32 મિનિટ પેહલા
- કૉપી લિંક
રોહિત શેટ્ટી છેલ્લા ઘણા દિવસોથી જમ્મુ અને કાશ્મીરમાં તેની કોપ યૂનિવર્સની આગામી ફિલ્મ સિંઘમ અગેઈનનું શૂટિંગ કરી રહ્યો છે. શૂટિંગ દરમિયાન રોહિત શેટ્ટી અને અજય દેવગન જમ્મુ અને કાશ્મીરમાં તૈનાત SSB (સશસ્ત્ર સીમાસુરક્ષા દળ )ના જવાનોને મળ્યા હતા. આ મુલાકાતની કેટલીક તસવીરો પણ સામે આવી છે.
રોહિત શેટ્ટી અને અજય દેવગનની તસવીરો SSBના ઓફિશિયલ X એકાઉન્ટ (અગાઉ ટ્વિટર) પર રિલીઝ કરવામાં આવી છે. તસવીરો અને વીડિયો સાથે લખવામાં આવ્યું છે, જાણીતા ફિલ્મ સ્ટાર અજય દેવગન અને દિગ્દર્શક રોહિત શેટ્ટીએ તેમની ફિલ્મના શૂટિંગ દરમિયાન ડિગ્નિબલમાં SSB જવાનો સાથે સમય વિતાવ્યો.
સામે આવેલી તસવીરોમાં અજય દેવગન ‘બાજીરાવ સિંઘમ’ના અવતારમાં જોવા મળી રહ્યો છે. તેણે સેનાની વચ્ચે તસવીર ક્લિક કરાવી હતી.
જેકી શ્રોફે પણ જમ્મુ-કાશ્મીર સરકારની પ્રશંસા કરી હતી
તાજેતરમાં જ જેકી શ્રોફે શૂટિંગમાં સહકાર અને આતિથ્ય માટે જમ્મુ-કાશ્મીર સરકારનો આભાર માન્યો હતો. તેમણે કહ્યું હતું કે, ‘અહીંના લોકો ખૂબ જ મદદગાર અને દયાળુ છે. અહીંનું વહીવટીતંત્ર ખૂબ જ સહયોગી છે. આ જગ્યા જેટલી સુંદર છે, અહીના લોકો પણ એટલા જ સુંદર છે. આટલા બધા પર્યટકોને જોઈને આનંદ થયો, બધાએ એન્જોય કર્યું, અહીંના લોકોએ પણ ખૂબ આનંદ લીધો. અમે સૌથી વધુ આનંદ માણ્યો.’
અર્જુન કપૂરે થોડા દિવસો પહેલા જ તેના ભાગનું શૂટિંગ પૂરું કર્યું છે
સિંઘમમાં અર્જુન કપૂર ફરીથી વિલન બનવા જઈ રહ્યો છે. તેણે એક અઠવાડિયા પહેલા જ તેના ભાગનું શૂટિંગ પૂર્ણ કર્યું છે. શૂટિંગ પૂરું થયા બાદ અર્જુને એક પોસ્ટ શેર કરીને આ માહિતી આપી હતી.
નોંધનીય છે કે, સિંઘમ અગેઈન રોહિત શેટ્ટીની કોપ યૂનિવર્સની પાંચમી ફિલ્મ બનવા જઈ રહી છે. આ પહેલા સિંઘમ, સિંઘમ રિટર્ન્સ, સિમ્બા, સૂર્યવંશી રિલીઝ થઈ ચૂકી છે. આ ફિલ્મમાં, રોહિત શેટ્ટી તેના કોપ યૂનિવર્સના તમામ હીરોને એકસાથે લાવી રહ્યો છે. અજય દેવગન, અક્ષય કુમાર, રણવીર સિંહ, દીપિકા પાદુકોણ, અર્જુન કપૂર, કરીના કપૂર, ટાઈગર શ્રોફ જેવા ઘણા કલાકારો ફિલ્મના સ્ટારકાસ્ટિંગમાં સામેલ થયા છે.
