IMFએ ભારતને ‘સ્ટાર પરફોર્મર’ ગણાવ્યું: કહ્યું- વૈશ્વિક વૃદ્ધિમાં દેશ 16 ટકાથી વધુ યોગદાન આપી શકે છે

ઇન્ટરનેશનલ મોનેટરી ફંડ એટલે કે IMFએ ભારતને ‘સ્ટાર પરફોર્મર’ ગણાવ્યું છે. IMFએ કહ્યું કે ભારત આ વર્ષે વૈશ્વિક વૃદ્ધિમાં 16 ટકાથી વધુ યોગદાન આપી શકે છે. ડિજિટલાઈઝેશન અને મૂળભૂત ઈન્ફ્રાસ્ટ્રક્ચર જેવા મુખ્ય ક્ષેત્રોમાં આર્થિક સુધારાને કારણે ભારતનો વિકાસ દર મજબૂત રહે છે.

IMFના આસિસ્ટન્ટ ડાયરેક્ટર નડા ચૌઈરીએ ન્યૂઝ એજન્સી પીટીઆઈને કહ્યું, ‘અમે કેટલાક સમયથી જોઈ રહ્યા છીએ કે ભારત ખૂબ જ મજબૂત દરે વિકાસ કરી રહ્યું છે. જ્યારે આપણે પીઅર દેશોને જોઈએ છીએ અને જ્યારે વાસ્તવિક વૃદ્ધિની વાત આવે છે ત્યારે તે સ્ટાર પર્ફોર્મર્સમાંના એક તરીકે દેખાય છે. આ સૌથી ઝડપથી વિકસતા મોટા બજારોમાંનું એક છે.

બે મહિના પહેલા, IMFએ નાણાકીય વર્ષ 2024 માં ભારતની GDP વૃદ્ધિ 6.3% રહેવાનો અંદાજ મૂક્યો હતો.

ભારત વૈશ્વિક વૃદ્ધિ મંદીનો સામનો કરી રહ્યું છે
સોમવારે ભારત સાથેના વાર્ષિક આર્ટિકલ-IV પરામર્શને બહાર પાડતા, IMFએ કહ્યું, ‘ભારત આ વર્ષે વિશ્વમાં સૌથી ઝડપથી વિકસતી મોટી અર્થવ્યવસ્થાઓમાંની એક બનવાના માર્ગ પર છે.’ જો કે, નડા ચૌઇરીએ કહ્યું કે ભારત વૈશ્વિક વૃદ્ધિ મંદી સહિત વૈશ્વિક પ્રતિકૂળતાઓનો સામનો કરી રહ્યું છે.

ભારતનું અર્થતંત્ર મજબૂત રીતે ઉભર્યું
IMFએ પોતાના રિપોર્ટમાં કહ્યું છે કે ભારતની અર્થવ્યવસ્થા કોરોના મહામારીમાંથી મજબૂત રીતે ઉભરી આવી છે. નાણાકીય વર્ષ 2022-23 દરમિયાન, ફુગાવો ઓછો થયો છે અને બજેટ ખાધમાં ઘટાડો થયો છે. જો કે, જાહેર દેવું વધુ રહે છે.