RBIની લાલઆંખ- ICICIને ₹1 કરોડ, યસ બેંકને ₹90 લાખનો દંડ: નિયમોનું ઉલ્લંઘન કરીને અનેક કંપનીઓને લોન આપી; ઝીરો બેલેન્સ એકાઉન્ટ્સ પર ગ્રાહકો પાસેથી ચાર્જ લેતા હતા

ભારતીય રિઝર્વ બેંક (RBI) એ બે ખાનગી બેંકોને દંડ ફટકાર્યો છે. ICICI બેંકને 1 કરોડ રૂપિયા અને યસ બેંકને 90 લાખ રૂપિયાનો દંડ ફટકારવામાં આવ્યો છે. લોન અને ગ્રાહક સેવા સંબંધિત નિયમોનું પાલન ન કરવાને કારણે આ દંડ ફટકારવામાં આવ્યો છે.

RBIની તપાસમાં સામે આવ્યું છે કે નાણાકીય વર્ષ 2021-22માં ICICI બેંકે યોગ્ય તપાસ કર્યા વિના ઘણી કંપનીઓને લોન આપી હતી. જેના કારણે બેંકને નાણાકીય જોખમનો સામનો કરવો પડ્યો હતો. યસ બેંકને ગ્રાહક સેવા ધોરણોનું ઉલ્લંઘન કરવા બદલ દંડ ફટકારવામાં આવ્યો છે.

યસ બેંકે ઝીરો બેલેન્સ એકાઉન્ટ્સ માટે દંડ લગાવ્યો હતો અને પાર્કિંગ ફંડ અને કસ્ટમર ટ્રાન્ઝેક્શન રૂટ કરવા માટે ગ્રાહકોના નામે ઈન્ટરપોલ એકાઉન્ટ ખોલ્યા હતા.

RBIએ ICICI બેંકને 1 કરોડ રૂપિયા અને યસ બેંકને 90 લાખ રૂપિયાનો દંડ ફટકાર્યો છે.

આ કારણે આરબીઆઈએ કાર્યવાહી કરી
આ બે મોટી બેંકો પર દંડ ફટકારતી વખતે, RBIએ માહિતી આપી છે કે યસ બેંક અને ICICI બેંક ગ્રાહક સેવાઓ, આંતરિક અને એકાઉન્ટ સંબંધિત નિયમોનું ઉલ્લંઘન કરતી હતી. રિઝર્વ બેંક ઓફ ઈન્ડિયાએ આ બંને બાબતે તપાસ કરી અને જાણવા મળ્યું કે ગ્રાહકના ખાતામાં પૂરતું ભંડોળ ન હોવા છતાં બેંકે ચાર્જ વસૂલ કર્યો હતો. આ ઉપરાંત નિયમોનિં પાલન કરવા બાબતે ઘણી ખામીઓ પણ સામે આવી છે.

બંને બેંકોના શેરમાં ઘટાડો
આજે બંને બેંકોના શેરમાં ઘટાડો જોવા મળી રહ્યો છે. બપોરે 12:25 વાગ્યે, ICICI બેંકના શેર રૂ. 2.70 (0.24%) ના ઘટાડા સાથે રૂ. 1,127.10 પર ટ્રેડ થઈ રહ્યા છે. જ્યારે યસ બેન્કના શેર રૂ. 0.30 (1.30%) ઘટીને રૂ. 22.75 પર ટ્રેડ થઈ રહ્યા છે.

માર્ચમાં પાંચ સહકારી બેંકો પર દંડ ફટકારવામાં આવ્યો હતો
આ વર્ષની શરૂઆતમાં RBIએ નિયમોનું પાલન ન કરવા બદલ 5 સહકારી બેંકો સામે કાર્યવાહી કરી હતી. બેંકિંગ રેગ્યુલેટરે આ બેંકો પર 9.25 લાખ રૂપિયા સુધીનો દંડ ફટકાર્યો હતો.
આ દંડ બેંકિંગ નિયમો અને ગ્રાહક સુરક્ષાનું પાલન ન કરવાને કારણે કરવામાં આવ્યો છે.

જે બેંકો સામે કાર્યવાહી કરવામાં આવી તેમાં હાવડા ડિસ્ટ્રિક્ટ સેન્ટ્રલ કો-ઓપરેટિવ બેંક, સ્ટાન્ડર્ડ અર્બન કો-ઓપરેટિવ બેંક, એક્સેલેન્ટ કો-ઓપરેટિવ બેંક, રાજપાલયમ કો-ઓપરેટિવ અર્બન બેંક અને મંડી અર્બન કો-ઓપરેટિવ બેંકનો સમાવેશ થાય છે.