- Gujarati News
- Business
- Microsoft To Invest ₹25,722 Crore In India, AI Training Will Be Provided To One Crore People
નવી દિલ્હી1 કલાક પેહલા
- કૉપી લિંક
માઇક્રોસોફ્ટના ચીફ એક્ઝિક્યુટિવ ઓફિસર (CEO) સત્ય નડેલાએ 7 જાન્યુઆરી (મંગળવારે) ભારતમાં તેના ક્લાઉડ અને આર્ટિફિશિયલ ઇન્ટેલિજન્સ (AI) બિઝનેસમાં આગામી 2 વર્ષમાં $3 બિલિયન એટલે કે રૂ. 25,722 કરોડના રોકાણની જાહેરાત કરી હતી. માઇક્રોસોફ્ટ AI ટૂરના બેંગલુરુ તબક્કામાં સત્ય નડેલાએ આ જાહેરાત કરી હતી.
સત્ય નડેલાએ સોશિયલ મીડિયા પ્લેટફોર્મ પર પોસ્ટ શેર કરી
ભારતમાં AIમાં ઘણી સંભાવનાઓ ભારતને AI-પ્રથમ રાષ્ટ્ર બનાવવામાં મદદ કરવાના કંપનીના પ્રયાસોના ભાગરૂપે આ જાહેરાત કરવામાં આવી છે. નડેલાએ અગાઉ કહ્યું હતું કે, તેઓ માને છે કે ભારતમાં AIમાં મોટી સંભાવના છે.
સત્ય નડેલાએ એમ પણ કહ્યું હતું કે, તેઓ ઇચ્છે છે કે સોફ્ટવેર જાયન્ટ માઇક્રોસોફ્ટ આ ઝડપથી વિસ્તરી રહેલી ટેક્નોલોજીનો લાભ ઉઠાવવામાં સહાયક ભૂમિકા ભજવે.
નડેલાએ વડાપ્રધાન નરેન્દ્ર મોદી સાથે મુલાકાત કરી હતી એક દિવસ પહેલા સોમવારે સત્ય નડેલાએ વડાપ્રધાન નરેન્દ્ર મોદી સાથે પણ મુલાકાત કરી હતી. તેમણે એક્સ પર આ મીટિંગનો ફોટો શેર કર્યો છે. ફોટો શેર કરતા નડેલાએ લખ્યું હતું કે, ‘વડાપ્રધાન નરેન્દ્ર મોદીજી, તમારા નેતૃત્વ માટે આભાર.’
અમે ભારતને AI-પ્રથમ રાષ્ટ્ર બનાવવાની અમારી પ્રતિબદ્ધતાને આગળ વધારવા અને દેશમાં અમારા સતત વિસ્તરણ પર સાથે મળીને કામ કરવા માટે ઉત્સાહિત છીએ. જેથી એ સુનિશ્ચિત કરી શકાય કે દરેક ભારતીયને આ AI પ્લેટફોર્મ શિફ્ટનો લાભ મળે.
માઇક્રોસોફ્ટની રોકાણ યોજનાઓ વિશે જાણીને આનંદ થયો વડાપ્રધાન નરેન્દ્ર મોદીએ પણ X પર પોસ્ટ શેર કરી અને લખ્યું, ‘સત્ય નડેલાને મળીને ખૂબ જ ખુશ છું. ભારતમાં માઇક્રોસોફ્ટના વિસ્તરણ અને રોકાણની યોજનાઓ વિશે જાણીને આનંદ થયો. અમે આ મીટિંગમાં ટેક, ઇનોવેશન અને AIના ઘણા પાસાઓ પર ચર્ચા કરી.
