મુંબઈ2 કલાક પેહલા
- કૉપી લિંક
શેરબજારમાં આજે એટલે કે 2જી એપ્રિલે ઘટાડો જોવા મળી રહ્યો છે. સેન્સેક્સ 100થી વધુ પોઈન્ટના ઘટાડા સાથે 73,850ના સ્તર પર કારોબાર કરી રહ્યો છે. તે જ સમયે, નિફ્ટીમાં 30 પોઈન્ટનો ઘટાડો જોવા મળી રહ્યો છે, તે 22,400 ના સ્તર પર કારોબાર કરી રહ્યો છે.
શરૂઆતના ટ્રેડિંગ દરમિયાન સેન્સેક્સના 30 શેરોમાંથી 21માં ઘટાડો અને 9માં વધારો જોવા મળ્યો હતો. આજે આઈટી અને બેન્કિંગ શેર્સમાં વધુ નબળાઈ જોવા મળી રહી છે. તે જ સમયે એનર્જી શેર્સમાં વધારો થઈ રહ્યો છે.
આવતીકાલથી ભારતી હેક્સાકોમ લિમિટેડના IPOમાં રોકાણ કરવાની તક
ભારતી એરટેલની પેટાકંપની ભારતી હેક્સાકોમ લિમિટેડની પ્રારંભિક જાહેર ઓફર (IPO) આવતીકાલે એટલે કે 3જી એપ્રિલથી જાહેર સબસ્ક્રિપ્શન માટે ખુલી રહી છે. રિટેલ રોકાણકારો આ IPO માટે 3 એપ્રિલથી 5 એપ્રિલ સુધી બિડ કરી શકશે. કંપનીના શેર 12 એપ્રિલે બોમ્બે સ્ટોક એક્સચેન્જ (BSE) અને નેશનલ સ્ટોક એક્સચેન્જ (NSE) પર લિસ્ટ થશે.
આ IPO માટે, છૂટક રોકાણકારે ઓછામાં ઓછા એક લોટ એટલે કે 26 શેર માટે અરજી કરવી પડશે. કંપનીએ IPO પ્રાઇસ બેન્ડ પ્રતિ શેર ₹542-₹570 નક્કી કર્યું છે. જો તમે ₹570ના IPOના ઉપલા પ્રાઇસ બેન્ડ મુજબ 1 લોટ માટે અરજી કરો છો, તો તમારે ₹14,820નું રોકાણ કરવું પડશે. છૂટક રોકાણકારો વધુમાં વધુ 13 લોટ એટલે કે 338 શેર માટે બિડ કરી શકે છે, જેના માટે તેમણે ₹192,660નું રોકાણ કરવું પડશે.
ગઈ કાલે બજારે સર્વકાલીન ઊંચાઈ બનાવી હતી
1 એપ્રિલે એટલે નાણાકીય વર્ષ 2024-25ના પ્રથમ દિવસે, શેરબજારે નવી ઓલ ટાઈમ હાઈ બનાવી છે. આજે ટ્રેડિંગ દરમિયાન સેન્સેક્સ 74,254ના સ્તરને સ્પર્શ્યો હતો અને નિફ્ટીએ 22,529ના સ્તરને સ્પર્શ કર્યો હતો. જોકે આ પછી બજાર થોડું નીચે આવ્યું અને સેન્સેક્સ 363 પોઈન્ટના વધારા સાથે 74,014 પર બંધ થયો. નિફ્ટીમાં પણ 135 પોઈન્ટનો ઉછાળો જોવા મળ્યો હતો, તે 22,462ના સ્તરે બંધ રહ્યો હતો.
