આયરાની કઝીન ઝાયને રોમેન્ટિક ગીત ગાયું, આયરા-નૂપુરે ડાન્સ કર્યો: મોડી રાત સુધી ચાલી હતી પજામા પાર્ટી, આજે સંગીત સેરેમનીમાં આમિર ખાન આપશે ખાસ પર્ફોર્મન્સ

આમિર ખાનની દીકરી આયરા અને ફિટનેસ ટ્રેનર નૂપુર શિખરેના ડેસ્ટિનેશન વેડિંગ ફંક્શન ઉદયપુરના રિસોર્ટમાં ચાલી રહ્યા છે. આ કપલે ગઈકાલે રાત્રે પજામા પાર્ટી એન્જોય કરી હતી. બંનેના મિત્રોએ પાર્ટીના કેટલાક વીડિયો સોશિયલ મીડિયા પર શેર કર્યા છે.

સોમવારે રાત્રે 8 વાગે ડિનર કર્યા બાદ પજામા પાર્ટી રાત્રે 10 વાગે શરૂ થઈ હતી. આ પાર્ટીમાં આયરાએ નૂપુર માટે સ્ટેજ પર ડાન્સ કર્યો હતો.

ઝાયને તેના મિત્રો સાથે આયરા-નૂપુર માટે ગીત ગાયું હતું આયરાની કઝીન ઝાયન મેરી ખાને પજામા પાર્ટીનો એક વીડિયો શેર કર્યો છે. આમાં તેણે તેના મિત્રો સાથે આયરા અને નૂપુર માટે એક રોમેન્ટિક અંગ્રેજી ગીત ગાયું હતું. આયરાએ નૂપુરની સામે સ્ટેજ પર આ ગીત પર ડાન્સ પણ કર્યો હતો.

આયરા મિત્રો સાથે ફોટો પડાવી રહી છે. પાર્ટીમાં તે નાઈટ સૂટમાં જોવા મળી હતી.

આયરાની કઝિન ઝાયને પાર્ટીની તૈયારી કરતી વખતે આ વીડિયો શેર કર્યો હતો.

આ પાર્ટીમાં કપલના મિત્રો સેલિબ્રેશન કરતા જોવા મળ્યા હતા.

આમિર આજે સાંજે સંગીત સેરેમનીમાં ખાસ પર્ફોર્મન્સ આપશે
હોટલના મેવાડ લૉનમાં આજે સાંજે 7 વાગ્યાથી સંગીત સેરેમની શરૂ થશે. આ પાર્ટીમાં આમિર ખાન સહિત આયરા-નૂપુર​​​​​​ના પરિવારના સભ્યો પર્ફોર્મ કરશે. આમિર આ ખાસ પર્ફોર્મન્સ માટે ઘણા દિવસોથી તૈયારી કરી રહ્યો છે.

લગ્નની થીમ વ્હાઇટ રાખવામાં આવી ​​​​છે, ઇન્ડોનેશિયાથી ફૂલો મંગાવવામાં આવ્યાં છે
હોટલના મયૂર બાગમાં ‘વાઓ સેરેમની’ એટલે કે લગ્નની વિધિ 10 જાન્યુઆરીએ સાંજે 4 વાગ્યાથી શરૂ થશે. આયરા અને નૂપુરનાં લગ્ન મરાઠી રીતિ-રિવાજ મુજબ થશે. 9 અને 10ના રોજ યોજાનાર લગ્ન પ્રસંગો માટે વ્હાઇટ થીમ રાખવામાં આવી છે. આખી હોટલને વ્હાઇટ થીમથી સજાવવામાં આવી રહી છે. રિપોર્ટ્સનું માનીએ તો આ માટે થાઈલેન્ડ અને ઈન્ડોનેશિયાથી સફેદ ફૂલો મંગાવવામાં આવ્યાં છે.

આયરા-નૂપુરે મેંદીના ફંક્શનમાં જોરદાર ડાન્સ કર્યો હતો
આ પહેલાં સોમવારે આયરાની મેંદી સેરેમની દિવસ દરમિયાન થઈ હતી. સમારોહમાં સ્થાનિક કલાકારોએ આયરાને મેંદી લગાવી હતી, ત્યારબાદ આયરા અને નૂપુરે સ્ટેજ પર આવીને ડાન્સ કર્યો હતો. નૂપુર પણ તેના લગ્ન માટે કસરત કરવાની તૈયારી કરતો જોવા મળ્યો. આ સમયગાળા દરમિયાન, આયરા અને નૂપુરે પોતે તેમના સોશિયલ મીડિયા એકાઉન્ટ પર ઘણા વીડિયો અને ફોટા શેર કર્યા છે.

આયરા તેની મેંદી સેરેમનીમાં મિત્રો સાથે ડાન્સ કરી રહી છે.

નૂપુરે તેની એક્ટર-ફ્રેન્ડ મિથિલા પાલકર સાથે પણ ડાન્સ કર્યો હતો.

નૂપુર તેના લગ્નમાં પણ કસરત કરતો જોવા મળ્યો

આમિરે ડિનર પાર્ટીમાં હાજરી આપી હતી
રવિવારે રાત્રે યોજાયેલી ડિનર પાર્ટીના કેટલાક નવા વીડિયો પણ સોશિયલ મીડિયા પર સામે આવ્યા છે. આ વીડિયોમાં આમિર ખાન પણ જોવા મળી રહ્યો છે. આ સિવાય કપલે 3 જાન્યુઆરીએ મુંબઈમાં આયોજિત રજિસ્ટર્ડ લગ્નની સત્તાવાર ક્લિપ પણ સોશિયલ મીડિયા પર શેર કરી છે.

રવિવારે રાત્રે યોજાયેલી ડિનર પાર્ટીનો એક નવો વીડિયો સામે આવ્યો છે જેમાં આમિર ખાન પણ જોવા મળી રહ્યો છે.

નૂપુર-આયરાએ 3 જાન્યુઆરીના રોજ થયેલા તેમના ડેસ્ટિનેશન વેડિંગનો વીડિયો પણ શેર કર્યો.