મુંબઈ18 મિનિટ પેહલા
- કૉપી લિંક
આજે સપ્તાહના પ્રથમ ટ્રેડિંગ દિવસે એટલે કે 29 જુલાઈના રોજ બજાર ખુલતાની સાથે જ સેન્સેક્સે 81,749ની ઓલ ટાઇમ હાઈ બનાવી છે અને નિફ્ટીએ 24,980ની ઓલ ટાઇમ હાઈ બનાવી છે. હાલમાં સેન્સેક્સ 300 થી વધુ પોઈન્ટના ઊછાળા સાથે 81,650ના સ્તર પર ટ્રેડ કરી રહ્યો છે.
તે જ સમયે નિફ્ટી પણ 100થી વધુ પોઈન્ટ ઉછળીને 24,950ના સ્તર પર ટ્રેડ કરી રહ્યો છે. સેન્સેક્સના 30 શેરોમાંથી 24 વધી રહ્યા છે અને 6 ઘટી રહ્યા છે. નિફ્ટીના 50 શેરોમાંથી 48 વધી રહ્યા છે અને 2 ઘટી રહ્યા છે. બેન્કિંગ અને રિયલ્ટી શેરોમાં સૌથી વધુ ઉછાળો જોવા મળી રહ્યો છે.
ઓલા ઈલેક્ટ્રિક આઈપીઓ 2 ઓગસ્ટે ખુલશે
ઓલા ઇલેક્ટ્રિકની પ્રારંભિક જાહેર ઓફર એટલે કે IPO 2 ઓગસ્ટે ખુલશે. રોકાણકારો તેના માટે 6 ઓગસ્ટ સુધી બિડ કરી શકશે. કંપનીના શેર 9 ઓગસ્ટે બોમ્બે સ્ટોક એક્સચેન્જ (BSE) અને નેશનલ સ્ટોક એક્સચેન્જ (NSE) પર લિસ્ટ થશે. આ સાથે તે પ્રથમ લિસ્ટેડ ઇલેક્ટ્રિક ટુ-વ્હીલર કંપની બની જશે.
FII એ ₹2,546.38 કરોડ અને DII એ ₹2,774.31 કરોડ ખરીદ્યા
- ICICI બેંક, ઇન્ફોસિસ, સ્ટેટ બેંક ઓફ ઇન્ડિયા અને NTPC બજારને ઉપર લાવી રહ્યા છે. જ્યારે, ભારતી એરટેલ, ITC, ટાઇટન અને પાવર ગ્રિડ બજારને નીચે લાવી રહ્યા છે.
- એશિયાઈ બજારમાં આજે મિશ્રિત કારોબાર છે. જાપાનના નિક્કેઈમાં 1.99% અને હોંગકોંગના હૈંગસૈંગમાં 1.25% ની તેજી રહી. ત્યાં જ, ચીનના શંઘાઈ કમ્પોઝિટ 0.053% નો ઘટાડો છે.
- ફોરેન ઇન્સ્ટીટ્યૂશન ઇન્વેસ્ટર્સ (FIIs) એ 26 જુલાઈએ ₹2,546.38 કરોડના શેર ખરીદ્યા. આ દરમિયાન ડોમેસ્ટિક ઇન્સ્ટીટ્યૂશનલ ઇન્વેસ્ટર્સ (DII) એ પણ ₹2,774.31 કરોડના શેર ખરીદ્યા
- 26 જુલાઈના રોજ અમેરિકી બજારના ડાઓ જોન્સ 1.64% ચઢીને 40,589 પર બંધ થયો. NASDAQ 1.03% ની તેજી સાથે 17,357 ના સ્તરે બંધ થયો. S&P 500 માં 1.11%ની તેજી રહી.
શુક્રવારે બજારમાં તેજી જોવા મળી હતી
આ પહેલા શુક્રવાર એટલે કે 26મી જુલાઈએ શેરબજારમાં ઉછાળો જોવા મળ્યો હતો. નિફ્ટીએ 24,861ની ઓલ ટાઇમ હાઈ બનાવી અને 428 પોઈન્ટના વધારા સાથે 24,834 પર બંધ થયો. તે જ સમયે, સેન્સેક્સ 1292 પોઇન્ટના વધારા સાથે 81,332 ના સ્તરે બંધ થયો હતો.
સેન્સેક્સના 30 શેરોમાંથી 27માં ઉછાળો અને 3માં ઘટાડો જોવા મળ્યો હતો. નિફ્ટીના 50 શેરોમાંથી 47 વધી રહ્યા હતા અને 3 ઘટી રહ્યા હતા.
