નવી દિલ્હી46 મિનિટ પેહલા
- કૉપી લિંક
આ સપ્તાહે સોના અને ચાંદીના ભાવમાં વધારો જોવા મળ્યો છે. ઈન્ડિયા બુલિયન એન્ડ જ્વેલર્સ એસોસિએશન (IBJA) ની વેબસાઈટ અનુસાર, બુલિયન માર્કેટમાં આ સપ્તાહની શરૂઆતમાં એટલે કે 29 જાન્યુઆરીએ સોનું 62,497 રૂપિયા પર હતું, જે હવે 3 ફેબ્રુઆરીએ 63,142 રૂપિયા પ્રતિ 10 ગ્રામ પર પહોંચી ગયું છે. એટલે કે આ અઠવાડિયે તેની કિંમતમાં 645 રૂપિયાનો વધારો થયો છે.
ચાંદી પણ 72 હજારની નજીક પહોંચી
IBJA વેબસાઈટ અનુસાર આ સપ્તાહે ચાંદીમાં પણ વધારો જોવા મળ્યો છે. આ સપ્તાહની શરૂઆતમાં તે રૂ. 71,354 પર હતી, જે હવે રૂ. 71,864 પ્રતિ કિલોએ પહોંચી ગઇ છે. એટલે કે આ અઠવાડિયે તેની કિંમતમાં 510 રૂપિયાનો વધારો થયો છે.
સોનું 70 હજાર રૂપિયા સુધી જઈ શકે
નિષ્ણાતોના મતે 2024માં પણ સોનાની કિંમતમાં વધારો જોવા મળી શકે છે. જેના કારણે આ વર્ષે સોનું 70 હજાર રૂપિયા પ્રતિ 10 ગ્રામ સુધી જઈ શકે છે. જો ચાંદીની વાત કરીએ તો તે 85 હજાર રૂપિયા પ્રતિ કિલો સુધી જઈ શકે છે.
સર્ટિફાઇડ સોનું જ ખરીદો
જો તમે સોનું ખરીદવાનું વિચારી રહ્યા છો, તો ધ્યાનમાં રાખો કે તે બ્યુરો ઓફ ઈન્ડિયન સ્ટાન્ડર્ડ્સ (BIS) ના હોલમાર્ક સાથે પ્રમાણિત સોનું હોવું જોઈએ. જેમ આધાર કાર્ડમાં 12 અંકનો કોડ હોય છે, તેવી જ રીતે સોનામાં 6 અંકનો હોલમાર્ક કોડ હોય છે.
તેને હોલમાર્ક યુનિક આઇડેન્ટિફિકેશન નંબર એટલે કે HUID કહેવામાં આવે છે. આ નંબર આલ્ફાન્યૂમેરિક હોઈ શકે છે એટલે કે કંઈક આના જેવું – AZ4524. હોલમાર્કિંગ દ્વારા કેટલા કેરેટ સોનું છે તે જાણવાનું શક્ય બન્યું છે.
