6 કલાક પેહલા
- કૉપી લિંક
દિગ્ગજ એક્ટ્રેસ અમૃતા સિંહ અને સૈફ અલી ખાનના લગ્ન વિશે તો બધા જ જાણે છે. પરંતુ અમૃતા વિશે આ વાત બહુ ઓછા લોકો જાણે છે કે પહેલાં તે કોઈ બીજા સાથે લગ્ન કરવાની હતી. રિપોર્ટ્સ અનુસાર એક સમયે અમૃતા સિંહનું નામ ક્રિકેટર રવિ શાસ્ત્રી સાથે જોડાયું હતું.
કહેવાય છે કે, અમૃતા અને રવિ રિલેશનશિપમાં હતા. બંને લગ્ન પણ કરવા માગતા હતા. સૈફ પણ તેમના સંબંધો તૂટવાનું કારણ નહોતો. પરંતુ એ સંબંધો તૂટવા પાછળની સમગ્ર હકીકત એવી છે કે, રવિએ અમૃતા સમક્ષ લગ્નને લઈને એક શરત મૂકી હતી. આ શરતને કારણે તેમના સંબંધો તૂટી ગયા. રવિ ઈચ્છતો હતો કે લગ્ન પછી અમૃતા ફિલ્મોમાં કામ કરવાનું બંધ કરે.અમૃતાએ ફક્ત લગ્નજીવન પર ધ્યાન કેન્દ્રિત કરવું જોઈએ અને ઘરની સંભાળ રાખવી જોઈએ. પરંતુ અમૃતાએ આ શરત સ્વીકારી ન હતી. તે અમૃતાની કારકિર્દીનો પ્રારંભિક તબક્કો હતો. તે કામ કરવાનું ચાલુ રાખવા માગતી હતી. આ કારણે તેમના સંબંધો તૂટી ગયા હતા.
રવિ શાસ્ત્રી સાથે બ્રેકઅપ બાદ વિનોદ ખન્ના સાથે અફેર હતું
રિપોર્ટ્સનું માનીએ તો રવિ શાસ્ત્રીથી અલગ થયા બાદ અમૃતા અને વિનોદ ખન્નાના અફેરના સમાચાર પણ આવ્યા હતા. બંને ફિલ્મ ‘બંટવારા’નું શૂટિંગ કરી રહ્યા હતા. શૂટિંગ દરમિયાન બંનેની નિકટતા વધી હતી. પરંતુ અમૃતાની માતા તેમના સંબંધ માટે તૈયાર ન હતી. તે ઇચ્છતા ન હતા કે તેમની પુત્રી વિનોદ ખન્ના સાથે લગ્ન કરે. આના બે કારણો હતાં. વિનોદની ઉંમર વધારે હતી એટલું જ નહીં, તે પરિણીત પણ હતો.
સૈફ સાથે પહેલી મુલાકાત ક્યારે થઈ હતી
સૈફ અને અમૃતાની પહેલી મુલાકાત ફિલ્મ ‘યે દિલ્લગી’ના સેટ પર થઈ હતી. બંને એક ફોટોશૂટને કારણે મળ્યા હતા. અમૃતાના કહેવા પ્રમાણે, ફોટોશૂટ દરમિયાન જ્યારે સૈફે અમૃતાના ખભા પર હાથ મૂક્યો ત્યારે તેમણે સૈફ તરફ જોયું કારણ કે તે સમયે સૈફ બોલિવૂડમાં નવો હતો અને અમૃતા તેનાથી ઘણી સિનિયર હતી.
છાનામાના લગ્ન કર્યા હતા
3 મહિના સુધી ડેટિંગ કર્યા પછી, સૈફ અને અમૃતાએ વર્ષ 1991માં ગુપ્ત રીતે લગ્ન કરી લીધા, કારણ કે બંને તેમના પરિવારની પ્રતિક્રિયાથી ડરતા હતા. આ માટેનું કારણ સૈફ અને અમૃતા વચ્ચેની ઉંમરનો તફાવત હતો. અમૃતા સૈફ કરતાં લગભગ 12 વર્ષ મોટી હતી. બંનેના કહેવા પ્રમાણે, તેઓએ લગ્નના માત્ર 2 દિવસ પહેલાં જ નિર્ણય લીધો હતો કે તેઓએ આખી જિંદગી સાથે રહેવાનું છે.
લગ્નના 13 વર્ષ બાદ અલગ થઈ ગયા
13 વર્ષ સાથે રહ્યા બાદ 2004માં બંને અલગ થઈ ગયા. સૈફ અને અમૃતાને સારા અને ઈબ્રાહિમ નામના બે બાળકો છે. અમૃતાથી અલગ થયા બાદ સૈફ અને સ્વિસ મોડલ રોઝા કૈટાલાનોને 3 વર્ષ સુધી ડેટ કરતા હતા. પરંતુ આ સંબંધ પણ લાંબો સમય ટકી શક્યો નહીં અને બંનેનું બ્રેકઅપ થઈ ગયું.
2007માં સૈફ ફિલ્મ ‘ટશન’ના સેટ પર કરીના કપૂરને મળ્યો હતો. બંને 5 વર્ષ સુધી ડેટિંગ કરતા રહ્યા. આ કપલે 16 ઓક્ટોબર, 2012ના રોજ લગ્ન કર્યા હતા.
