12 મિનિટ પેહલા
- કૉપી લિંક
સદીના શહેનશાહ અમિતાભ બચ્ચને ‘કૌન બનેગા કરોડપતિ’માં તેમની ફિલ્મ દિવારનો એક ટુચકો શેર કર્યો. તેમણે કહ્યું કે આ ફિલ્મના એક સીનના કારણે તેઓ હેરાન-પરેશાન થઇ ગયા હતા. અસલીમાં ‘દિવાર’માં એક સીન હતો જેમાં તેમણે પહેલીવાર મંદિરમાં જઈને માતા માટે પ્રાર્થના કરવી પડી હતી. તેમણે કહ્યું- આ સીન મારા માટે ખૂબ જ મુશ્કેલ હતો. હું મારા મેકઅપ અને ગેટઅપ સાથે વહેલી સવારે તૈયાર થઈ ગયો, પરંતુ હું સેટ પર ગયો નહીં.
અમિતાભ બચ્ચને વધુમાં જણાવ્યું કે જ્યારે યશ ચોપરા તેમની પાસે સીન તૈયાર હોવાનું કહેવા આવ્યા ત્યારે અમિતાભ પોતાના રૂમમાંથી બહાર પણ ન આવ્યા. બિગ બીએ કહ્યું- અમે સવારે 7 વાગ્યે શૂટિંગ શરૂ કર્યું અને હું રાત્રે 10 વાગ્યા સુધી મારા રૂમમાં બેઠો રહ્યો. લગભગ 15 કલાક સુધી પોતાની જાતને રૂમમાં બંધ કરી દીધી હતી.
અમિતાભ બચ્ચને પોતાને પોતાના રૂમમાં કેમ બંધ કરી દીધા?
આ ઘટનાને સંભળાવતા અમિતાભ બચ્ચને કહ્યું- હું રૂમની બહાર પણ નહોતું નીકળ્યો, હું માત્ર વિચારી રહ્યો હતો કે આ સીન કેવી રીતે શૂટ થશે. આ વિશે વિચારવામાં ઘણો સમય લીધો અને પોતાની જાતને રૂમમાં બંધ કરી દીધી. આ સીનમાં વિજય ભગવાનમાં માનતો નથી પરંતુ તેમ છતાં તેઓ તેમની માતાના જીવન માટે ભગવાનના દ્વારે જાય છે. બિગ બીએ કહ્યું- આ સ્ક્રિપ્ટ લખનાર લેખકને હું સલામ કરીશ. ફિલ્મનો આ ડાયલોગ ખૂબ જ ફેમસ થયો હતો. ફિલ્મ દિવાર 1975માં સિનેમાઘરોમાં રિલીઝ થઈ હતી.
જો કે અમિતાભે પોતાની કરિયરમાં એવા ઘણા યાદગાર પાત્રો ભજવ્યા છે જેને લોકો ભાગ્યે જ ભૂલી શકે. પરંતુ લોકોને તેનું પાત્ર ખૂબ પસંદ આવ્યું.
દિવાર ફિલ્મના ફેમસ ડાયલોગ્સ
ફિલ્મ ‘દિવાર’ના ડાયલોગ આજે પણ લોકોને યાદ છે. આ ફિલ્મના કેટલાક ડાયલોગ ખૂબ ફેમસ થયા હતા.
- મેરે પાસ મા હૈ
- મેરા બાપ ચોર હૈ
- મૈં આજ ભી ફેંકા હુઆ પૈસા નહીં ઉઠાતા
- આજ તો ખુશ બહુત હોંગે તુમ
આ એવા કેટલાક ડાયલોગ્સ હતા જેના કારણે લોકો આજે પણ આ ફિલ્મને યાદ કરે છે.
આ ફિલ્મ 100 અઠવાડિયા સુધી સિનેમાઘરોમાં ચાલી
યશ ચોપરાના નિર્દેશનમાં બનેલી આ ફિલ્મે તે સમયે ધૂમ મચાવી હતી. ફિલ્મની વાર્તા સલીમ-જાવેદે લખી હતી. તે સમયે દિવાર 100 અઠવાડિયા સુધી સિનેમાઘરોમાં ચાલી હતી. આ ફિલ્મે બોક્સ ઓફિસ પર 7.5 કરોડ રૂપિયાની કમાણી કરી હતી. ફિલ્મના બાકીના કલાકારોની વાત કરીએ તો આ ફિલ્મમાં અમિતાભ બચ્ચન સિવાય શશી કપૂર, નીતુ સિંહ, પરવીન બાબી, ઈફ્તિખાર, મદન પુરી અને નિરુપા રોય જેવા કલાકારો પણ જોવા મળ્યા હતા.
