- Gujarati News
- Business
- The Price Of One Kg Reached 85,700 Rupees, Gold Again Crossed The Level Of 73 Thousand
નવી દિલ્હી7 મિનિટ પેહલા
- કૉપી લિંક
સોના અને ચાંદીમાં આજે એટલે કે 16મી મેના રોજ ઉછાળો જોવા મળ્યો છે. ઈન્ડિયા બુલિયન એન્ડ જ્વેલર્સ એસોસિએશન (IBJA)ની વેબસાઈટ અનુસાર, ટ્રેડિંગ દરમિયાન 10 ગ્રામ સોનું રૂ. 541 વધીને રૂ. 73,475 થયું હતું.
ચાંદીએ આજે તેની નવી ઓલટાઈમ હાઈ બનાવી છે. તે રૂ. 1,195 મોંઘી થઈ અને રૂ. 85,700 પ્રતિ કિલોએ ભાવ પહોંચ્યો. સોનાનો ઓલ ટઈમ હાઈ રૂ. 73,596 છે, જે તેણે ગયા મહિને 19 એપ્રિલે બનાવ્યો હતો.
સોનાનો ભાવ
- દિલ્હી: 10 ગ્રામ 22 કેરેટ સોનાની કિંમત 68,000 રૂપિયા અને 10 ગ્રામ 24 કેરેટ સોનાની કિંમત 74,170 રૂપિયા છે.
- મુંબઈ: 10 ગ્રામ 22 કેરેટ સોનાની કિંમત 67,850 રૂપિયા અને 10 ગ્રામ 24 કેરેટ સોનાની કિંમત 74,020 રૂપિયા છે.
- કોલકાતા: 22 કેરેટ સોનાના 10 ગ્રામની કિંમત 67,850 રૂપિયા અને 24 કેરેટ સોનાના 10 ગ્રામની કિંમત 74,020 રૂપિયા છે.
- ચેન્નાઈ: 10 ગ્રામ 22 કેરેટ સોનાની કિંમત 67,950 રૂપિયા અને 10 ગ્રામ 24 કેરેટ સોનાની કિંમત 74,130 રૂપિયા છે.
- ભોપાલ: 10 ગ્રામ 22 કેરેટ સોનાની કિંમત 67,900 રૂપિયા અને 10 ગ્રામ 24 કેરેટ સોનાની કિંમત 74,070 રૂપિયા છે.
આ વર્ષે સોના અને ચાંદીમાં જોરદાર ઉછાળો
IBJA અનુસાર, આ વર્ષે અત્યાર સુધીમાં સોનાની કિંમતમાં 10,123 રૂપિયાનો વધારો થયો છે. 1 જાન્યુઆરીએ સોનું 63,352 રૂપિયા હતું, જે હવે 73,475 રૂપિયા પ્રતિ 10 ગ્રામ પર પહોંચી ગયું છે. તે જ સમયે, એક કિલો ચાંદીની કિંમત 73,395 રૂપિયાથી વધીને 85,700 રૂપિયા થઈ ગઈ છે.
આ વર્ષે અત્યાર સુધી સોના-ચાંદીનો ટ્રેન્ડ
| તારીખ | સોનાની કિંમત | ચાંદીની કિંમત |
| 1 જાન્યુઆરી | 63,352 રૂપિયા પ્રતિ 10 ગ્રામ | 73,395 રૂપિયા પ્રતિ કિલોગ્રામ |
| 16મી મે | 73,475 રૂપિયા પ્રતિ 10 ગ્રામ | 85,700 રૂપિયા પ્રતિ કિલોગ્રામ |
આગામી એક વર્ષમાં સોનું 85 હજાર રૂપિયા સુધી પહોંચી શકે છે
એચડીએફસી સિક્યોરિટીઝના કોમોડિટી અને કરન્સી હેડ અનુજ ગુપ્તાના જણાવ્યા અનુસાર આગામી દિવસોમાં સોના અને ચાંદીમાં વધારો થઈ શકે છે. આગામી એક વર્ષમાં સોનાની કિંમત 80 હજારથી 85 હજાર રૂપિયા પ્રતિ 10 ગ્રામ થઈ શકે છે. જ્યારે ચાંદી પણ 1 લાખ રૂપિયા પ્રતિ કિલો સુધી પહોંચી શકે છે.
