મુંબઈ19 મિનિટ પેહલા
- કૉપી લિંક
આજે એટલે કે 2 એપ્રિલના રોજ શેરબજારમાં તેજી જોવા મળી રહી છે. સેન્સેક્સ લગભગ 200 પોઈન્ટના વધારા સાથે 76,250ના સ્તરે ટ્રેડ કરી રહ્યો છે. તે જ સમયે નિફ્ટી પણ લગભગ 50 પોઈન્ટ ઉપર છે અને 23,200 ના સ્તરે ટ્રેડ કરી રહ્યો છે.
આજે, બેંકિંગ અને આઈટી શેરમાં વધારો જોવા મળી રહ્યો છે. બીજી તરફ, FMCG અને એનર્જી શેરો દબાણ હેઠળ કારોબાર કરી રહ્યા છે.
ગ્લોબલ માર્કેટમાં તેજી
- એશિયન બજારોમાં, જાપાનનો નિક્કી 0.04%, હોંગકોંગનો હેંગ સેંગ ઇન્ડેક્સ 0.17% અને ચીનનો શાંઘાઈ કમ્પોઝિટ 0.24% વધ્યો છે.
- 1 એપ્રિલના રોજ, અમેરિકાનો ડાઉ જોન્સ 0.028% ઘટીને 41,989 પર બંધ થયો. નાસ્ડેક કમ્પોઝિટ 0.87% વધ્યો જ્યારે S&P 500 ઇન્ડેક્સ 0.38% વધીને બંધ થયો.
- 1 એપ્રિલના રોજ વિદેશી રોકાણકારો (FII) એ 5,901 કરોડ રૂપિયાના શેર વેચ્યા હતા. તે જ સમયે, સ્થાનિક રોકાણકારો (DII) એ 4,322 કરોડ રૂપિયાના શેર ખરીદ્યા.
આનંદ રાઠી શેર-સ્ટોક બ્રોકર્સ લિમિટેડ ₹745 કરોડનો IPO લાવશે આનંદ રાઠી બ્રોકરેજ ગ્રુપની કંપની આનંદ રાઠી શેર એન્ડ સ્ટોક બ્રોકર્સ લિમિટેડ ટૂંક સમયમાં તેની પ્રારંભિક જાહેર ઓફર (IPO) લાવશે. કંપનીએ મંગળવારે સિક્યોરિટીઝ એક્સચેન્જ બોર્ડ ઓફ ઈન્ડિયા (SEBI) સમક્ષ IPO પેપર્સ ફરીથી ફાઇલ કર્યા છે. આ IPOનું ઇશ્યૂ કદ રૂ. 745 કરોડ છે.
ગઈકાલે બજાર 1390 પોઈન્ટ ઘટ્યું હતું ગઈકાલે એટલે કે 1 એપ્રિલે શેરબજારમાં ઘટાડો જોવા મળ્યો હતો. સેન્સેક્સ 1390 પોઈન્ટ (લગભગ 1.80%) ઘટીને 76,024 પર બંધ થયો. આ વર્ષનો બીજો સૌથી મોટો ઘટાડો છે. અગાઉ, 28 ફેબ્રુઆરીએ સેન્સેક્સ 1414 (1.90%) પોઈન્ટ ઘટ્યો હતો. નિફ્ટી પણ લગભગ 353 પોઈન્ટ (લગભગ 1.50%) ઘટીને 23,165 પર બંધ થયો હતો.
