Related posts
મુંબઈ11 મિનિટ પેહલા
- કૉપી લિંક
શેરબજારમાં આજે એટલે કે 27મી નવેમ્બરે ઘટાડો જોવા મળી રહ્યો છે. સેન્સેક્સ 100થી વધુ પોઈન્ટના ઘટાડા સાથે 79,800ના સ્તરે કારોબાર કરી રહ્યો છે. તેમજ, નિફ્ટી પણ લગભગ 50 પોઈન્ટ ઘટીને 24,200ના સ્તરે ટ્રેડ કરી રહ્યો છે.
શરૂઆતના ટ્રેડિંગ દરમિયાન સેન્સેક્સના 30 શેરોમાંથી 19માં ઘટાડો અને 11માં તેજી જોવા મળી છે. આજે FMCG અને બેન્કિંગ શેર્સમાં ઘટાડો જોવા મળી રહ્યો છે. તેમજ, IT અને એનર્જી શેર્સમાં ઉછાળો જોવા મળી રહી છે.
એશિયન માર્કેટમાં મિશ્ર કારોબાર
- એશિયન માર્કેટમાં જાપાનનો નિક્કેઈ 0.72% અને કોરિયાનો કોસ્પીમાં 0.27%નો ઘટાડો છે. જ્યારે ચીનના શાંઘાઈ કમ્પોઝિટ ઈન્ડેક્સમાં 0.52%નો ઉછાળો જોવા મળી રહ્યો છે.
- 26 નવેમ્બરના રોજ, યુએસ ડાઓ જોન્સ ઇન્ડસ્ટ્રિયલ એવરેજ 0.28% વધીને 44,860 પર અને S&P 500 0.57% વધીને 6,021 પર બંધ થયો. નેસ્ડેક પણ 0.63% વધીને 19,175 પર બંધ થયો.
- NSEના ડેટા અનુસાર, વિદેશી રોકાણકારો (FII)એ 26 નવેમ્બરે ₹1,157 કરોડના શેર ખરીદ્યા હતા. આ દરમિયાન સ્થાનિક રોકાણકારો (DII) એ ₹1,910 કરોડના શેરનું વેચાણ કર્યું હતું.
29 નવેમ્બરે સુરક્ષા ડાયગ્નોસ્ટિકનો IPO ખુલશે સુરક્ષા ડાયગ્નોસ્ટિક લિમિટેડનો ઈનિશિયલ પબ્લિક ઓફર એટલે કે IPO 29 નવેમ્બરે ખુલશે. રોકાણકારો આ ઈસ્યુ માટે 3 ડિસેમ્બર સુધી બિડ કરી શકશે. કંપનીના શેર 6 ડિસેમ્બરે બોમ્બે સ્ટોક એક્સચેન્જ (BSE) અને નેશનલ સ્ટોક એક્સચેન્જ (NSE) પર લિસ્ટ થશે.
ગઈકાલે બજારમાં ઘટાડો જોવા મળ્યો હતો
આ પહેલા ગઈકાલે એટલે કે 26મી નવેમ્બરે શેરબજારમાં ઘટાડો જોવા મળ્યો હતો. સેન્સેક્સ 105 પોઇન્ટના ઘટાડા સાથે 80,004 પર બંધ થયો હતો. નિફ્ટી પણ 27 પોઈન્ટ ઘટીને 24,194ના સ્તરે બંધ થયો હતો.
