10 કલાક પેહલાલેખક: તસ્વીર તિવારી
- કૉપી લિંક
રવિના ટંડન સ્ટારર ફિલ્મ ‘પટના શુક્લા’ હાલમાં OTT પર રિલીઝ થઈ છે. ફિલ્મમાં રવિનાના પતિનો રોલ એક્ટર માનવ વિજે નિભાવ્યો છે. માનવે દિવ્ય ભાસ્કર સાથે વાત કરતાં કહ્યું કે ‘તેમણે ક્યારેય એક્ટર બનવાનું વિચાર્યું ન હતું. તેમની માતા ઈચ્છતી હતી કે તે ડોક્ટર બને. માનવે તેમની માતાનું સપનું પૂરું કર્યું. પરંતુ ડોક્ટર બન્યા પછી પણ તેને સંતોષ થયો ન હતો. તેમણે જીવનમાં કંઈક બીજું કરવાનું હતું. ઇન્ટરવ્યૂ દરમિયાન તેમણે જણાવ્યું કે શરૂઆતમાં તે ‘પટના શુક્લા’માં પોતાના રોલ અંગે થોડો નર્વસ હતો.’
માનવને એક્ટર બનવાની પ્રેરણા તેની પત્ની મહેર વિજ પાસેથી મળી હતી. મહેર એક જાણીતી ટીવી એક્ટ્રેસ છે. પરંતુ ટીવી સિવાય મહેરે ‘ધ પાઈડ પાઇપર’, ‘બજરંગી ભાઈજાન’, ‘સિક્રેટ સુપરસ્ટાર’, ‘ભૂત પાર્ટ 1’ જેવી ફિલ્મોમાં પણ કામ કર્યું છે. માનવ કહે છે કે સંગતની પણ આપણા પણ ઊંડી અસર પડે છે. માનવ સાથે પણ કંઈક આવું જ બન્યું હતું. મહેર સાથે રહેતાં તેમને એક્ટિંગમાં રસ પડવા લાગ્યો હતો.
માનવ તેની સફળતાનો શ્રેય તેની પત્ની મહેરને આપે છે. તેમણે કહ્યું- આ મારું સૌભાગ્ય છે કે મારી પ્રેરણા મારા ઘરમાં જ છે.
મહેર અને માનવ વિજે 2009માં લગ્ન કર્યા
માનવ શરૂઆતમાં ‘પટના શુક્લા’માં રોલ અંગે થોડો નર્વસ હતો. ખરેખર, તેને ડર હતો કે તે તેનું પાત્ર યોગ્ય રીતે ભજવી શકશે કે નહીં. તે નહોતો ઈચ્છતો કે તેના કારણે ફિલ્મ બગડે. પરંતુ તેમણે સ્ક્રિપ્ટને યોગ્ય રીતે વાંચીને અને સમજીને તેના પાત્ર પર સખત મહેનત કરી. તેમણે કહ્યું કે કોઈપણ પાત્રને યોગ્ય રીતે ભજવવા માટે તે પાત્રને અપનાવવું જરૂરી છે.
માનવ વિજ કોમેડી ફિલ્મોમાં કામ કરવા ઉત્સુક
માનવને પૂછવામાં આવ્યું કે દર્શક તરીકે તમને કઈ પ્રકારની ફિલ્મો જોવી ગમે છે? આ પર માનવે કહ્યું કે તેને ડ્રામા આધારિત ફિલ્મો જોવી ગમે છે. તેને એક્ટર તરીકે તેની પસંદગી વિશે પણ પૂછવામાં આવ્યું હતું. તેના જવાબમાં તેણે કહ્યું- મને કોમેડી ફિલ્મો કરવી ખૂબ ગમે છે. પરંતુ મારા લુકના આધારે મને મોટાભાગે નેગેટિવ અને ગંભીર પાત્રો કરવા મળે છે.
જ્યારે માનવને તેના ડ્રીમ રોલ વિશે પૂછવામાં આવ્યું હતું, આ સવાલના જવાબમાં કહ્યું કે તેની પાસે એક પણ ડ્રીમ રોલ નથી. તેઓ માત્ર કામ કરતા રહેવા માગે છે.
કયા એક્ટર સાથે કામ કરવાનો શ્રેષ્ઠ અનુભવ હતો?
માનવ કહે છે કે અભિનેતા સંજય મિશ્રા સાથે કામ કરવાનો અનુભવ શ્બેસ્ટ રહ્યો છે. તેઓ એક એવા એક્ટર છે જેની સાથે દરેક વ્યક્તિ કામ કરવા માગે છે. ‘પટના શુક્લા’માં રવિના સાથે કામ કરવાનો અનુભવ ખૂબ જ અદ્ભુત હતો. તે આમિર ખાન, દિલજીત દોસાંજઅને સૈફ અલી ખાન પણ ખુબ જ ગમે છે. સૈફ સાથે કામ કરવાના અનુભવ વિશે વાત કરતાં તેણે કહ્યું કે તે સેટ પર ખૂબ જ રમુજી વાતાવરણ જાળવી રાખે છે.
માનવનો જન્મ 2 જાન્યુઆરી 1977ના રોજ પંજાબના ફિરોઝપુરમાં થયો હતો. ટીવીથી પોતાના કરિયરની શરૂઆત કરનાર આ એક્ટરને ફિલ્મ ‘સમ્રાટ પૃથ્વીરાજ’માં મોહમ્મદ ઘોરીના રોલથી ઓળખ મળી હતી. માનવ વિજે લુધિયાણાની મેડિકલ કોલેજમાંથી હોમિયોપેથીમાં ડિગ્રી લીધી છે, પરંતુ તેમણે મેડિકલનો વ્યવસાય છોડીને એક્ટિંગને પ્રાથમિકતા આપી. માનવની પહેલી ફિલ્મ ‘શહીદ-એ-આઝમ’ હતી, જેમાં તેણે ક્રાંતિકારી સુખદેવની ભૂમિકા ભજવી હતી. તેણે પ્રખ્યાત ટીવી શો ‘ક્યૂંકી સાસ ભી કભી બહુ થી’માં પણ કામ કર્યું હતું.
