8 મિનિટ પેહલા
- કૉપી લિંક
90ના દાયકાની બોલિવૂડની લોકપ્રિય અભિનેત્રીઓમાંની એક મીનાક્ષી શેષાદ્રીએ ઘણી સુપરહિટ ફિલ્મોમાં કામ કર્યું છે. આમાંથી એક ફિલ્મ ‘દામિની’ હતી જેમાં તેના કામના ખૂબ વખાણ થયા હતા. ‘દામિની’ના નિર્માણ દરમિયાન મીનાક્ષીએ ફિલ્મના નિર્દેશક રાજકુમાર સંતોષીના લગ્નના પ્રસ્તાવને ફગાવી દીધો હતો, જેના કારણે તેને ફિલ્મમાંથી બહાર પણ કરી દેવામાં આવી હતી. મીનાક્ષીએ એક ઇન્ટરવ્યુ દરમિયાન આ વિશે વાત કરી છે.
કહેવાય છે કે તે સમયે ફિલ્મમેકર રાજકુમાર સંતોષી પોતાની મોટાભાગની ફિલ્મોમાં મીનાક્ષીને હીરોઈન તરીકે કાસ્ટ કરતા હતા.
ઝૂમને આપેલા એક ઇન્ટરવ્યુમાં તેણે કહ્યું, ‘મને ફિલ્મમાં કાસ્ટ કરવામાં આવી હતી અને મેં ‘દામિની’ માટે શૂટિંગ શરૂ કર્યું હતું પરંતુ પછી સમસ્યાઓ ઊભી થઈ હતી. મને ફિલ્મ છોડવાનું કહેવામાં આવ્યું. મારી ભૂમિકા અન્ય અભિનેત્રીઓને ઓફર કરવામાં આવી હતી પરંતુ તેઓએ ફિલ્મમાં કામ કરવાની ના પાડી દીધી હતી અને ફિલ્મ નિર્માતાને કહ્યું હતું કે, ‘અમે તેમની જગ્યાએ આ રોલ સ્વીકારીએ તો તે ખોટું હશે. અમે તે કરી શકતા નથી. મને યાદ છે કે આ અભિનેત્રીઓમાં માધુરીનું નામ હતું, બાકીના નામ યાદ નથી.
હવે મીનાક્ષી ટેક્સાસમાં ડાન્સ ક્લાસ ચલાવે છે.
સંતોષીના પ્રસ્તાવ પર મીનાક્ષીએ વાત કરી
મીનાક્ષીએ આગળ રાજકુમાર સંતોષીના લગ્નના પ્રસ્તાવ વિશે વાત કરતા કહ્યું, ‘સંતોષજી અને મેં નક્કી કર્યું હતું કે અમે આ વિશે વાત નહીં કરીએ. આ બધી બાબતો મેં મૌન રહીને સંભાળી હતી કારણ કે બોલવાથી મારી ગરિમા પર સવાલો ઉભા થતા, મીનાક્ષીએ વધુમાં કહ્યું, ‘મને લાગ્યું કે ‘દામિની’ એક મોટી ફિલ્મ છે અને હું તેની સાથે સંકળાયેલા દરેકને સન્માન આપું છું, ખાસ કરીને રાજકુમાર સંતોષીનું કારણ કે તેનું વિઝન ઉત્તમ હતું. જ્યારે મને ફિલ્મમાંથી અધવચ્ચે બહાર ફેંકી દેવામાં આવી ત્યારે પ્રોડ્યુસર્સ ગિલ્ડ અને આર્ટિસ્ટ ગિલ્ડ એકસાથે ઊભા હતા અને આ રીતે ફિલ્મનું શૂટિંગ પૂર્ણ થયું હતું.
‘ઘાતક’ છેલ્લી ફિલ્મ હતી
મીનાક્ષી છેલ્લે 1996માં આવેલી ફિલ્મ ‘ઘાતક’માં જોવા મળી હતી. ત્યારથી, ન તો તેની કોઈ ફિલ્મ આવી અને ન તો તે બોલિવૂડની કોઈ પાર્ટી કે ફંક્શનમાં જોવા મળી. અભિનેત્રી હોવા ઉપરાંત, એક ઉત્તમ ક્લાસિકલ ડાન્સર મીનાક્ષીએ લગભગ દરેક મોટા નિર્માતા-નિર્દેશક સાથે કામ કર્યું હતું. અમિતાભ બચ્ચન, વિનોદ ખન્ના, ઋષિ કપૂર, અનિલ કપૂર જેવા મોટા ફિલ્મ સ્ટાર્સ તેમના હીરો હતા. દામિની ઉપરાંત ‘હીરો’ અને ‘ઘાતક’ તેમની હિટ ફિલ્મો હતી.
પતિ હરીશ મૈસૂર અને બાળકો સાથે મીનાક્ષી.
એક બેંકર સાથે લગ્ન કર્યા
બોલિવૂડને અલવિદા કર્યા પછી મીનાક્ષીએ હરીશ મૈસૂર નામના બેંકર સાથે લગ્ન કર્યા. આ લગ્ન ન્યુયોર્કમાં નોંધાયા હતા. લગ્ન બાદ બંને પોતાના આખા પરિવાર સાથે ટેક્સાસમાં રહે છે. મીનાક્ષી અને હરીશને બે બાળકો છે, એકનું નામ કેન્દ્ર અને બીજાનું નામ જોશ.
