જૂનમાં વેજ થાળીના ભાવમાં 10 ટકાનો વધારો થયો: ટામેટા, બટેટા અને ડુંગળીના ભાવ વધ્યા, નોન વેજ થાળી 4% સસ્તી

ભારતમાં શાકાહારી થાળીની કિંમત જૂનમાં 10% (વાર્ષિક ધોરણે) વધીને 29.40 રૂપિયા થઈ ગઈ છે. ગયા વર્ષે જૂન 2023માં વેજ થાળીની કિંમત 26.7 રૂપિયા હતી. CRISIL એ શુક્રવાર (5 જુલાઈ) ના રોજ જાહેર કરાયેલા ફૂડ પ્લેટ કોસ્ટના માસિક સૂચકમાં આ માહિતી આપી હતી.

ક્રિસિલે તેના અહેવાલમાં જણાવ્યું હતું કે, શાકાહારી થાળીના ભાવમાં ગયા મહિને મેની સરખામણીએ જૂનમાં 5.75 ટકાનો વધારો જોવા મળ્યો હતો. મે મહિનામાં વેજ થાળીની કિંમત 27.80 રૂપિયા હતી. જ્યારે મે 2023માં વેજ થાળીની કિંમત 25.50 રૂપિયા હતી.

જૂનમાં નોન-વેજ થાળીની કિંમત 4% ઘટીને રૂ. 58.30 થઈ હતી
જ્યારે નોન-વેજ થાળીની કિંમત જૂનમાં વાર્ષિક ધોરણે 4% ઘટીને 58.30 રૂપિયા થઈ ગઈ છે. ગયા વર્ષે જૂન 2023માં નોનવેજ થાળીની કિંમત 60.50 રૂપિયા હતી.

જો કે, નોન-વેજ થાળીના ભાવમાં મેની સરખામણીએ જૂનમાં 4.29%નો વધારો થયો છે. મે મહિનામાં નોનવેજ થાળીની કિંમત 55.90 રૂપિયા હતી. જ્યારે મે 2023માં વેજ થાળીની કિંમત 59.90 રૂપિયા હતી.

ટામેટા, બટેટા અને ડુંગળીના કારણે વેજ થાળીના ભાવમાં વધારો થયો
ક્રિસિલના રિપોર્ટ અનુસાર, વેજ થાળીની કિંમતમાં આ વૃદ્ધિ વાર્ષિક ધોરણે ટામેટા (30%), બટાકા (59%) અને ડુંગળી (46%)ના ભાવમાં વધારાને કારણે જોવા મળી છે.

માસિક ધોરણે ટામેટા (29%), બટાકા (9%) અને ડુંગળી (15%) ના ભાવમાં પણ વધારો થયો છે. CRISILએ જણાવ્યું હતું કે, ચોખા (13%) અને કઠોળ (22%)ના ભાવમાં પણ વાર્ષિક ધોરણે વધારો જોવા મળ્યો છે.

ચિકનના ભાવમાં ઘટાડો થવાને કારણે નોન વેજ થાળીના ભાવમાં ઘટાડો થયો
નોન-વેજ થાળીના ભાવમાં આ ઘટાડો વાર્ષિક ધોરણે બ્રોઈલર એટલે કે ચિકનના ભાવમાં 14% ઘટાડાને કારણે આવ્યો છે. જોકે, ચિકનની કિંમતમાં માસિક ધોરણે 1%નો વધારો થયો છે. નોન-વેજ થાળીની કિંમતમાં 50% હિસ્સો બ્રોઈલરનો હોય છે.

આ રીતે ગણવામાં આવે છે થાળીની સરેરાશ કિંમત