38 મિનિટ પેહલા
- કૉપી લિંક
ફિલ્મ ‘કલ્કી 2898 AD’ના સુપરસ્ટાર અમિતાભ બચ્ચનનું ફર્સ્ટ લૂક ટીઝર રિલીઝ કરવામાં આવ્યું છે. 1 મિનિટના આ ટીઝરમાં અમિતાભ ગુરુ દ્રોણાચાર્યના પુત્ર અશ્વત્થામાના રોલમાં જોવા મળે છે.
અશ્વત્થામાના લૂકમાં અમિતાભ બચ્ચન
ટીઝરમાં અમિતાભ એક બાળક સાથે વાત કરતા જોવા મળે છે
‘હું ગુરુ દ્રોણનો પુત્ર અશ્વત્થામા છું’
ટીઝરમાં અમિતાભ એક નાના બાળક સાથે વાત કરતા જોવા મળે છે, જે તેમને પૂછે છે કે તેઓ કોણ છે? આ બાળક ભગવાન શિવની પૂજા કરી રહેલા અમિતાભ પાસે આવે છે અને પોતાનો પરિચય આપે છે.
તે કહે છે કે હું રાય છું. તમે કોણ છો? શું આ મંદિર છે? તમે ભગવાન છો?
તેનો જવાબ આપતા અમિતાભ કહે છે- ‘સાંભળો, મારો સમય આવી ગયો છે. મારા અંતિમ યુદ્ધનો સમય આવી ગયો છે. આ પછી બાળક પૂછે છે- તમે કોણ છો?
પછી ટીઝરના અંતે અમિતાભ કહે છે – ‘હું અશ્વત્થામા છું, ગુરુ દ્રોણનો પુત્ર, દ્વાપર યુગમાંથી 10મા અવતારની રાહ જોઈ રહ્યો છું.’
ટીઝરમાં અમિતાભનો યંગ લુક પણ જોવા મળી રહ્યો છે
ડી-એજિંગ ટેક્નોલોજીના કારણે અમિતાભ યંગ જોવા મળ્યા
આ એક મિનિટના ટીઝરનો સૌથી ખાસ સીન એ છે જેમાં અમિતાભ બચ્ચનનો યંગ લુક બતાવવામાં આવ્યો છે. આ સીન ડી-એજિંગ ટેક્નોલોજી દ્વારા શૂટ કરવામાં આવ્યો છે.
જેનાથી સ્પષ્ટ છે કે ફિલ્મમાં અમિતાભના પાત્ર અશ્વત્થામાની પાછળની વાર્તા પણ બતાવવામાં આવશે.
સોમવારે આ ટ્વિટ શેર કરતી વખતે અમિતાભે આ ફિલ્મમાં કામ કરવાનો અનુભવ શેર કર્યો હતો.
પ્રભાસ, દીપિકા અને કમલ હાસન પણ જોવા મળશે
ફિલ્મમાં અમિતાભ ઉપરાંત પ્રભાસ, કમલ હાસન, દીપિકા પાદુકોણ અને દિશા પટની જેવા કલાકારો પણ જોવા મળશે. મેકર્સે ગયા વર્ષે અમેરિકામાં આયોજિત સેન ડિએગો કોમિક કોનમાં આ ફિલ્મનું ટીઝર રિલીઝ કર્યું હતું.
હજુ સુધી નવી રિલીઝ ડેટ જાહેર કરવામાં નથી આવી
આ ફિલ્મ આ વર્ષે 9 મેના રોજ ઘણી ભાષાઓમાં રિલીઝ થવાની હતી પરંતુ તેને મોકૂફ રાખવામાં આવી છે. જોકે, મેકર્સે હજુ સુધી તેની નવી રિલીઝ ડેટ જાહેર કરી નથી, બજેટની દ્રષ્ટિએ 600 કરોડ રૂપિયામાં બનેલી ‘કલ્કી 2898 AD’ આ વર્ષની સૌથી મોંઘી ફિલ્મ છે. તેને તેલુગુ સિનેમાના જાણીતા નિર્દેશક નાગ અશ્વિને પ્રોડ્યૂસ કરી છે.
જુઓ ટીઝર :
Big B @SrBachchan as Ashwatthama 🔥#Prabhas’s #Kalki2898ADpic.twitter.com/S6s8f9akqQ
— Kalki 2898AD FC (@Kalki2898AD_FC) April 21, 2024
