નવી દિલ્હી43 મિનિટ પેહલા
- કૉપી લિંક
શેરબજારમાં આજે એટલે કે 28મી ફેબ્રુઆરીએ તેજી જોવા મળી રહી છે. સેન્સેક્સ 67 પોઈન્ટના વધારા સાથે 73,162 પર ખુલ્યો હતો. નિફ્ટીમાં પણ 16 પોઈન્ટનો વધારો જોવા મળી રહ્યો છે. તે 22,214ના સ્તરે ખુલ્યો હતો.
શરૂઆતના ટ્રેડિંગ દરમિયાન સેન્સેક્સના 30 શેરોમાંથી 19માં વધારો જોવા મળ્યો હતો અને 11માં ઘટાડો જોવા મળ્યો હતો. Paytmના શેરમાં આજે 2.68%નો ઘટાડો જોવા મળી રહ્યો છે.
સવારે 9:30 વાગ્યા સુધી પેટીએમના સ્ટોકની સ્થિતિ.
આજથી ભારત હાઇવેઝ InvIT ના IPO માં રોકાણ કરવાની તક
પ્રારંભિક જાહેર ઓફર એટલે કે ભારત હાઇવેઝ ઇન્ફ્રાસ્ટ્રક્ચર ઇન્વેસ્ટમેન્ટ ટ્રસ્ટ InvIT (Bharat Highways InvIT) નો IPO છૂટક રોકાણકારો માટે આજથી એટલે કે 28મી ફેબ્રુઆરીથી ખુલ્લી રહેશે. તમે આ માટે 1 માર્ચ સુધી બિડ કરી શકશો. 6 માર્ચે કંપનીના શેર નેશનલ સ્ટોક એક્સચેન્જ (NSE) અને બોમ્બે સ્ટોક એક્સચેન્જ (BSE) પર લિસ્ટ થશે.
Bharat Highways InvIT Limited એ આ ઇશ્યુની પ્રાઇસ બેન્ડ ₹98-₹100 નક્કી કરી છે. છૂટક રોકાણકારો ઓછામાં ઓછા એક લોટ એટલે કે 150 શેર માટે બિડ કરી શકે છે. જો તમે IPO ના અપર પ્રાઇસ બેન્ડ પર ₹ 100 પર 1 લોટ માટે અરજી કરો છો, તો તમારે ₹ 15,000 નું રોકાણ કરવું પડશે. તે જ સમયે, છૂટક રોકાણકારો મહત્તમ 13 લોટ એટલે કે 1950 શેર માટે અરજી કરી શકે છે. આ માટે રોકાણકારોએ અપર પ્રાઇસ બેન્ડ મુજબ ₹195,000 ખર્ચવા પડશે.
ગઈકાલે બજારમાં તેજી જોવા મળી હતી
અગાઉ ગઈકાલે એટલે કે 27મી ફેબ્રુઆરીએ શેરબજારમાં ઉછાળો જોવા મળ્યો હતો. સેન્સેક્સ 305 પોઈન્ટના વધારા સાથે 73,095 પર બંધ રહ્યો હતો. આ સાથે જ નિફ્ટીમાં પણ 76 પોઈન્ટનો વધારો થયો છે. 22,198ના સ્તરે બંધ રહ્યો હતો.
