Related posts
અંકારા22 મિનિટ પેહલા
- કૉપી લિંક
તુર્કીમાં ચાલી રહેલા વિરોધ પ્રદર્શનોને કારણે બુધવારે ચલણ લીરા 1 ડોલર સામે 42ના રેકોર્ડ નીચલા સ્તરે પહોંચી ગયું. જોકે, પછીથી તેણે દિવસના મોટાભાગના નુકસાનની ભરપાઈ કરી લીધી. લીરા 2.6% ઘટીને 37.665 પ્રતિ ડોલર પર બંધ થયો.
આના કારણે બોન્ડ અને શેરબજારમાં પણ ઘટાડો થયો છે. બેન્ચમાર્ક સ્ટોક ઇન્ડેક્સ (XU100) લગભગ 9% ઘટ્યો. આ ચાર વર્ષમાં સૌથી મોટો ઘટાડો છે.
બુધવારે, લીરા 42થી 1 ડોલરના રેકોર્ડ નીચા સ્તરે પહોંચી ગયો. જોકે, હવે તેમાં થોડી રિકવરી આવી છે અને તે 38 રૂપિયાની આસપાસ ટ્રેડ કરી રહ્યો છે.
ઇસ્તંબુલના મેયરની અટકાયત બાદ વિરોધ પ્રદર્શન તુર્કીના અધિકારીઓએ 19 માર્ચે રાષ્ટ્રપતિ રેસેપ તૈયપ એર્દોગનના મુખ્ય રાજકીય હરીફ અને ઇસ્તંબુલના મેયર એકરેમ ઇમામોગ્લુની અટકાયત કરી હતી. ભ્રષ્ટાચાર અને આતંકવાદી જૂથને મદદ કરવા સહિતના અનેક આરોપોમાં તેમની અટકાયત કરવામાં આવી છે.
મુખ્ય વિપક્ષી પક્ષ- રિપબ્લિકન પીપલ્સ પાર્ટી (CHP) દ્વારા આ કાર્યવાહીને ‘અમારા આગામી રાષ્ટ્રપતિ સામે બળવો’ તરીકે વર્ણવવામાં આવી હતી.
ઇસ્તંબુલ મ્યુનિસિપાલિટી હેડક્વાર્ટરની સામે મેયર એકરેમ ઇમામોગ્લુના સમર્થકોએ સૂત્રોચ્ચાર કર્યા.
ઇમામોગ્લુ સામે બે આરોપો, આ માટે તપાસ પણ શરૂ કરવામાં આવી…
- નગરપાલિકા દ્વારા બહાર પાડવામાં આવેલા કેટલાક ટેન્ડરોમાં પત્રકારો અને ઉદ્યોગપતિઓ સહિત કુલ 100 લોકો ગુનાહિત પ્રવૃત્તિઓમાં સંડોવાયેલા હોવાની શંકા છે.
- ઇમામોગ્લુ અને અન્ય છ લોકો પર કુર્દિસ્તાન વર્કર્સ પાર્ટી (PKK)ને મદદ કરવાનો આરોપ છે. તુર્કી તેને આતંકવાદી સંગઠન માને છે.
તે જ સમયે, તુર્કી સરકારે વિપક્ષના તમામ આરોપોને સંપૂર્ણપણે નકારી કાઢ્યા અને કહ્યું કે દેશનું ન્યાયતંત્ર સ્વતંત્ર છે.
ઇમામોગ્લુ એક લોકપ્રિય અને પ્રભાવશાળી નેતા ઇમામોગ્લુ CHPના લોકપ્રિય અને પ્રભાવશાળી નેતા છે. થોડા દિવસો પછી પાર્ટી તેમને 2028ની રાષ્ટ્રપતિની ચૂંટણી માટે પાર્ટીના સત્તાવાર ઉમેદવાર તરીકે જાહેર કરવા જઈ રહી હતી. ઇમામોગ્લુની અટકાયત દેશભરમાં વિપક્ષી નેતાઓ પર મહિનાઓથી ચાલી રહેલા કાનૂની કાર્યવાહીમાં નવીનતમ ઘટના છે.
ટીકાકારો કહે છે કે આ નેતાઓના ચૂંટણી ભવિષ્યને નુકસાન પહોંચાડવા માટે કરવામાં આવી રહ્યું છે. એર્દોગન છેલ્લા 22 વર્ષથી તુર્કીમાં સત્તામાં છે.
