મુંબઈ13 મિનિટ પેહલા
- કૉપી લિંક
શેરબજારમાં આજે એટલે કે 17મી જાન્યુઆરીએ મોટો ઘટાડો જોવા મળ્યો છે. સેન્સેક્સ 1,130 પોઈન્ટના ઘટાડા સાથે 71,998 પર ખુલ્યો હતો. તે જ સમયે, નિફ્ટી પણ 384 પોઈન્ટ તૂટ્યો હતો. જે 21,647ના સ્તરે ખુલ્યો હતો.
શરૂઆતના ટ્રેડિંગ દરમિયાન સેન્સેક્સના 30 શેરોમાંથી 26માં ઘટાડો જોવા મળ્યો હતો અને માત્ર 4માં વધારો જોવા મળ્યો હતો. આઈટી અને બેન્કિંગ શેર્સમાં વધુ ઘટાડો જોવા મળી રહ્યો છે. HDFC બેંકના શેરમાં 5% થી વધુનો ઘટાડો જોવા મળી રહ્યો છે.
HDFC બેંકના શેરની કિંમત સવારે 9:20 વાગ્યે.
Medi Assist Healthcare Services IPO માં રોકાણ કરવાની છેલ્લી તક
પ્રારંભિક પબ્લિક ઑફરિંગ એટલે કે Medi Assist Healthcare Services Limitedનો IPO જાહેર સબ્સ્ક્રિપ્શન માટે ખુલ્યો છે. આમાં 17 જાન્યુઆરી સુધી એટલે કે આજે રોકાણ કરી શકો છે. કંપની આ ઈસ્યુ દ્વારા રૂ. 1,171.58 કરોડ એકત્ર કરવા માગે છે.
આ IPO માટે, રિટેલ રોકાણકારે ઓછામાં ઓછા એક લોટ એટલે કે 35 શેર માટે અરજી કરવી પડશે. કંપનીએ IPO પ્રાઇસ બેન્ડ પ્રતિ શેર ₹397-₹418 નક્કી કર્યું છે.
જો તમે ₹418ના IPOના ઉપલા પ્રાઇસ બેન્ડ મુજબ 1 લોટ માટે અરજી કરો છો, તો તમારે ₹14,630નું રોકાણ કરવું પડશે. છૂટક રોકાણકારો વધુમાં વધુ 13 લોટ એટલે કે 455 શેર માટે બિડ કરી શકે છે, જેના માટે તેમણે ₹190,190નું રોકાણ કરવું પડશે.
ગઈકાલે બજારમાં ઘટાડો જોવા મળ્યો હતો
અગાઉ ગઈકાલે એટલે કે 16 જાન્યુઆરીએ શેરબજારમાં ઘટાડો જોવા મળ્યો હતો. સેન્સેક્સ 199 પોઈન્ટના ઘટાડા સાથે 73,128 પર બંધ રહ્યો હતો. આ સાથે જ નિફ્ટીમાં પણ 65 પોઈન્ટનો ઘટાડો થયો હતો. 22,031ના સ્તરે બંધ રહ્યો હતો. સેન્સેક્સના 30 શેરોમાંથી 19માં ઘટાડો અને 11માં વધારો જોવા મળ્યો હતો.
