મુંબઈ4 કલાક પેહલા
- કૉપી લિંક
શેરબજારમાં આજે મંગળવાર, 14 મેને ઉછાળો જોવા મળી રહ્યો છે. સેન્સેક્સ 200થી વધુ પોઈન્ટના વધારા સાથે 70,000ના સ્તર પર કારોબાર કરી રહ્યો છે. તે જ સમયે, નિફ્ટી પણ 50 પોઈન્ટથી વધુ ઉછળ્યો છે. તે 22,150ના સ્તર પર કારોબાર કરી રહ્યો છે.
સેન્સેક્સના 30 શેરોમાંથી 25માં વધારો અને 5માં ઘટાડો જોવા મળી રહ્યો છે. એનર્જી અને મેટલ શેર્સમાં ઉછાળો જોવા મળી રહ્યો છે. જ્યારે શ્રીરામ ફાઇનાન્સના શેરમાં આજે 4%થી વધુનો વધારો થયો છે.
સવારે 9:27 વાગ્યે શ્રીરામ ફાઇનાન્સના શેરની કિંમત.
ગો ડિજીટ જનરલ ઈન્સ્યોરન્સનો આઈપીઓ આવતીકાલથી ખુલશે
બેંગલુરુ સ્થિત ઈન્સ્યોરટેક સ્ટાર્ટ-અપ ગો ડિજીટ જનરલ ઈન્સ્યોરન્સની પ્રારંભિક જાહેર ઓફર (IPO) આવતીકાલે એટલે કે 15 મેથી જાહેર સબસ્ક્રિપ્શન માટે ખુલશે. રિટેલ રોકાણકારો આ IPO માટે 17 મે સુધી બિડ કરી શકશે. આ IPO માટે, રિટેલ રોકાણકારે ઓછામાં ઓછા એક લોટ એટલે કે 55 શેર માટે અરજી કરવી પડશે. કંપનીએ IPO પ્રાઇસ બેન્ડ પ્રતિ શેર ₹258-₹272 નક્કી કર્યું છે.
ગઈકાલે બજારમાં વધારો જોવા મળ્યો હતો
આ પહેલા ગઈકાલે એટલે કે સોમવાર, 13 મેના રોજ શેરબજારમાં ઉછાળો જોવા મળ્યો હતો. સેન્સેક્સ 111 પોઈન્ટના વધારા સાથે 72,776 પર બંધ રહ્યો હતો. નિફ્ટીમાં પણ 45 પોઈન્ટનો વધારો જોવા મળ્યો હતો. 22,104ની સપાટીએ બંધ રહ્યો હતો.
