24 મિનિટ પેહલા
- કૉપી લિંક
તાજેતરમાં જ આમિર ખાન અને અજય દેવગન આગામી ફિલ્મ ‘તેરા યાર હૂં મેં’ના મુહૂર્તમાં ક્લેપ માટે પહોંચ્યા હતા. આમિર અને અજય 1997માં રિલીઝ થયેલી સુપરહિટ ફિલ્મ ‘ઈશ્ક’માં સાથે જોવા મળ્યા હતા. ઈવેન્ટ દરમિયાન, અજય-આમિરે ઈશ્ક ફિલ્મના સેટ પરથી એક રમૂજી ઘટના શેર કરી, જ્યારે એક ચિમ્પાન્ઝીએ તેમના પર હુમલો કર્યો.
મુહૂર્ત દરમિયાન આમિરે અજયને કહ્યું, તને યાદ છે કે તેં મને ચિમ્પાન્ઝીથી બચાવ્યો હતો. ત્યાં એક સીક્વેંસ હતી જ્યાં એક ચિમ્પાન્ઝીએ મારા પર હુમલો કર્યો. આના પર અજયે તેને અટકાવ્યો અને કહ્યું, આમીરને મજા આવી રહી હતી. જ્યારે આમિરે આનો વિરોધ કર્યો તો અજયે કહ્યું, તેના પર સ્પ્રે કોણ છાંટી રહ્યું હતું? ત્યાર બાદ તે છોકરીઓની જેમ બચાવો-બચાવો બૂમો પાડી રહ્યો હતો.
વધુમાં, આમિરે કહ્યું છે કે, ચિમ્પાન્ઝીના હુમલા બાદ અજય દેવગને મને બચાવ્યો હતો.
અજય દેવગન ફરીવાર આમિર ખાન સાથે કામ કરવા માંગે છે ઈવેન્ટમાં આમિરે કહ્યું, હું અજયને મળીને ખૂબ જ ખુશ છું. અમે બહુ મળતા નથી, પરંતુ જ્યારે પણ અમે મળીએ છીએ, અમે ખૂબ જ પ્રેમ અને કેર સાથે મળીએ છીએ. મને અજય બહુ ગમે છે. આ અંગે અજયે કહ્યું કે, હું માત્ર એટલું જ કહી રહ્યો હતો કે અમે ફિલ્મ ‘ઈશ્ક’ના સેટ પર ખૂબ જ મસ્તી કરી હતી. આપણે ફરીવાર સાથે કામ કરવું જોઈએ.
આમિર ખાન અને અજય દેવગન 1997માં આવેલી કોમેડી રોમાન્સ ફિલ્મ ‘ઈશ્ક’માં સાથે જોવા મળ્યા હતા. આ ફિલ્મમાં જૂહી ચાવલા અને કાજોલ પણ મહત્વના રોલમાં હતા. આ ફિલ્મની એક સિક્વન્સ ચિમ્પાન્ઝી સાથે શૂટ કરવામાં આવી હતી. કોમેડી સીન મુજબ અજય દેવગન અને આમિરની કારની બ્રેક ફેઈલ થઈ જાય છે. આ સમય દરમિયાન, એક ચિમ્પાન્ઝી અકસ્માતમાં તેમની કાર પર ચડી જાય છે. અજય કાર ચલાવી રહ્યો હતો, જ્યારે ચિમ્પાન્ઝી આગળની સીટ પર અને આમિર પાછળની સીટ પર હતો.
