2 કલાક પેહલા
- કૉપી લિંક
‘બિગ બોસ-17’ના ફીનાલેને હવે ગણતરીના દિવસો જ બાકી છે, ત્યારે આ વચ્ચે શો અંગે એક મોટું અપડેટ આવ્યું છે. ‘બિગ બોસ’નો ગ્રાન્ડ ફિનાલે 28 જાન્યુઆરીએ છે. અત્યાર સુધી ફિનાલે લગભગ 1-2 કલાકનું જ હોય છે. પરંતુ આ વખતે ગ્રાન્ડ ફિનાલે 1..2 કલાકની નહીં, પરંતુ 6 કલાકનું હશે. ગ્રાન્ડ ફિનાલેનો સમય સાંજે 6 વાગ્યાથી મધરાત 12 સુધીનો છે.
એક રિપોર્ટ અનુસાર, રોહિત શેટ્ટી ફિનાલે પહેલાં ટોપ 5 સ્પર્ધકોની ટેસ્ટ લેવા માટે શોમાં જોવા મળશે. લોકોનું કહેવું છે કે સ્પર્ધકોની તાકાત જોયા બાદ રોહિત તેમાંથી કેટલાકને તેના શો ‘ખતરો કે ખિલાડી’ માટે પસંદ કરશે.
ફિનાલેને હવે ગણતરીના દિવસો જ બાકી છે
ફિનાલેમાં માત્ર 4 દિવસ બાકી છે. ટોપ 5 સ્પર્ધકોમાં મુનાવ્વર ફારૂકી, અભિષેક કુમાર, મન્નારા ચોપરા, અંકિતા લોખંડે અને અરુણ માશેટ્ટીનો સમાવેશ થાય છે. ‘બિગ બોસ’ની ટ્રોફી આ પૈકી એક સ્પર્ધકના નામે હશે. અગાઉ ગ્રાન્ડ ફિનાલેનો સમય વધારવાને લઈને ઘણી અડચણો હતી. પરંતુ હવે આ સમાચારને સમર્થન મળ્યું છે કે ફિનાલે 6 કલાકનો થવાનો છે. નિર્માતાઓએ બિગ બોસનો પ્રોમો રિલીઝ કર્યો છે. ભારતી સિંહ, હર્ષ લિમ્બાચિયા અને ઈન્ટરનેટ સેન્સેશન ઓરી પ્રોમોમાં સમય જણાવતા જોવા મળે છે.
બિગ બોસ વિજેતાને કેટલી ઈનામી રકમ મળશે? ટેલી ટક્કરના અહેવાલ મુજબ, શોના વિજેતાને 30 લાખથી 40 લાખ રૂપિયા સુધીની ઈનામી રકમ મળશે. પરંતુ હજુ સુધી આ વાતની પુષ્ટિ થઈ નથી. નિર્માતા અંતિમ દિવસે જ ઈનામની રકમ જાહેર કરશે.
વોટિંગની રેસમાં કોણ આગળ છે..
બિગ બોસ ટ્રોફી કોના નામે થશે? આ કહેવું ઘણું મુશ્કેલ છે. પરંતુ વોટિંગની રેસમાં કોણ સૌથી આગળ છે? અમે આ વિશે વાત કરી શકીએ છીએ. પબ્લિક વોટિંગની વાત કરીએ તો ટોપ પર મુનાવ્વર ફારુકી, છે બાદમાં અંકિતા લોખંડે, અભિષેક કુમાર, મન્નારા ચોપરા અને પછી અરુણ માશેટ્ટી છે.
