આયરા-નૂપુરે લગ્નનો વીડિયો શેર કર્યો: નૂપુરે લગ્ન સ્થળ સુધી જોગિંગ કરીને જવાનું કારણ જણાવતાં કહ્યું, ‘આ રૂટ સાથે મારું ઈમોશનલ કનેક્શન છે’

આમિર ખાનની દીકરી આયરા અને ફિટનેસ ટ્રેનર નૂપુર શિખરેના ડેસ્ટિનેશન વેડિંગ ફંક્શન ઉદયપુરના રિસોર્ટમાં ચાલી રહ્યા છે. કપલે 3 જાન્યુઆરીએ મુંબઈમાં યોજાયેલા રજિસ્ટર્ડ લગ્નની સત્તાવાર ક્લિપ સોશિયલ મીડિયા પર શેર કરી છે.

3 જાન્યુઆરીએ યોજાયેલા તેના લગ્નમાં ફિટનેસ એક્સપર્ટ નૂપુર શિખરે લગ્ન સ્થળ પર જોગિંગ કરીને પહોંચ્યો હતો

‘નૂપુરે કહ્યું, ‘હું મારા ઘરેથી આયરાના ઘર સુધી દોડીને જઈ રહ્યો છું’
નૂપુરે લખ્યું, ‘હું મારા ઘરેથી આયરાના ઘર સુધી દોડીને જઈ રહ્યો છું. આ માર્ગ સાથે મારું ભાવનાત્મક જોડાણ છે. ભાવનાત્મક લાગણી છે.’

નૂપુર આ રીતે દોડતો લગ્ન સ્થળે પહોંચ્યો

રજિસ્ટર્ડ લગ્ન બાદ આમિરે નૂપુર અને વેવાણને ગળે લગાવીને અભિનંદન પાઠવ્યા હતા.

સોમવારે મહેંદી સેરેમની અને પજામા પાર્ટી યોજાઈ હતી
દરમિયાન, આયરા અને નૂપુરે સોમવારે મોડી રાત્રે ઉદયપુરમાં પજામા પાર્ટીનું આયોજન કર્યું હતું. સોમવારે બપોરે મહેંદી સેરેમનીની ઘણી તસવીરો સોશિયલ મીડિયા પર સામે આવી હતી.

સોમવારે આયોજિત મહેંદી સેરેમનીમાં સ્ટેજ પર ડાન્સ કરતી આયરા.

આયરાએ સતત 6 કલાક બેસીને મહેંદી લગાવી હતી. આ દરમિયાન નૂપુર તેની પાસે ઉભો હતો

આજે સાંજે સંગીત સમારોહ યોજાશે
આજે એટલે કે 9 જાન્યુઆરીએ સાંજે 7 વાગ્યાથી આયરા-નૂપુરનો સંગીત સમારોહ થશે, જેમાં આમિર ખાન અને તેના પરિવારના સભ્યો ગીતો અને ડાન્સ કરશે. 10 જાન્યુઆરીએ હોટલના મયુર બાગમાં ‘વાઓ સેરેમની’ એટલે કે લગ્નની વિધિ સાંજે 4 વાગ્યાથી શરૂ થશે. આ લગ્ન મરાઠી રીતિ-રિવાજ મુજબ થશે.​​​​​