નવી દિલ્હી49 મિનિટ પેહલા
- કૉપી લિંક
હાલ સોનામાં રેકોર્ડ બ્રેક તેજી જોવા મળી રહી છે. 24 કેરેટ સોનાની કિંમત 69,882 રૂપિયા અને જ્વેલરી (22 કેરેટ) સોનાની કિંમત 64,012 રૂપિયા પ્રતિ 10 ગ્રામ પર પહોંચી ગઈ છે. તેના ભાવમાં હજુ વધારો થવાની આગાહી નિષ્ણાતો કરી રહ્યા છે. અમેરિકામાં વ્યાજદરમાં ઘટાડા અંગે અનિશ્ચિતતા વચ્ચે ડોલરમાં નબળાઈને કારણે સોનું ઊંચી સપાટીએ છે.
સોનાએ છેલ્લા 6 મહિનામાં 25% વળતર આપ્યું છે. છેલ્લા 6 મહિનામાં જ તે 57 હજારથી 70 હજાર સુધી પહોંચી ગયું છે. આ વર્ષે એટલે કે માત્ર ત્રણ મહિનામાં જ તેણે 10 ટકાથી વધુ રિટર્ન આપ્યું છે. આ વલણ આગળ પણ ચાલુ રહી શકે છે.
SS વેલ્થ સ્ટ્રીટના સ્થાપક સુગંધા સચદેવાનું માનવું છે કે 2024ના અંત સુધીમાં સોનાની કિંમત 72,000 રૂપિયા સુધી પહોંચી શકે છે. મતલબ કે સોનામાં 2 હજાર રૂપિયાથી વધુનો વધારો થવાનો અવકાશ છે. આવી સ્થિતિમાં સોનાની જ્વેલરી ખરીદવા અને સોનામાં રોકાણ કરવાની આ એક સારી તક હોઈ શકે છે.
7મી એપ્રિલના રોજ કેરેટ પ્રમાણે સોનાનો ભાવ
| કેરેટ | કિંમત (રૂ/10 ગ્રામ) |
| 24 | 69,882 |
| 22 | 64,012 |
| 18 | 52,412 |
હાલમાં ભાવ ઘટવાની કોઈ શક્યતા નથી
એચડીએફસી સિક્યોરિટીઝના કોમોડિટી અને કરન્સી હેડ અનુજ ગુપ્તાએ જણાવ્યું હતું કે રેકોર્ડ સ્તરે પહોંચવા છતાં સોનાના ભાવમાં ઘટાડો થવાનું કોઈ કારણ નથી. તેની રોકાણની માગ વધી રહી છે.
20 વર્ષથી કિંમતો સતત વધી રહી છે
છેલ્લા 20 વર્ષથી સોનાના ભાવમાં સતત વધારો થઈ રહ્યો છે. કોમોડિટી નિષ્ણાતોનું કહેવું છે કે જો મોંઘવારી વધશે તો સોનાના ભાવમાં વધુ વધારો થશે. અમેરિકાની ચૂંટણીના પરિણામોની અસર સોના પર પણ પડી શકે છે. નિષ્ણાતોના મતે સોનાના ભાવમાં વધુ વધારો થઈ શકે છે. સચદેવાના મતે સ્થિતિ એવી છે કે સોનાના ભાવ 2025 સુધી વધતા રહેશે.
જો ગત વર્ષની વાત કરીએ તો 2023માં સોનું 8 હજાર રૂપિયાથી વધુ મોંઘુ થઈ ગયું છે. 2023 ની શરૂઆતમાં સોનું 54,867 રૂપિયા પ્રતિ ગ્રામ હતું, જે 31 ડિસેમ્બરે 63,246 રૂપિયા પ્રતિ ગ્રામે પહોંચ્યું હતું. એટલે કે વર્ષ 2023માં તેની કિંમત રૂ. 8,379 (16%) વધી. તે જ સમયે, ચાંદી પણ રૂ. 68,092 થી વધીને રૂ. 73,395 પ્રતિ કિલોગ્રામ પર પહોંચી ગઈ છે.
મોંઘવારી સોનાની ડિમાન્ડ વધારી રહી છે
રિઝર્વ બેંકના ગવર્નર શક્તિકાંત દાસે શુક્રવારે કહ્યું કે આ વર્ષે જરૂર કરતાં વધુ ગરમી પડી શકે છે. આવી સ્થિતિમાં કેટલાક પાકને નુકસાન થઈ શકે છે. આ કારણે મોંઘવારીમાં ઘટાડો થવાનો ટ્રેન્ડ થોડા સમય માટે ફરી શકે છે. તેનાથી સોનાની ચમક વધી શકે છે. જ્યારે ફુગાવો વધે છે, ત્યારે સોનું મોંઘું થઈ જાય છે કારણ કે તેમાં રોકાણ વધે છે, જેથી વધતી કિંમતોના આંચકાથી બચી શકાય.
