મુંબઈ14 મિનિટ પેહલા
- કૉપી લિંક
આજે, અઠવાડિયાના છેલ્લા ટ્રેડિંગ દિવસે એટલે કે શુક્રવાર (28 ફેબ્રુઆરી)ના રોજ, સેન્સેક્સ 1000 પોઈન્ટ ઘટ્યો છે. તે 73,600ના સ્તરે કારોબાર કરી રહ્યો છે. નિફ્ટી પણ 300 પોઈન્ટ ઘટીને 22,250ના સ્તરે ટ્રેડ કરી રહ્યો છે.
સેન્સેક્સના 30 શેરોમાંથી 28 ઘટી રહ્યા છે અને માત્ર બેમાં જ તેજીછે. નિફ્ટીના 50 શેરોમાંથી 46માં ઘટાડો છે અને માત્ર 4માં જ તેજી છે. NSEના તમામ સેક્ટોરલ ઈન્ડેક્સમાં આજે ઘટાડો જોવા મળી રહ્યો છે.
સૌથી મોટો ઘટાડો ITમાં 3.27%, ઑટોમાં 2.65%, મીડિયામાં 2.50%, સરકારી બેંકોમાં 2.05% અને મેટલમાં 1.82% છે. આ સિવાય ફાર્મા, બેંકિંગ, એફએમસીજી અને ફાઇનાન્શિયલ સેવાઓમાં 1% સુધીનો ઘટાડો છે.
ગ્લોબલ માર્કેટમાં 3%નો ઘટાડો
- એશિયન બજારોમાં, જાપાનનો નિક્કેઈમાં 2.81%, હોંગકોંગનો હેંગ સેંગમાં 2.27%, કોરિયાનો કોસ્પીમાં 3.08% અને ચીનનો શાંઘાઈ કમ્પોઝિટ ઇન્ડેક્સ 0.88% ઘટ્યો છે.
- ૨૭ ફેબ્રુઆરીના રોજ, વિદેશી રોકાણકારો (FII) એ 556.56 કરોડ રૂપિયાના શેર વેચ્યા હતા. આ દરમિયાન, સ્થાનિક રોકાણકારો (DIIs) એ 1,727.11 કરોડ રૂપિયાના શેર ખરીદ્યા.
- 27 ફેબ્રુઆરીએ, અમેરિકાનો ડાઓ જોન્સ 0.45%ના ઘટાડા સાથે 43,239 પર બંધ થયો. જ્યારે S&P 500 ઇન્ડેક્સ 1.59% વધીને 5,861 પર બંધ થયો હતો અને નેસ્ડેક 2.78% વધીને 18,544 પર બંધ થયો હતો.
ગઈકાલે શેરબજારમાં ફ્લેટ કારોબાર રહ્યો હતો
ગઈકાલે એટલે કે ગુરુવાર (27 ફેબ્રુઆરી), સેન્સેક્સ 10 પોઈન્ટના વધારા સાથે 74,612 પર બંધ થયો. નિફ્ટી 2 પોઈન્ટ ઘટીને 22,545 પર બંધ થયો. સેન્સેક્સના ૩૦ શેરોમાંથી 13 શેરમાં ઘટાડો થયો અને 16 શેરમાં વધારો થયો.
નિફ્ટીના 50 શેરોમાંથી 31 શેરમાં ઘટાડો થયો હતો જ્યારે 19 શેરમાં વધારો થયો હતો. NSE સેક્ટોરલ ઈન્ડેક્સમાં, મીડિયા ક્ષેત્ર સૌથી વધુ 3.58% ઘટ્યું અને ઓટો ક્ષેત્ર 1.51% ઘટ્યું. જ્યારે નિફ્ટી બેંક, મેટલ અને ફાઇનાન્શિયલ સર્વિસિસ ઇન્ડેક્સમાં 1% સુધીનો વધારો થયો હતો.
