4 કલાક પેહલા
- કૉપી લિંક
તાજેતરમાં રિલીઝ થયેલી ફિલ્મ ‘કલ્કિ 2898’માં અમિતાભ બચ્ચન અશ્વત્થામાના રોલમાં જોવા મળે છે. આ ફિલ્મે માત્ર 4 દિવસમાં 555 કરોડ રૂપિયાનું કલેક્શન કર્યું છે.
દરમિયાન, રવિવારે બિગ બી, પુત્ર અભિષેક બચ્ચન અને કેટલાક મિત્રો સાથે મુંબઈના એક થિયેટરમાં પહેલીવાર ‘કલ્કિ’ જોવા પહોંચ્યા હતા.
હંમેશની જેમ, અમિતાભ રવિવારે તેમના ઘર ‘જલસા’ની બહાર ચાહકોને મળ્યા અને પછી તેમના મિત્રો સાથે ફિલ્મ જોવા માટે બહાર ગયા.
અમિતાભ થિયેટરમાં મિત્રો અને પુત્ર અભિષેક સાથે ફિલ્મ જોઈ રહ્યા છે
આ રવિવારે અમિતાભ બંગલાની બહાર ચાહકોને પણ મળ્યા હતા
મારી પોતાની ફિલ્મ ‘કલ્કિ’ પહેલીવાર જોઈ
અભિતાભે પોતાના બ્લોગમાં લખ્યું, ‘આ રવિવારે હું મિત્રો સાથે મોટા પડદા પર ‘કલ્કિ’ જોવા ગયો હતો. આ ફિલ્મ પહેલીવાર જોઈ અને અનુભવ અદ્ભુત હતો. ઘણાં વર્ષોથી આવી મૂવી જોવા બહાર ગયો ન હતો.
મુંબઈના રસ્તાઓ પર લગાવેલા ‘કલ્કિ’ના હોર્ડિંગ્સના ફોટા પણ અભિનેતાએ શેર કર્યા છે
પુત્ર અભિષેક સાથેનો ફોટો પણ શેર કર્યો
બિગ બીએ આગળ લખ્યું, ‘ઘણા લોકોને મળ્યા, દીકરો પણ મસ્તીના મૂડમાં હતો. જો કે ઘણું બધું કહેવાનું બાકી છે પણ સવારના 5:16 વાગ્યા છે અને હું શુજાત હુસૈન ખાનનું ગીત ‘એ રી સખી, પિયા ઘર આયે…’ સાંભળી રહ્યો છું.
આ હા હા.. કોઈ ઈચ્છતું નથી કે આવી રાતનો ક્યારેય અંત આવે, તેના ગીતો અને સિતારમાં જે ઈમોશન્સ છે આહા….. સુંદર…
અમિતાભે વધુ એક ફોટો શેર કર્યો હતો જેમાં અભિષેક તેમની સાથે મસ્તી કરતો જોવા મળ્યો હતો
અભિષેકે ફિલ્મની સમીક્ષા કરી
સોમવારે સવારે અભિષેક બચ્ચને પણ આ ફિલ્મ અંગે પોતાની પ્રતિક્રિયા આપી હતી. અભિનેતાએ ટ્વિટ કરીને લખ્યું, ‘#Kalki2898AD = વાહ’.
600 કરોડમાં બનેલી ‘કલ્કિ’એ 555 કરોડ રૂપિયાની કમાણી કરી હતી
600 કરોડના બજેટ સાથે નાગ અશ્વિનના નિર્દેશનમાં બનેલી ‘કલ્કિ’એ માત્ર 4 દિવસમાં જ પોતાનું બજેટ રિકવર કરી લીધું છે. ગુરુવારે રિલીઝ થયેલી આ ફિલ્મે અત્યાર સુધીમાં વિશ્વભરમાં 555 કરોડ રૂપિયાથી વધુની કમાણી કરી લીધી છે.
આ ફિલ્મમાં અમિતાભ સિવાય પ્રભાસ, દીપિકા પાદુકોણ અને કમલ હાસન પણ જોવા મળશે. આમાં વિજય દેવરાકોંડા, એસએસ રાજામૌલી, રામ ગોપાલ વર્મા, દુલકર સલમાન, બ્રહ્માનંદમ અને મૃણાલ ઠાકુર જેવા કલાકારો પણ કેમિયો રોલમાં જોવા મળે છે.