મુંબઈ3 કલાક પેહલા
- કૉપી લિંક
શેરબજારમાં આજે એટલે કે ગુરુવારે (15 ફેબ્રુઆરી) એ ઉછાળો જોવા મળી રહ્યો છે. સેન્સેક્સ 239 પોઈન્ટના ઉછાળા સાથે 72,061 પર ખુલ્યો હતો. નિફ્ટીમાં પણ 66 પોઈન્ટનો ઉછાળો જોવા મળ્યો હતો, તે 21,906ના સ્તરે ખુલ્યો હતો.
શરૂઆતના ટ્રેડિંગ દરમિયાન સેન્સેક્સના 30 શેરોમાંથી 15માં વધારો અને 15માં ઘટાડો જોવા મળ્યો હતો. Paytmના શેરમાં 5%નો ઘટાડો જોવા મળી રહ્યો છે. Paytmની લોઅર સર્કિટ 10% થી ઘટાડીને 5% કરી દેવામાં આવી છે.
વિભોર સ્ટીલ ટ્યુબ્સ IPOમાં રોકાણ કરવાની છેલ્લી તક
વિભોર સ્ટીલ ટ્યુબ્સ IPOમાં રોકાણ કરવાની આજે છેલ્લી તક છે. આ IPO 13 ફેબ્રુઆરીએ ખોલવામાં આવ્યો હતો. તેની પ્રાઇસ બેન્ડ 141 રૂપિયાથી 151 રૂપિયા પ્રતિ શેર નક્કી કરવામાં આવી છે. આ ઈસ્યુની સાઈઝ 72.17 કરોડ રૂપિયા છે.
આ IPOની લોટ સાઈઝ 99 શેર છે. એક લોટ માટે બિડ કરવા માટે તમારે ઓછામાં ઓછા 14,949 રૂપિયાનું રોકાણ કરવું પડશે. આ શેરનું લિસ્ટિંગ NSE અને BSE પર 20 ફેબ્રુઆરી, 2024ના રોજ થશે.
ગઈકાલે બજારમાં તેજી જોવા મળી હતી
આ પહેલા ગઈકાલે એટલે કે બુધવાર 14 ફેબ્રુઆરીએ શેરબજારમાં ઉછાળો જોવા મળ્યો હતો. સેન્સેક્સ 267 પોઈન્ટના વધારા સાથે 71,822 પર બંધ રહ્યો હતો. નિફ્ટીમાં પણ 96 પોઈન્ટનો ઉછાળો જોવા મળ્યો હતો, તે 21,840 ના સ્તર પર બંધ થયો હતો. ગઈકાલે પેટીએમના શેરમાં 10%નો ઘટાડો થયો હતો.
