયા મોંઘુ થયું છે આ વર્ષે, 1 જાન્યુઆરીથી અત્યાર સુધીમાં, 24 કેરેટ સોનાના 10 ગ્રામનો ભાવ 76,162 રૂપિયાથી 18,327 રૂપિયા વધીને 94,489 રૂપિયા થયો છે. તેમજ, ચાંદીનો ભાવ પણ 86,017 રૂપિયા પ્રતિ કિલોથી 9,386 રૂપિયા વધીને 95,403 રૂપિયા થયો છે. તેમજ, ગયા વર્ષે એટલે કે 2024માં, સોનું 12,810 રૂપિયા મોંઘુ થયું હતું.
સોનું ખરીદતી વખતે આ 3 બાબતનું ધ્યાન રાખો
1. ફક્ત પ્રમાણિત સોનું ખરીદો
હંમેશાં બ્યૂરો ઓફ ઇન્ડિયન સ્ટાન્ડર્ડ્સ (BIS) દ્વારા હોલમાર્ક થયેલું પ્રમાણિત સોનું ખરીદો. સોના પર 6 અંકનો હોલમાર્ક કોડ હોય છે. આને હોલમાર્ક યુનિક આઇડેન્ટિફિકેશન નંબર એટલે કે HUID કહેવામાં આવે છે. આ સંખ્યા આલ્ફાન્યૂમેરિક છે, એટલે કે કંઈક આના જેવી – AZ4524. હોલમાર્કિંગ દ્વારા એ જાણી શકાય છે કે કોઈ ચોક્કસ સોનું કેટલા કેરેટનું છે.
2. કિંમત ક્રોસ ચેક કરો
ખરીદીના દિવસે બહુવિધ સ્ત્રોતો (જેમ કે ઇન્ડિયા બુલિયન એન્ડ જ્વેલર્સ એસોસિયેશન વેબસાઇટ) પરથી સોનાનું સાચું વજન અને એની કિંમત ક્રોસ ચેક કરો. સોનાની કિંમત 24 કેરેટ, 22 કેરેટ અને 18 કેરેટ પ્રમાણે બદલાય છે. 24 કેરેટ સોનાને સૌથી શુદ્ધ સોનું માનવામાં આવે છે, પરંતુ તેમાંથી ઘરેણાં બનાવવામાં આવતા નથી, કારણ કે એ ખૂબ જ નરમ હોય છે.
3. રોકડ ચુકવણી ન કરો, બિલ લો
સોનું ખરીદતી વખતે રોકડ ચુકવણીને બદલે UPI (જેમ કે BHIM એપ) અને ડિજિટલ બેંકિંગ દ્વારા ચુકવણી કરવી વધુ સારું છે. જો તમે ઈચ્છો તો તમે ડેબિટ અથવા ક્રેડિટ કાર્ડ દ્વારા પણ ચુકવણી કરી શકો છો. આ પછી બિલ લેવાનું ભૂલશો નહીં. જો તમે ઓનલાઈન ઓર્ડર કર્યો હોય તો પેકેજિંગ ચોક્કસ તપાસો.
