મિલકત વેચીને મળેલી આવક પર પણ ટેક્સ ભરવો પડે છે: બીજી હાઉસ પ્રોપર્ટી ખરીદીને ઈન્કમ ટેક્સ બચાવી શકો છો, જાણો તેના સંબંધિત નિયમો

જ્યારે પણ આપણે કોઈ પ્રોપર્ટી, ઈક્વિટી અથવા મ્યુચ્યુઅલ ફંડ વેચીએ છીએ, ત્યારે નફા પર કેપિટલ ગેઈન ટેક્સ ચૂકવવો પડે છે. જો કે, ટેક્સ બચાવવા માટે આ કેટલાક ખાસ નિયમો છે, જે મહત્તમ રૂ. 10 કરોડની કપાતની મંજૂરી આપે છે.

આવકવેરા અધિનિયમની કલમ 54 મુજબ, જો તમે એક ઘર વેચો છો અને નિયત સમયગાળાની (2 વર્ષની અંદર ખરીદી કરો છો અથવા 3 વર્ષની અંદર નવી મિલકતનું બાંધકામ કરો છો) અંદર બીજું મકાન ખરીદવા માટે ખર્ચ કરો છો , તો તમને ટેક્સમાં છૂટ મળી શકે છે.

આ રીતે વિચારો
જ્યારે તમે ઘર ખરીદ્યું ત્યારે તેની કિંમત 20 લાખ રૂપિયા હતી. હવે તમે તેને 42 લાખ રૂપિયામાં વેચી રહ્યા છો. તમે રૂ. 22 લાખનો મૂડી લાભ (નફો) કર્યો. 3% સરચાર્જ અને સેસ ઉપરાંત, તમારે આના પર 20% લોંગ ટર્મ કેપિટલ ગેઈન ટેક્સ પણ ચૂકવવો પડશે. જો કે, જો તમે જૂના મકાનના વેચાણની આવકમાંથી બીજું મકાન ખરીદો છો, તો તમને આ કરમાંથી મુક્તિ મળશે.

તમે કેપિટલ ગેઈન્સ એકાઉન્ટ સ્કીમનો પણ લાભ લઈ શકો છો
ટેક્સ એક્સપર્ટ સુનીલ ગર્ગ જણાવે છે કે જો તમે ટેક્સ રિટર્ન ફાઈલ કરો ત્યાં સુધી ઘર વેચીને મળેલા પૈસાનો ઉપયોગ નવું ઘર ખરીદવા માટે ન કરો તો તે પૈસા કેપિટલ ગેઈન એકાઉન્ટ સ્કીમ હેઠળ સ્પેશિયલ એકાઉન્ટમાં નાખો. તેમ છતાં, તે પૈસાથી તમારે 2 વર્ષમાં ઘર ખરીદવું પડશે અથવા 3 વર્ષમાં નવું મકાન બનાવવું પડશે.

આ સંજોગોમાં કેપિટલ ગેઈન ટેક્સ બચાવી શકાય નહીં

કેટલો ટેક્સ ચૂકવવો પડશે?
આવકવેરા કાયદા અનુસાર, જો પ્રોપર્ટી ખરીદીના ત્રણ વર્ષની અંદર વેચવામાં આવે છે, તો તેમાંથી થતા નફાને શોર્ટ ટર્મ કેપિટલ ગેઇન (STCG) ગણવામાં આવે છે. ઘર અથવા પ્લોટ વેચીને થયેલા નફાની આ રકમ તમારી કુલ આવકમાં ઉમેરવામાં આવશે અને તે પછી તમારા ટેક્સ સ્લેબ મુજબ તેના પર ટેક્સ લેવામાં આવશે.

જો તમે કોઈ પ્રોપર્ટી ખરીદો છો અને તેને 3 વર્ષ માટે રાખો છો અને પછી તેને વેચો છો, તો તમને જે નફો થશે તે લોંગ ટર્મ કેપિટલ ગેઈન (LTCG) તરીકે ગણવામાં આવશે. આ પ્રકારની આવક પર, તમારે ઇન્ડેક્સેશનના લાભ પછી 20.8%ના દરે ટેક્સ ચૂકવવો પડશે (સમય સાથે મિલકતની કિંમત વધે છે).