મુંબઈ2 કલાક પેહલા
- કૉપી લિંક
શેરબજારમાં આજે એટલે કે મંગળવારે (30 જાન્યુઆરી) ઉછાળો જોવા મળી રહ્યો છે. સેન્સેક્સ 59 પોઈન્ટના વધારા સાથે 72 હજારના સ્તર પર ખુલ્યો. નિફ્ટીમાં પણ 38 પોઈન્ટનો ઉછાળો જોવા મળ્યો હતો. તે 21,775ના સ્તરે ખુલ્યો હતો. શરૂઆતના ટ્રેડિંગ દરમિયાન સેન્સેક્સના 30 શેરોમાંથી 22માં વધારો અને 8માં ઘટાડો જોવા મળી રહ્યો છે. આઈટી, મેટલ અને બેન્કિંગ શેર્સમાં ઉછાળો જોવા મળી રહ્યો છે.
અદાણી ટોટલ ગેસ સહિતની ઘણી કંપનીઓ ત્રિમાસિક પરિણામો જાહેર કરશે
આજે ઘણી કંપનીઓ નાણાકીય વર્ષ 2023-24ના ત્રીજા ક્વાર્ટર (ઓક્ટોબર-ડિસેમ્બર)ના પરિણામો જાહેર કરશે. જેમાં લાર્સન એન્ડ ટુબ્રો, ડો. રેડ્ડીઝ લેબોરેટરીઝ, બજાજ ફિનસર્વ, અદાણી ટોટલ ગેસ, બ્લુ સ્ટાર, કોચીન શિપયાર્ડ, કોરોમંડલ ઈન્ટરનેશનલ, મહિન્દ્રા એન્ડ મહિન્દ્રા ફાઈનાન્સિયલ સર્વિસીસ, પીરામલ ફાર્મા અને વોલ્ટાસ અને અન્ય કંપનીઓનો સમાવેશ થાય છે.
BLS e-Services Limitedનો IPO આજથી ખુલશે
BLS E-Services Limitedનો IPO આજથી એટલે કે 30મી જાન્યુઆરીથી ખુલ્યો છે. રિટેલ રોકાણકારો 1 ફેબ્રુઆરી સુધી આ માટે બિડ કરી શકશે. કંપની આ ઈસ્યુ દ્વારા ₹310.91 કરોડ એકત્ર કરવા માગે છે. કંપનીના શેર 6 ફેબ્રુઆરીએ બોમ્બે સ્ટોક એક્સચેન્જ (BSE) અને નેશનલ સ્ટોક એક્સચેન્જ (NSE) પર લિસ્ટ થશે.
ગઈકાલે બજારમાં તેજી જોવા મળી હતી
અગાઉ ગઈકાલે એટલે કે સોમવારે (29 જાન્યુઆરી) અદભૂત વધારો જોવા મળ્યો હતો. સેન્સેક્સ 1240 પોઈન્ટના ઉછાળા સાથે 71,941ના સ્તરે બંધ રહ્યો હતો. નિફ્ટીમાં પણ 385 પોઈન્ટનો ઉછાળો જોવા મળ્યો હતો. 21,737ના સ્તરે બંધ રહ્યો હતો. આ વર્ષે શેરબજારમાં એક જ દિવસમાં આ સૌથી મોટો ફાયદો છે.
